1 Tamuwen 8:7 - Ala Wone Peenok Peebi Mbanak

⁷ Yoge mbareegi, at Aliku ALA nen at yoge logonet, “It aakumi Iterali ti, kat mbo pagulik o. An inenggela'me logonet, nendagembogut logorak ineebi nen mbo panegaarak me, it yokkugwi nogo, karuk konengge logomenggendik, aret eeppiyet o.”

1 Tamuwen 8:7 Cross References

Wundeegwaarak 16:8

Yorage nagagerik, ambinom yorage logonet, “Kit nen kineebi-kineeba yo'nirogotak nogo ti, nit yo'nirogotak lek o. Ata, Aliku ALA aret yogotak aruk konenggerak me, o kiyoma enggaanggum mendek ambi namunggup nduk, wokkirage, ndi, o kuubondendok mbi ndonggorogon namunggup nduk, wokkirage, eeke ti paga kit abok aret, At Aliku ALA nen aret wo'nirage kagi, yinuk, kineenu arumunggup o.”

Yetaya 66:4

An kunduk it eekwi onggo mondok alik negen eeppiyoorak koonogo pege, Inamineeri ne agan noorak mendek inoba kwippege, Eerigin o. An nen wiirage neenok, inoone onggo ambi yo'nugwi, An nen wone yorage neegak, inaruk konenggwi, Eeka'lek logonet, An nenggaanom paga maluk mban eekwi, An eeriyak neebi mbake nogo aret miippunuk mugurok nogwe, Eereegwaarak kenok yagi o,” yinuk, yegerak.

Yeremiya 34:14

It aakumi Iberani mendek nen Iberani mendek aret, An kayeloman ari o, yinuk, ayeloman aremenggerak wonage kagak, tahun 6 eeppunuk, ambi ari wage paga wondet eerogo pegak eeko logorak o. Ayeloman a'nuk ake eeke kagak tahun 6 eeppunuk, ambi ari wage paga wondet eerogo pogo logowak o, yinuk, yoragagirak kwe, kombomini nen noone nogo inaruk konenggwi, yorage nagagirak nogo liippugwi, eeka'lek aret wonogogwaarak.

Yetikiyen 2:3

“Aakumi nen ndarak yi wae. It aakumi an yorage eeriyak ineebi mbaka Iterali nogo, wone yora nanok nduk nappagage agarik o. It inom, inogobamini inom, o maan nen nok, yogondak kuli an ineebi eerogo mbo paneegwaarak o.

Yetikiyen 3:7

it Iterali mendek wonogwe me, nappagage me, kat koone yorage koneniyak ineebi mbarugun o. It Iterali mendek abok aret iniki omaawi inanobak yugum pogom wonogwe me, an noone koneniyak ineebi mbakwi ndak-ndak, kat koone kunduk, koneniyak ineebi mbarugun o.

Linggineegwaarak 22:20

Yorage nagagerik, inom nogo yege me, at Ala nen Mbileyam nogo ka wage nagagerik, yoge logonet, “Mbileyam wae. It aap yi, kat kinom noorak nduk muk kayonggo wagaarak wonogwe me, kinom aret nak o. Ndi, nage logomenggendik perak, an yokkege neenok mban eerumunggun o,” yinuk, yoreegerak.

Matiyut 10:40

“ It aakumi nen kit wokkinakwi iinok ti, an aret wo'nakwi, ndi, an wo'nakwi iinok ti, at nappani wagagerak nogo aret waganggwi, eeko menggaarak.

Lukat 10:16

Yorage nagagerik, at oone waganggwi mendek ambinom yorage logonet, “It aakumi kit kinoone konenggwi kenok ti, an noone aret konenggwi, kit mbo pinagagwi kenok ti, an aret mbo panugwi, ndi, it nen an mbo panugwi kenok ti, at nappani wagagerak nogo aret mbo pugwi, eeko menggaarak aret o,” yinuk, yorage nagagerik, nappiyareegerak.

Lukat 19:14

Yorage nagagerik, nagagerak. Nage kagak, it at abu'me menggaarak nen at ineebi lombok ombako logonet, Kat yi, ninowe kendagembogut a'nuk, ninarum logorak nineebi o, yinuk, yori nawak nduk, inawuri nappiyareegwaarak.

Lukat 19:27

Ndi, it ninom ogoorak logonet, At ninowe endagembogut a'nuk, ninarum logorak, Nineebi o, yagaarak nogo perak, wogoret wogo logomonggotik, nenegen neegak, inoo'nip, yoragagerak o,” yinuk, Yetut nen aakumi nogo yoragagerak.

Yaya 13:16

Ogoba tebenak kagak, ayeloman tiyanak wonageelik o. Ndi, at nappiige menggerak tebenak kagak, at nappi wagaatak tiyanak wonageelik mban o, yinuk, mondok abet aret yokkirage agarik o.

Owak Loongga 8:23

Yoreegwaarak kwe, at Nggireyon nen it yorage logonet, “Lek o. An inom, napuluk inom, kinarum logogun lek o. Ata, at Aliku ALA nen aret kinarum logogin o,” yinuk, ari nagagerik,

1 Tamuwen 10:19

abera'lek me, aaninggin kinoba ngginnage, andi-pandi kinoba age, eeke kenok, kinagap ndake menggerak kinogoba Ala nogo mbo pogo nogotik, Ninowe endagembogut ambi mippinanu o, yo'nogotak me, kinanebunu loguk lombok kinogoba Aliku ALA enggaanom paga ya'i wa'nip o,” yoragagerak.

1 Tamuwen 12:1

Ti'nuk, at Tamuwen nen it aakumi Iterali mendek abok aret yorage logonet, “Kit nen, Ninowe endagembogut ninarum logowak nduk, mippatuwok o, yinuk, nggino yo'nogotak nogo, naruk konengge nagarik, ndak-ndak aret kinake mippinagagirak me,

1 Tamuwen 12:12

Togop aret kwe, it Amon mendek inowe endagembogut Nakat nogo nen kinooriyak nduk mukkeren wage kinigen kogo nogotik, at Aliku kinogoba Ala nogo ti, kinowe endagembogut aret kagak, mbo punuk, an yo'nogo logonet, Aap ambi endagembogut ninarum logowak nduk, ambi mippatuwok o,

1 Tamuwen 8:22

Aliku ALA nen, “It aakumi nggino yokkugwi ti, konengge logomenggendik, aap inowe endagembogut ambi inake mippu o,” yinuk, yoreegerak. Yoge mbareegi, at Tamuwen nen aap Iterali nogo yorage logonet, “Kiname lombok aret nanip o,” yinuk, nappiyareegerak.

1 Tamuwen 8:8

Yoge nagagerik, “An nen o maan aakumi Iterali o Metit nen wogoren wundi wagagirak kuli nen nok, yogondak kuli an mbo paninuk, nobaane'me alik mendek mugurok nogwe nogo ndak-ndak, yogondak kat mbo pagarak nduk, eekwi me,