1 Tamuwen 6:9 - Ala Wone Peenok Peebi Mbanak

⁹ kinigen wogonako logonip o. Tapi nogo nen nok-nok, wonok o Mbet-Temet wonagagim time pi nogwe iinok, Iterali inogoba Aliku ALA nogo nen aret andi-pandi ee'ninabuwak nduk, nappi wagaarak kagi, mbakwi, ndi, nggweendo ogobakkigirik nogo nok-nok, time nage lek kenok perak, andi ee'ninakerak nogo, at nen ee'ninabulik, we alik en ee'ninakerak aret kagi, mbakwi, eeruwok o,” yinuk, yorogogwaarak.

1 Tamuwen 6:9 Cross References

2 Tamuwen 1:6

Yoge mbareegi, aap tawe nogo nen Ndawut yoge logonet, “Wim eekwi ti eyom paga an puut endage Nggilobowa we ugun wagarak taati neegak, at Tawun nogo awooluwak paga anep kumbunuk wonage me, at awim nogo kuda paga inom, nggweendo wim eeka ogobakkigirik paga inom, kwi'na'nuk mugurok at owagam panggo yi wogwe enegen iige nagaarik,

1 Endagembogut 4:9

Aap Mben-Ndeket nen o Makat inom, Taalibim inom, Mbet-Temet inom, Elon-Mbet-Kanan inom, wone lengganogo yorage,

2 Mbinineegwaarak 25:21

Eebi mbake mbareegi, Iterali inowe endagembogut aap Yokawat awuri inom aago at Amatiya inom wim eeruwok nduk, wogo nogogwaarik, o Yekura inawi kota Mbet-Temet time inengga kunna'nuk, wim endok kuneegwaarak.

Wundeegwaarak 8:15

Ndi, ogolem nogo lek agagerak at Pirawun kage nagagerik, iniki aaninggin wonage nogo tayok yereegerak kwe, Aliku ALA nen wone yereegerak nogo ndak-ndak iniki omaawi a'nuk, Muta Karun imbirak inoone koneniyak eebi mbareegerak.

Wone Alom Kibingga 9:11

Oonegen abu'me yime ambi eeke kagagirak nogo yi o. Inogowa ambik kenok inaa'nduk unggwi nogwe, Aap wakaa'ngget kenok, ineegin tiyak ari, Iniki warak kenok, inambi nunggwi, Iniki ngget kenok, ineenggi warak eekkologwe, Ndi, ineenu kenok, obeelom eeppiigwi, Eekulik o. Ata, ti eeriyak abok aret, “Ti eyom paga ariyak,” agaatak me, age menggerak.

Yetaya 26:11

Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Lukat 10:31

Mbaganggwi iigak, peebi aap Ala unde ambi we ugun tu ti paga wage logonet, aap warak nogo kage nagagerik, kagak wagagerak.

Yotuwa 15:10

ti'nuk, yomoninuk, o Mbaala nen nok, oonegen kilu yi nage menggim pa'nggwe mugurok, puut nggelok-nggobo'me o Teyit ari nanuk, o omarip paga pa'nggwe puut Yeyarim ti, Ketalon aret me, puut ti elan me nugwa, ogu o Mbet-Temet nen nok, o Timana nen

Yotuwa 21:16

kota Ayin inom, kota Yuta inom, kota Mbet-Temet inom, inanebunu mbere Yekura eege, Timeyon eege, inanggween paga kota 9 wonage ti, it Karun paga wiganak wogorogo logonet, kota-kota ti, enaagan-ambokan inaanggumi inagari'ngga nenet nogo logorak nggween inom wogorogwe,

1 Tamuwen 6:10

Yorogo mbareegwa, togop aret eeko logonet, tapi ineebe mbere nogo inaagalogwe anggenogona mambiinok, inagalomini ineebe waganogo nggweendo paga mbarembiigwi,

1 Tamuwen 6:12

Nappi wogo mbareegwa, tapi mbere nogo yinomo-nanomo yaga'lek inalik nen inoone “Mu,” agan o Mbet-Temet tu nggwok paga nok-nok, aret wogwe iigak, it Pilitin inoweewi inendagembogut 5 nogo, “Tu ngge paga nogwe iyaamun?” yinuk, inigen wogoren inambokan o Mbet-Temet kuli paga ari wogogwaarak.

1 Tamuwen 6:3

Yorogo mbareegwa, it nen yorogo logonet, “Aakumi Iterali inogoba Ala aloobut mbanak ti, nappuurak kenok, we nappuurak lek o. Ata, wonok wogotak ti, maluk aret eekotak me, it inogoba ti nen, kinomaluk lek eerogo pinagawak nduk, onggo inom aret nappuurak o. Ti eekwi kiinok, andi eekkinake nogo lek age, ndi, at nen nanonduk aaninggin-paaninggin kinoba pinagage nogo kineenu ogwe, eerumunggup o.”