1 Tamuwen 7:6 - Ala Wone Peenok Peebi Mbanak

⁶ Yorage mbareegi, it apit aret o Mitapa taati kuwak ari nogo nogogwaarik, niyo toologo Aliku ALA enggaanom paga kilirogo punuk, ne ti eyom paga inambe mage negen logonet, “Nit at Aliku ALA maluk nggwok eeppogoorak o,” yinuk, paganggo nogogwaarak. O Mitapa inomaluk paganggwi iinok, at Tamuwen nogo nen aret inowak loonogo, “Yogop ee'nip o,” yinuk, yorage nagagerak.

1 Tamuwen 7:6 Cross References

Wakkagagerak 31:49

Ndi, at Laban nen wone alik ambi ari logonet, “Kat nimbirak lambunik lek kat kalik, ndi, an nalik, wonogwe niigak, aap wim wogwe iyo nggayo mengga kwak Ala nen enegen wo'ninake aret logogin o,” yinuk, yereegerak me, o ti endage ambi Mitapa aret yogo nogogwaarak.

2 Tamuwen 14:14

Niyo toolak kilirogo punuk, waganogo tookulik nogo kokwak, nit abok aret kambugun kwe, at Ala nen aakumi inooriyak nduk, koonggeelik o. Aakumi mbo piigaatak nogo kobak aago logokwak, wogoren piya wage menggerak o.

1 Endagembogut 8:47

keele maarak wonogo logonet, Nit abu maluk lombok eekoorak o, mba'nuk, iniki yungguk togon inomaluk mbo punuk, o keele maarogo piya namenggam nogome nen kat yokkogo logonet, Ninogoba o. Nit maluk lombok eekwi, ninobaabut maluk lombok logonet, ninggin-nanggin eekwi, eekoorak o, yinuk,

1 Mbinineegwaarak 11:18

it aap wakaa'ngget 30 mendek ineebe kenagan nogo, konenggo nogogwaarik, it aap Pilitin mendek inawooliya wuppunuk wonogwe nogo, iigak-iigak o Mbe'lekem tu unggwogo menggam niyo nggween kabunik me nogome niyo toologo waganggo nogogwaarik, wonok Ndawut wogori wogogwaarak kwe, at nen ari logonet, “Nawuri nen, At ake ninamiya wundiyak op aret, mba'nuk, niyo yi, tooli nagaarak me, niyo toolak yi ti, inamiya kwak iya lombok me, an noorak lek o. Ata, Kaliku ALA kake o,” yinuk, at noolik nggween paga kilirogo pereegerak. It aap wim wakaa'ngget 30 mendek inoweewi ineebe kenagan nen eeko nogogwaarak nogo ti, togop aret eeko nogogwaarak o.

2 Mbinineegwaarak 20:3

Ti yogo mbareegwa, at Yotapat nogo iniki abu lek age nagagerik, “Ninambe mage negen logonet, Aliku ALA yogwi niinok, yo'niraawak o,” yinuk, koongge nagagerik, it aakumi Yekura mendek abok aret yoragagerak.

Nekemiya 9:27

inom wim mbanak nogo ineenggime piige mbareegin, it inawim nen nonggop eekkoloobok eerogo piigwi iinok, inoone nggwok yokkogo mbareegwa, kat mbogut paga nen konengge nagagindik, inabuwa mbake logonet, inagap ndaka mippiige mbareegin, it inawim ineenggime nen inagap ndako nogogwaarak.

Ayup 16:20

Noreewi nen meek eerogo panugwi iinok, Nali-nale wambit wage logonet Ala yoge neenok, Aakumi wone inoba agaatak me, Inoreewi nen inaana'le mbanggo mengga kwak, An aap aret kwe, nore ti nen Naana'le mbanogo Ala yoge menggerak o.

Ayup 3:24

Yogop eeppanege, Ao, mbake nogo ti, Nambi nengge minggi kwak aret age, Ndi, andi nen niniki oone ari nogo ti, Niyo kilu-kilu wangge menggi kwak aret age, Eeke agarik o.

Ayup 33:27

Ti eeke kenok, It obeelom eerogo piyamenggerak nogo nen Aakumi inenggaanom paga yogo logonet, nit maluk aret eekwi, Obeelom eeriyak kagak maluk aret eerit nogwe, Eekoorak kagak kwe, At Ala nen nit maluk eekoorak nogo onggo ndak-ndak eeppinanega'lek teppinanege,

Ayup 40:4

“An aap abu yunduurak aret me, Wone nonggop yokkirubok kenok, noone lek puk ari o.

Ayup 42:6

Togop aret me, Nela nen yagarak o, yinuk, niniki wakkolage, Wun nanobak paga yumbunogo pake, liirubu paga lagak-mbagak ari, Eeke logonet, Noone maluk yagarak nogo ti, Ao, yinuk, mbo pigi o,” yinuk, yoreegerak.

Ndawi 106:6

Ninombomini maluk eeko nogogwa kwak, nit maluk eekwi, Nit kat koone tagambunuk maluk lombok eerit nugwi, Eeko nogogurak o.

Ndawi 119:136

Koone yugu Muta liiru mbaneegerak nogo It aakumi woppunuk eeka'lek paga Niyo wu'nuk wage menggi kwak Nale togop aret wambit wage menggerak o.

Ndawi 42:3

Kubondendok nen nok oonikiya ari nage kagak, It aap nen, “Kogoba Ala nggeeme wonage o?” Yo'nugwi tit iigak, Liingge oonikiya nambi-mbiingga nengge pogom Nale amburu mban wangge agaarik o.

Ndawi 6:6

Niniki wakko'net unggwage paga neebe ndeyak ee'nake, Oonikiya kuli nen an nogo yege minggim nale amburu niyo negen yenggenogo pege, Nanobak anep mbanak nale amburu paga miin eerogo pege, Eeke kagak, O aret weege agaarik o.

Ndawi 62:8

Kit aakumi kinanebunu lombok yi wae. Nineebe op logorak abu'me ari unggwaga ti, Ala aret me, Neetik-neetak Ala paga panggonak wonogwe, Kiniki mbako monggotak nogo abok aret at enggaanom paganogo pugwi, Eeko logonip o.

Yeremiya 31:19

An nomo agan nage nagagirik, An maluk aret eeki, yinuk, niyokan wage, Eekirak kagi o, yinuk, liippake nagagirik, nanobak wakkolage, An wulaga awo tawe logonet, nendage maluk agagerak nogo paga nenggali mbake, Nendage maluk aago kagak nege, Eereegirak o, Yinuk, yo'nereegerak.

Yeremiya 36:9

Aap Yotiya aput Yoyakim nogo aakumi Yekura inowe endagembogut a'nuk wone lengganogo yorage kagak, tahun 4 eeppunuk, ambi eerak tut 9 penenak ti paga, Ala enggaanom paga it aakumi Yerutalem mendek inom, o Yekura inawi kota-kota nen Yerutalem kuwak ari wogogwaarak abok aret inom, inambe mage negen eeppunuk logorak wone lengganogo yoragagerak me,

Yeremiya 9:1

Nanobak me niyo yenggenak kwak wonage, Ndi, niyo kila-kila wundi wage menggi kwak, nenegen me nen wundi wage, Eeke logowak lak, ao! Togop aret logonetak en, it aakumi an nowe-nawot inoorak nogo liingge-oonikiya inale ari logonetak o.

Leendawi 2:11

An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee'nake, niniki awi lik-lek eerogo panege, Eeke agaarik o.

Leendawi 3:49

Nale amburu lek aga'lek ko'lu-kii'me nali-nale ngganggik-ngganggok eerogo wurabit wage tit wonage me, Aliku ALA mbogut paga nen wu'neya wage, liippanege, eeke kenok perak, nale nggaruk yigin o.

Leendawi 5:16

Nggare-nggare ninanobak paga yirik wonagagerak nogo nggorok togon wambit nage, Eereegerak o. Nit maluk lombok eeko nogogurak paga ee'ninake me, ninabuwa o!

Yetikiyen 20:4

Aakumi nen ndarak yi wae. Kat nen it inawone amburu mbaniyak ya? Kat nen it inowak looninaburak op mbaken? Op kenok, it inombomini nen maluk ogole warak mendek eeko nogogwaarak nogo mbininogo yoret o.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Yowen 2:12

Aliku ALA nen ari logonet, Ne yogondak yi aret inambe mage negen eeppunuk leenggu maakwi, Iniki wakkologwe, eeko logonet, Iniki mbere lek ambit eeppunuk, iniyokan yungguninuk, an neya wogo logowak o, Yinuk, yegerak o.

Ala Unde 16:29

Wone ambi mondok-mondok eeko logorak nogo yi o. Naliku an ALA nen kinomaluk abu lek eerogo punuk nake nggomoorak wonogwe kiyaakit nduk, tut 7 penenak tanggal 10 yi paga kit Iterali mendek kinomaluk apit aret lek eerogo pinaganuk, an ninom lambunikit nduk, nggami aanggo wakwi kwak kineebe an nake nggomoorogo pinagarak me, tut 7 penenak tanggal 10 ti paga ari wage kenok, kit aakumi Iterali mendek inom, aakumi nggiru kinenggela'me menggaarak inom, kit abok nen yi eekak ndi eekak eeka'lek kinambe mage negen mbi nengga'lek puk logomunggup o.

Ala Unde 26:40

Togop eeppiige logogin kwe, it inombomini inom nen an noone yugu taganogo nambokan laganggo logonet, At oone eeriyak nineebi o, yinuk, inogogumbuk wonogwe iinok, an togon nogogumbuk a'nuk, inom wim mbanak inenggela'me logowak nduk nappiyaminggirak nogo inomaluk ti, aap inagabolo mbanogo mbo nappogo mengga kwak, iniki wogoppakwi nogo mbo punuk, iniki tebeppakwi, ndi, Nit maluk eekoorak paga aret eeppinanege o, yinuk, inomaluk paganggwi, eekwi iinok,

Lukat 15:18

An yime nen nogoba ka nage logominggirik, Nogoba o. At mbogut paga mendek inom, kat inom, maluk eeppinagareegirak o.

Yotuwa 18:26

Mitapa, Kepira, Mota,

Owak Loongga 10:10

Eeke mbareegi, Iterali nen inoone nggwok paga at Aliku ALA yogo logonet, “Nit nen kat ninogoba Ala mbo pagago nogoorik, kobaane'me kugi Mba'an mippunuk, mugurok nogo nogoorak nogo ti, maluk lombok eeppagagoorak o,” yoreegwaarak.

Owak Loongga 10:15

Yoragagerak kwe, it Iterali nen Aliku ALA yogo logonet, “Lek o. Nit abet aret maluk eekoorak me, kat op eeppinaniyak ninombakendak nogo aret eeppinaniyak kwe, yogondak perak, mbo pinaniyak ti mage o. Ata, yeenggwa niret o, ninogoba.”

Owak Loongga 2:4

At Aliku ALA ayonggo nogo nen wone abok aret yorage mbareegi, it Iterali mendek nogo nen leenggu nggwok maareegwaarak.

Owak Loongga 20:26

Mbanogo piigo mbareegwa, Iterali nogo abok o Mbeten woraanuk, Aliku ALA enggaanom paga inambe mage negen a'nuk, leenggu maakwi iigak, o kiip age mbareegi, Aliku ALA enggaanom paga ake warogo kani kunggwi, Aliku ALA inom lambunik logowok nduk, at ake warogo wogogwi, eereegwaarak.

Owak Loongga 3:10

Mippege nagagerik, it Iterali mendek inowak loongge logowak nduk, Aliku ALA Aberiniki at oba age mbareegi, aap Aram mendek inowe endagembogut Kutiyan-Iritiyayim imbirak wim eekwi iigak, Aliku ALA nen aap ti, O'niyen eenggime pege mbareegi, aap nogo tebenogo pereegerak.

1 Tamuwen 1:15

Yoge mbareegi, kwe nogo nen ari logonet, “Togop lek o, nogoba. An anggur amburu inom, amburu kumili aganaka inom, nenok ari lek o. Niniki abu puru agan unggwage logonet, niniki mbake nogo abok aret paganogo at Aliku ALA yoge me,

1 Tamuwen 10:17

Ti'nuk, at Tamuwen nen aakumi Iterali mendek nogo at Aliku ALA enggaanom paga o Mitapa kuwak ari woraawak nduk wiiragagerak.

1 Tamuwen 12:10

it nen inoone nggwok paga Aliku ALA yogo logonet, Nit kat mbo paganuk, kobaane'me kugi Mba'an inom, Atitoret inom, mippunuk, mugurok nogo nogoorak ti, maluk lombok aret eekoorak me, yogondak it aap ninawim ineenggime nen ninagap ndarogo pinangge kenok, kat mban mukkeren wogo logogun o, yinuk,

1 Tamuwen 7:15

Ndi, aap Tamuwen kangga'lek eenik wonage kagak, aakumi Iterali mendek inarum logonet, inowak loongge nagagerak.