2 Tamuwen 1:15 - Ala Wone Peenok Peebi Mbanak

^15-16 At Aliku ALA nen leenogo pereegerak amburu eeppugu kagak, Wakirak, yagandak nogo paga kagap mbugunggolagandak me, kamiya wundigin ti, kobaalombok kat koba aret logowak o.” Yoge nagagerik, awot ambi wiireegerak wage mbareegi, yoge logonet, “Aap yi warogo pu o,” yoreegerak wake mbareegi, taati aret kambeegerak.

2 Tamuwen 1:15 Cross References

1 Endagembogut 2:25

aap endagembogut Talomo nen Aroniya waruwak nduk, aap Yoyara aput Mbenaya yoreegerak warogo pege mbareegi, aret kambeegerak.

1 Endagembogut 2:34

Yoge mbareegi, at Yoyara aput Mbenaya nogo, Yowap wonage me nage nagagerik, wooluwak paga polonogo wareegerak kambeegerak me, eebe at ame karume endekem time aret nggween taambi nogogwaarak.

1 Endagembogut 2:46

Yoge nagagerik, aap endagembogut Talomo nen Yoyara aput Mbenaya nogo yoge mbareegi, at Mbenaya nogo wundi nage nagagerik, aap Timeyi nogo warogo pereegerak aret kambeegerak. Ti eereegerak paga Ndawut endagembogut logonet, abu'me piinok, wonagagim nogo at Talomo inarum wonage kagak, nu'lek omaawi aret agagerak.

Ayup 5:12

Iniki ngget paga maluk eeriyak koonggwi nogo, at nen lek eerogo piige, It eeriyak koonggwi nogo, ale-pale aruwak nduk eeppiige,

Kini Wuppiige 11:18

It aap maluk mendek eerit nogwe onggo kologwe ti, lek ariyak mendek kologo menggaarak kwe, It aap awi yumbunit nogo mengga kwak, obeelom mban eerit nogwe onggo ti perak, mondok logorak mendek aret kologo menggaarak.

Owak Loongga 8:20

Yorage nagagerik, at aput manggu ndarak endage Yetet nogo yoge logonet, “Aap yi, inooru o,” yoreegerak kwe, wulaga mbuuluk me, agabiti nen inoorulik puk agagerak.