1 Tamuwen 4:5 - Ala Wone Peenok Peebi Mbanak

⁵ Aliku ALA aloobut mbanak wone yugu yonggolak nogo wonok inawooliya oore'nggam nogome unggwi wogo mbareegwa, aakumi Iterali nogo abok aret inale'nggen nen keekok piyanggogo mbareegwa, nggween apit nuk yereegerak.

1 Tamuwen 4:5 Cross References

2 Tamuwen 15:24

Ndi, aap Tarok nogo it aap Lewi mendek inom Ala aloobut mbanak wone yugu yonggolak nogo eewurik wonok, inom nogo nogogwaarik, taati punuk iigak, at Abiyatat Ala ake warogo wogogak eeke kagak, aakumi nogo o kota nen age yobok togon wundi nogogwaarak.

1 Endagembogut 1:40

it aakumi abok aret nen at Talomo nogo aa'nduk punuk ambo'me wogo logonet, iniki ale'nggen kani omoonuk negen nggelok yinuk, nggawiwak mbanak oone eerit keekok agan wogwe iigak, nggween nuk eereegerak.

Ayup 20:5

Aap maluk eeka iniki ale'nggen mbakwi nogo we luulu aret mbakwi, Ala mugurok noorak ineebi mbaka inale'nggen kogwe nogo, we ne ambiriluk mban kogwe, Eeko menggaarak o.

Yeremiya 7:4

it aakumi nen, Aliku ALA awi wurik wonage me, op aret logomunggup o. Op aret logomunggup o. Op aret logomunggup o, mban pilit pugunogo yorogwe ti, Yi abet aret yo'nirogo agaarik o, yinuk, mbarugwaarik o.

Amot 6:3

“Aaninggin ninoba kwippinani woroorak ti, abu nda lombok wonage,” mba'nuk, eerit nugwi kwe, Kinogogumbuk logonet eerit nugwi paga aaninggin kinoba pinagarak nogo, koorok panggonogo pati wogo ogotik o.

Mika 2:11

Aap pilit pugunogo inambokan lagangga ambi nen wage logomenggerik, ari logonet, An perak, anggur amburu inom, kumili aganaka amburu inom, ndonggok togon nonggo logorak yokkirage logogin o, yinuk, yoraga nogo mendek it inobam aret me, inenggela'me logonet yoragak yuurak op aret o,” yinuk, yegerak me, yokkiragi o.

Yotuwa 6:20

Yorage mbareegi, ne ti eyom paga aret ne 6 paga abu wanggeko nogogwaarik, ne ambi irip paga wanggeko logonet, it aap Ala unde nogo nen oone pu eekak trompet oone nggwok eeko mbareegwa, it aakumi Iterali nogo apit aret inaruk konenggo nogogwaarik, keekok tubuk-tubuk yogo mbareegwa, yugum pak wurik nogo mondok langgu-langgu wangge mbareegi, it apit aret inalitik-inalitak yugum pak langgu-langgu wambeegerak nogo obaga mbo aakumi Yeriko iname time aret tebenggola unggwogogwaarak.

Yotuwa 6:5

Ndi, trompet oone mondok nggwok kunik-kunik lombok eekwi kinaruk konenggo logomonggotik, kit apit aret kinoone nggwok paga keekok piyanggogwe kiigak, yugum pak wurik nogo aburen langgu-langgu wangge kenok, kit apit aret kinalitik-kinalitak yugum pak wurik langgu-langgu wambemenggerak nogo obaga mbo iname aret tebenggola unggwi namunggup o,” yinuk, yoragagerak.

Owak Loongga 15:14

Wonok, o Leki ari nogo mbareegwa, it aap Pilitin inale'nggen nen keekok agan wundi wogwe iigak, abera'lek me taa'nogo aret Aliku ALA Aberiniki omaawi at oba ari wage logonet, eenggi keele maarak nogo kani nen ligi awut ne ambit liingge nengge menggerak togo'nogo aret nggaru-nggaru ma'nagagerak.

1 Tamuwen 4:6

Keekok piyanggogogwaarak nogo, it aap Pilitin mendek inaruk konenggo nogogwaarik, it mban-mban yogo logonet, “It aap Iberani mendek inawooliya oore'nggam nogome keekok yogwe ti, nonggop nduk, yogo agaarik o?” Yogo nogogwaarik, “Lek o. Aliku ALA aloobut mbanak nogo wonok Iterali inawooliya oore'nggam pi wogo nagaarik, yogo agaarik o,” yinuk,