1 Tamuwen 7:5 - Ala Wone Peenok Peebi Mbanak

⁵ Ti eeko mbareegwa, at Tamuwen nen, “Kit Iterali mendek abok aret o Mitapa taati kuwak ari nogwe kiinok, an nen kinake Aliku ALA yorikit o.”

1 Tamuwen 7:5 Cross References

Wakkagagerak 20:7

Non mbambagage wonagarak me, yogondak kwe ti, ogonggelo unde wogori nak o. At ogonggelo ti, an noone yoge neenok yoraga mendek me, kat kake tamban eerigin kenok, kambumunggun lek o. Ndi, kwe ti, ogonggelo wogorumunggun lek kenok perak, kat inom, kowe-kawot inom, Nit abok aret kambugun aret kagi, mbake logot o,” yoreegerak.

Wakkagagerak 31:49

Ndi, at Laban nen wone alik ambi ari logonet, “Kat nimbirak lambunik lek kat kalik, ndi, an nalik, wonogwe niigak, aap wim wogwe iyo nggayo mengga kwak Ala nen enegen wo'ninake aret logogin o,” yinuk, yereegerak me, o ti endage ambi Mitapa aret yogo nogogwaarak.

2 Endagembogut 25:23

Mippege mbareegi, it Yekura ineegin warak inowe Netaniya aput Itamayen inom, Kareya aput Yokanan inom, aap Netopa mendek Tanumet aput Teraya inom, Maaka aput Yaataniya inom, nogo nen, aap it Mbaben mendek inowe endagembogut nen o unde logowak nduk, aap Nggeraliya mippereegerak inaruk konembunuk, it inawuri inom aap Nggeraliya o Mitapa wonage me ka nogogwaarak.

Nekemiya 9:1

Tanggal 24 tut ti paga it aakumi Iterali mendek mban wiganak mendek nen it aakumi alik mendek inom ogookkologo nogogwaarik, kuwak eeppunuk, inambe mage negen logonet, inayum nibinik maluk mendek yikkologwe, purok inanobak paga yikut eekwi, eeko nogogwaarik, inobaane'me lombok mi'na'nuk, “Ninombomini maluk aret eeko nogogwaarak me, nit kunduk, maluk aret eeko nogoorak o,” yinuk, paganeegwaarak.

Yeremiya 40:6

Nappege mbareegi, at Yeremiya nogo aap Akikam aput Nggeraliya o Mitipa wonage me, ka nanuk, imbirak it aakumi o time mbo piinok nogogwaarak nogo inom aret wonogogwaarak.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Yowen 2:16

Aakumi yi abok aret kuwak eerogo piigwi, Kuwak eeppiinok, Ala inikilom mbaruwak nduk nggomoorogo piigwi, It aap inoweewi inom, elege mbuulogwe inom, elege ngget ndarak awo inelak nunggwi inom, abok aret kuwak eerogo piigwi, Eeko logonip o. It aap tawe inakuwi inom lambumbiyoorak nogo inago ogoorak me nen wundi wogwe, It komologwe tawe aap inom lambumbiyoorak nogo inago ogoorak me nen wundi wogwe, Eeruwak o.

Yotuwa 15:38

Ndileyan, Mitapa, Yoketen,

Yotuwa 18:26

Mitapa, Kepira, Mota,

Owak Loongga 10:17

Ti'nuk, inanebunu Amon mendek nen Iterali inom wim namburuwok nduk, mi'nogo nogogwaarik, o Nggileyat paga inawooliya wukkola wogo mbareegwa, Iterali mendek kuwak eeppunuk, o Mitapa paga inawooliya wukkola nogogwaarak.

Owak Loongga 20:1

Wone mbanggo nogogwaarik, aakumi Iterali nogo apit aret inanebunu Ndan wonogwe me kuli nen nugwa, o Mberetiyeba inom, o Nggileyat mendek inom, aap wim nambuka inawooluwak li'luk aago ineebe empat ratus ribu ambugwi aret at Aliku ALA enggaanom paga o Mitapa aret kuwak eeri wogo logonet, Ala apuri kuwak eerak inanebunu lombok inoweewi inom aret kuwak eereegwaarak.

1 Tamuwen 10:17

Ti'nuk, at Tamuwen nen aakumi Iterali mendek nogo at Aliku ALA enggaanom paga o Mitapa kuwak ari woraawak nduk wiiragagerak.

1 Tamuwen 12:17

O yogondak gandum anggen mbanggwi eyom nogo lek a? Mbanggwi eyom o kibi aret kwe, kit nen Aliku ALA mbo punuk, Aap ninowe endagembogut ambi mippinanu o, yogotak nogo ti, Aliku ALA enggaanom paga maluk nggwok eekotak kineenu arumunggup nduk, o ngguurubu eeke, mayu wuppi wage, eeruwak nduk, an nen at Aliku ALA yori o,” yinuk, yoragagerak.

1 Tamuwen 12:23

Ndi, an nen perak, kit kinake Aliku ALA yoge lek neenok ti, Aliku ALA maluk eeppuurak aret me, kinake tamban eeke, ndi, obeelom eekkoloorak wone inom, tu koonak paga nogo logorak wone inom, mamungginake, eeke logogin aret kwe,

1 Tamuwen 7:12

Inoorogo piinet nogo nogogwaarik, at Tamuwen nen yugum ambi waganogo o Mitapa o Yetana oolo taa'nogo mippunuk, “Aliku ALA nen yeenggwa niranet o yi kuli aret pinani wagaarak me,” yinuk, yugum mippereegim nogome endage, Eben-Kayetet aret o, yinuk, toonogo pereegerak.

1 Tamuwen 7:16

At nogo tahun ambi eekak paga o Mbeten nen o Nggilagan nage, o Nggilagan nen o Mitapa nage, eeke logonet, aakumi Iterali inenggela'me wone ambi agaatak kenok, inowak loongge nagaatik,

1 Tamuwen 7:4

Yorage mbareegi, it Iterali mendek nogo inagugi Mba'an mendek inom, Atitoret mendek inom, mbo pogo nogogwaarik, at Aliku ALA mban ayuk wuko logonet, mugurok nogo nogogwaarak.

1 Tamuwen 8:6

“Ninowe endagembogut ninarum logowak nduk, aap ambi leenogo mippinanu o,” yinuk, yoreegwaarak nogo, at Tamuwen konengge nagagerik, “It aap yogwe yi, ao!” yinuk, at Aliku ALA yoreegerak.