1 Tamuwen 9:6 - Ala Wone Peenok Peebi Mbanak

⁶ Yoreegerak kwe, at ayeloman nen ari logonet, “Puk o, nogoba. Aap Ala wone liirogon eeka ambi o kota yime wonage me, at wone yegetak nogo abet mban age kenok, aakumi nen ayuk wuko menggaarak me, at nen, Time kwaarinabi nanip o, yinuk, yo'niraawak nduk, at aa'nduk pekka nawok o.”

1 Tamuwen 9:6 Cross References

Wakkagagerak 24:42

Wage nagarik, yogondak an niyo tooko menggam taati ari wa'nuk, tamban eeke logonet, Kaliku nogoba Abarakam ogoba Ala wa. An eerikit nduk, wagarak nogo, ndak-ndak eeppaniyak mbakendak kenok, ti aret eeppanu o, nogoba.

2 Tamuwen 15:27

Ti yoge nagagerik, aap endagembogut nen at Ala unde Tarok nogo ambinom yoge logonet, “Kat kobagari negen yaga nogo lek a? Kat ti mendek aret me, kaput Akimaat inom, at Abiyatat aput Yonatan inom, kinom kiniki ugun aret kiniyokan kiname o kota time nogo logonip o.

1 Endagembogut 13:1

Aap Yerobeyam nen obari abe kaga nogo kani kunikit nduk kani kunggo menggam taati mi'ndak wonage me, aap Ala wone liirogon eeka ambi at Aliku ALA nen, “Wone yi yori nak o,” yinuk, yoreegerak nogo yoriyak nduk, o Yekura nen Mbeten nagagerak.

2 Endagembogut 5:8

Ndi, aap Ala wone liirogon eeka Elita nogo nen Iterali inowe endagembogut ayum nibinogo pateegerak aruk konengge nagagerik, wone eerogo nappege logonet, “Nonggop nduk kat kayum nibinogo pakendak? Aap Ala nen yorage kagak yoraga ambi Iterali inenggela'me wonage eenu aruwak nduk, aap ti, nowagam nappi mok o.”

2 Endagembogut 6:6

Yoge mbareegi, aap Ala wone liirogon eeka nen aap nogo yoge, “Ye ti, ngga wangge kagandak o?” Yoge mbareegi, at nen, “Ya'i wangge kagarak o,” yinuk, eenggi titik eeke mbareegi, at Elita nen eyo mbuuluk ambi mbanogo ye wambeegim taati mbo wuppege mbareegi, ye nogo niyo ogombaga wonok lagi wage mbareegi,

Ndawi 25:12

Aap ta nen Kaliku ALA agabiti kombake menggerak? It aap inagabiti kombakwi iinok, It eeko logorak koonogo piigendak nogo liirogon mamunirage logomunggun o.

Yetaya 44:26

Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Pelaareegerak 33:1

Ala oone liippunuk eeka at Muta nogo awo kangga'lek logonet, it aakumi Iterali mendek ale'nggen inoba piyareegerak wone nogo yi o.

1 Tetalonika 2:10

Kit abet mbareegutak nogo nit kinenggela'me logonet, Ala wone liippunuk eekwi, ndi, maluk eeka'lek abu obeelom eereegurak paga kinoone ambi ninoba pinanega'lek wonogwe, eerit nogogurak nogo ti, Ala niige, kit kunduk niigwi, eereegutak o.

1 Tetalonika 5:13

It eerit nugwi ti paga kit kiniki kunik eeginako logonet, tiyappiigo logobagip nduk, yokkirogo. Kit kiniki ambit lambunik logonip o.

1 Timotiyut 6:11

Kat perak, Ala aput aret me, eekwi ti mendek mamunggolookwak, ogole nen mbagangge logot o. Obeelom kenok mban eekwi, Ala wone liippunuk eekwi, iniki abet mbakwi, aakumi iniki kunik aganakwi, aaninggin inoba age kagak, inogogumbuk logonet waganggwi, iniki yanggonak paga yorogwe, ti mendek eeriyak kenok mban mugurok nage logot o.

1 Tamuwen 2:27

Ne ambi paga aap Ala wone liirogon eeka ambi nen Eli owagam wage nagagerik, yoge logonet, “At Aliku ALA nen yegerak nogo yokkiri o. At Eli ombomini o Metit time Pirawun abu'me tebembiirogo wonage kagak, an kenom paga aret nigiya wagagirak nogo lek a?

1 Tamuwen 9:8

Yoge mbareegi, at ayeloman nen yoge logonet, “Aap Ala wone liirogon eeka nogo nen, Tu time kwaarinabi nanip o, yo'nirage kenok, onggo wogoriyak an wu mbuti perak ambiriluk ambi wonage me, pekka nawok mban o.”