1 Tamuwen 4:6 - Ala Wone Peenok Peebi Mbanak

⁶ Keekok piyanggogogwaarak nogo, it aap Pilitin mendek inaruk konenggo nogogwaarik, it mban-mban yogo logonet, “It aap Iberani mendek inawooliya oore'nggam nogome keekok yogwe ti, nonggop nduk, yogo agaarik o?” Yogo nogogwaarik, “Lek o. Aliku ALA aloobut mbanak nogo wonok Iterali inawooliya oore'nggam pi wogo nagaarik, yogo agaarik o,” yinuk,

1 Tamuwen 4:6 Cross References

1 Tamuwen 29:3

Wogo logonet, aap Pilitin mendek ineegin warak inoweewi nogo nen Akit yogwi, “Aakumi Iberani mendek yi, nonggop nduk kinom wogwe?” Yogo mbareegwa, aap Akit nen it yorage logonet, “Aap Iterali inowe endagembogut Tawun imbirak eeke nagagerak aap Ndawut nogo yi lek a? Aap Ndawut aret kwe, Tawun mbo punuk, neya wagagerak nimbirak wonage kagak, tahun ambi eereegerak kwe, at Tawun mbo punuk, neya wagagerak nen yogondak kuli yi, at maluk ambi eekerak an koolik aret o.”

1 Tamuwen 4:5

Aliku ALA aloobut mbanak wone yugu yonggolak nogo wonok inawooliya oore'nggam nogome unggwi wogo mbareegwa, aakumi Iterali nogo abok aret inale'nggen nen keekok piyanggogo mbareegwa, nggween apit nuk yereegerak.

1 Tamuwen 4:7

yogwe nogo konembunuk, inagabiti nen yogo logonet, “It Iterali inagugiwak ambi inawooliya oore'nggam pi wagaarak wonage kenok, o maan nen nok-nok yogondak kuli togop eeka'lek aret wonagaarak kwe, yogondak eeke me, maluk eeppinanigin aret kogo o.