1 Tamuwen 9:1 - Ala Wone Peenok Peebi Mbanak

¹ Aap ambi anebunu Mbeniyamin mendek endage Apiya. At Apiya nen Mbekorat ndake, Mbekorat nen Terot ndake, Terot nen Abiyen ndake, Abiyen nen aput Kiti ndake, eereegwaarak. At Kiti nogo eenggi warak aret wonagagerak.

1 Tamuwen 9:1 Cross References

2 Tamuwen 19:32

Aap Mbaritilayi nogo, abu anggok ndarak kagak tahun 80 aret eereegerak. Ndi, at eenggi warak lombok me, aap endagembogut awuri inom o Makanayim wonogwe iigak, inambi magarage nagagerak me,

Etet 2:5

Ndi, aap Yakuri anebunu Mbeniyamin mendek Kiti nen Timeyi ndake, Timeyi nen Yayit ndake, eereegwaarak me, at Yayit aput Morekayi nogo ne ti eyom paga aap endagembogut awi o nggwok abe wurik o Tutan time wonagagerak.

Ayup 1:3

Ndi, at aanggumi kambin-ndomba tujuh ribu. Unta ti, tiga ribu. Tapi mbere'mbo lingginik lima ratus. Keledai kooli lima ratus. Ndi, ayeloman mini ti, ambik lombok aret wonogogwaarak. It aakumi oonegen wundi wage menggim pa'nggwe wonogwe ti, inenggela'me aap nggwok eenggi warak lombok at alik aret wonagagerak.

Nappiigak 13:21

Mippege mbareegi, ti'nuk, it aakumi nen, Ninarum logorak ninowe endagembogut ambi mippinanu o, yinuk, yogo mbareegwa, at Ala nen Kiti aput Tawun anebunu Mbeniyamin mendek nogo, mippege mbareegi, wone lengganogo yorage kagak, tahun 40 aret eereegerak.

1 Tamuwen 10:23

Yorage mbareegi, mbe agan aap Tawun wa nogo nogogwaarik, wonok wogo mbareegwa, it aakumi nogo at uum abu'me kuli iigak, at alik anggup nggorek tiyarogon mi'ndak inenggela'me wonage kogogwaarak.

1 Tamuwen 14:51

Tawun ogoba Kiti inom, aap Abenet ogoba Net inom, it imbirak ti, aap Abiyen apuri aret o.

1 Tamuwen 25:2

Nage nagagerik, wonage kagak, aap ambi awi Mawon anebunu Kalep mendek endage Naban. Ndi, at akwe endage Abigayin. Akwe Abigayin nogo eebe abu kigirikwe iniki warak lombok wonagagerak kwe, at ogonggelo Naban nogo perak, ogogun ambik obaabut mondok maluk aret wonagagerak. O Karemen time anggween nggwok eenggi warak lombok me, aanggumi ndomba tiga ribu kuli, ndi, kambin seribu kuli aret wonagagerak. Ne ti eyom paga ndomba ineeruwak mbangge me,