1 Tamuwen 8:5 - Ala Wone Peenok Peebi Mbanak

⁵ at yogo logonet, “Ninogoba wae. Kat abu kanggok agandak keegak kwe, kapuri nogo kat eeke menggendak ndak-ndak eekwi lek me, it aakumi inanebunu alik mendek inoweewi inendagembogut inarum wonogwe ti pogom, nit ninowe endagembogut ninarum logowak nduk, aap ambi leenogo mippinanu o.”

1 Tamuwen 8:5 Cross References

Linggineegwaarak 23:9

It aakumi ti, aakumi alik ambi inom nabenak lek an puut kirin paga nen nenegen nagiige, Nit aakumi ndi mendek lek o, yinuk, inalik leenak aret wonogwe, An puut teberogon paga nen iige, Eekirak me,

Nappiigak 13:21

Mippege mbareegi, ti'nuk, it aakumi nen, Ninarum logorak ninowe endagembogut ambi mippinanu o, yinuk, yogo mbareegwa, at Ala nen Kiti aput Tawun anebunu Mbeniyamin mendek nogo, mippege mbareegi, wone lengganogo yorage kagak, tahun 40 aret eereegerak.

Owak Loongga 8:22

Ti'nuk, it aakumi Iterali nogo nen Nggireyon yogo logonet, “Kat nen aakumi Miriyan mendek ineenggime nen ninagap ndakendak me, kat aret ninarum logomenggendik, lek age keegak, kapuluk nen mi'nage, ti'nuk, kombooluk nen mi'nage, eeko logogun o.”

1 Tamuwen 10:19

abera'lek me, aaninggin kinoba ngginnage, andi-pandi kinoba age, eeke kenok, kinagap ndake menggerak kinogoba Ala nogo mbo pogo nogotik, Ninowe endagembogut ambi mippinanu o, yo'nogotak me, kinanebunu loguk lombok kinogoba Aliku ALA enggaanom paga ya'i wa'nip o,” yoragagerak.

1 Tamuwen 12:13

yinuk, nggino yo'nogo nogotik, kinowe endagembogut miikkologotak nogo, at Aliku ALA nen mippinagagerak yi aret me, kinigen kaanip o.

1 Tamuwen 12:17

O yogondak gandum anggen mbanggwi eyom nogo lek a? Mbanggwi eyom o kibi aret kwe, kit nen Aliku ALA mbo punuk, Aap ninowe endagembogut ambi mippinanu o, yogotak nogo ti, Aliku ALA enggaanom paga maluk nggwok eekotak kineenu arumunggup nduk, o ngguurubu eeke, mayu wuppi wage, eeruwak nduk, an nen at Aliku ALA yori o,” yinuk, yoragagerak.

1 Tamuwen 12:2

at nen aret kinowe endagembogut logonet, kinarum logogin o. Ndi, an nogo, wulaga mbuuluk paga nen nok-nok, yogondak kuli, kinarum neegak, neebe aakelo age, neeruwak kenen wungge, ndi, napurilogwe kunduk, kit kinenggela'me ndarogo piige, eekirak yi, neyaanip o.

1 Tamuwen 9:20

Ndi, kat kaanggumi keledai kobak agaarak kagak, nogo kenagan yegendak nogo ti, muk kwaaginakaarak me, kiniki piirik logogun o. It aakumi Iterali abok iniki mbakwi nogo, Ta nen eeke logogin o, yinuk, kwaakwi nogo, kat inom, kowe-kawot inom, liippinagaga'lek mbake agandik?”