2 Tamuwen 1:23 - Ala Wone Peenok Peebi Mbanak

²³ Tawun Yonatan imbirak ineenik logonet, Aakumi inom iniki kunik wonogwe, Inom inale'nggen paga nugwi, Eereegwaarak me, Kanggo logonet kunduk, imbirak lambunik aret kanggaarak o. Tu nogo logonet, Towe nggindooni nege kwak lek it inogowa ambik nogwe, Ndi, inomaawi perak, Singa omaawi kwak lek it inomaawi ambik wonogwe, Eeko nagaarak o.

2 Tamuwen 1:23 Cross References

2 Tamuwen 1:24

Kit kumi Iterali mendek yi wae. At Tawun nen kinayum abe laambu yirippinagage, Mbuti emas paga kinayum obaanggi-obaangge eerogo punuk wokkirage, Eeke nagaarak me, Arigi nen leenggu maa'nip o.

2 Tamuwen 2:18

Ndi, Teruya aagalogwe ineebe kenagan inendage Yowap, Abitayi, Atayen, inom time aret wonogwe me, at Abenet nogo, mbaganit nage mbareegi, mba'ngge penaame nen nggare agan nage menggi kwak, at Atayen nogo ogowa ambik me, ena agigan-ogugan aga'lek mondok nggare agan mugurok nage me,

2 Tamuwen 23:20

Ndi, aap Yoyara aput Mbenaya awi Kabeten ti, aap wim wakaa'ngget lombok mondok iya eerit nage nagagerak. Eerit nage logonet, aap Mowap mendek wim wakaa'ngget lombok ineebe mbere inoorogo piige, ne ambi ndugu-ndugu nggalo-nggalo wangge logonet, o apit eerogo pereegerak kagak, at mbuun ambena wangge nagagerik, singa warogo pege,

1 Mbinineegwaarak 12:8

At Ndawut nogo o karume yugum pak wurogo pereegim wonage me, anebunu Nggat mendek eegu aap wim eeka wakaa'ngget wim nambuka inigen amburu mbanak nggeemu mulunggwi, wooluwak nambukwi, eekak inobam lombok inete singa anini ambik menggi kwak, puut nggelok-nggobok me, rusa nen inagaluwa ambik nugu mengga kwak, Ndawut iyo'me ari wogogwaarak nogo inendage ti,

Ayup 9:26

Longgop paga yiiro ogobakkigirik nogo, Niyo nen mbet-mbet wonok nage, Towe wu nen at wariyak mbaketak nogo Eenggabit nde agan nabuk togon wangge nagaatik, Nggerok togon wonok nggarek ari, Eeke menggi kwak, An nda'nagagim togop aret age menggerak o.

Kini Wuppiige 30:30

Ambi, nggweewo-wam inanini warak iigak inirimbaga lombok nonggonak nega singa aret.

Ndawi Iya 5:16

Oone ari ti, abu abe yanggik-yanggok ari, At eebe paga inom, eerit nage paga inom, abok aret abu aberogon wonage, Eerak menggerak o. O Yerutalem aagalogwe komologwe yi wae. At noreeluk niniki kunik eeke nogo ti aret me yagi o.

Yeremiya 4:13

At wage yi, kinigen pekkaanip o. Ndugwi kilanogo nippit wage menggi kwak, at kin ari wage, O wiya nombok-kombok eerit wage menggi kwak, at anggweendo wim eeka togop aret wogwe, Towe nggindooni nggarek togon nogo menggaarak kwe, at aguda perak, mondok nggare agan wogwe, Eekwi paga Nit mondok lek eerogo pinanigin me, ninabuwa o!

Leendawi 4:19

Towe nggindooni o oolo ya'i nggare agan nege ti, iya negen kwe, It nit mu'niren-ma'niren nugwi inogowa perak, iya lombok wonogwe me, Puut-puut paga mu'niren nugwi, o karume paga wangge'ninakwi, Eeko nogogwaarak o.

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,

Owak Loongga 14:18

Yorage mbareegi, ne 7 nogo paga oonegen awo kilu yi naga'lek kagak, it aap o kota time mendek nen Timoton yogo logonet, “Nggiin amburu kwak ombat abe negen ngge mbaken? Ndi, nggeewo singa mendek alilaakwi kwak, alilaakwi negen ngge mbaken?” Yogo mbareegwa, at nen it yorage logonet, “Naanggo lembu kooli paga yabu ee'netak lek en, Wone eegu laarogo yokkiragarak alom yelok kanetak lek o,” yinuk, yoragagerak.

1 Tamuwen 18:1

At Ndawut nogo Tawun imbirak wone abu aret mbanggo mbareegwa, Yonatan nen at iniki kunik eekkolage menggi kwak, Ndawut nogo togop aret iniki kunik eeke nagagerik, imbirak iniki ambit aret eekkologogwaarak.

1 Tamuwen 20:2

Yoge mbareegi, at Yonatan nen, “Togop yagandak ti kwe, kat koorigin lek o. An nogoba nen yi mendek ndi mendek mbuuluk a, nggwok a, eeke logonet, an yo'nega'lek kagak, eekeelik me, kat nen, Eeppanigin, yagandak nogo ti, an yo'nega'lek kagak, eeppagarak mbaken? Ti lek aret mbaki o.”