1 Tamuwen 4:21 - Ala Wone Peenok Peebi Mbanak

^21-22 “Ala aloobut mbanak ndinggwi, nayinggelo nogonggelo imbirak kanggwi, eekaarak me, Ala eya abinak aago Iterali inenggela'me wonage nogo lek aret aga o,” yinuk, aagaluk endage Ikabot toombunuk, “Ala aloobut mbanak ndinggaarak me, Ala eya abinak aago Iterali paga lek agaarak o,” ari nagagerik, aret kambeegerak.

1 Tamuwen 4:21 Cross References

Ndawi 106:20

At tiyanak menggerak inogoba Ala obaane'me iri'ngga nenet nege menggerak lembu ngguunok ogut ogobakkigirogo pugwi, Eereegwaarak.

Ndawi 26:8

Kaliku ALA wae. Kawi wurik kat menggenom inom, kendage tiyanak lombok menggenom inom, Niniki kunik minggirak o.

Ndawi 78:61

Ala omaawi ineenu agak At oone yugu yonggolak aloobut mbanak nogo, Ndininuk nawak nduk mbo pege, At endage abu tiyanak ineenu agak aloobut mbanak nogo, Inawim ineenggime piige,

Ndawi 78:64

It aap Ala unde nogo inooruwak nduk mbo piige, Inakuwi togwe piyamenggaarak nogo inale yaga'lek logowak nduk, eeppiige, Eereegerak.

Leendawi 2:1

Ndugwi nen puut lenggenogo pit nage menggi kwak, Nogoba Ala anini o Tiyon Aagalukwe oba lenggenogo pereegerak ti mondok iya o! Iterali endage tiya agan mbogut paga ari laganeegerak nogo nggween paga mbo wuppi wage, At anini eeppiyoorak eyom paga at iyok pi wangge menggim teppega'lek anini inoba kwippege, Eereegerak o.

Oteya 9:12

It inapuri ndappiinok, tawe aganabemenggaarak kwe, inenggaawak lek eerogo piyaminggirak paga leenggu maako logowak nduk, eerogo piyaagin o. An mbo piinok, mbagangge neenok, it inabuwa o.

1 Tamuwen 14:3

Ndi, it inenggela'me time aap ambi Aliku ALA unde o Tilo wonagagerak Eli nogo, ombooluk Pinekat aput Ikabot oreeluk Akitup aput Akiya nogo, Ala unde inayum agale warak epod nogo mendek yirik ne ti eyom paga time aret wonagagerak. Ndi, at Yonatan nogo aap Pilitin wonogwe me nagagerak nogo it Tawun awuri inom ineenggo'lek aret wonogogwaarak.

1 Tamuwen 2:34

An ari yi nogo, Abet aret arigin, eenu aruwak nduk, at apuri mbere Kopini Pinekat imbirak ne ambit paga aret kambugun o.

1 Tamuwen 3:12

An nen Eli yoge logonet, Kapuri nogo nen Naliku ALA meek eerogo panugwi nogo, keenu aret kwe, inaruk waka'lek mbo piigendak ti paga kat kapuri wiganak kinom aaninggin mondok-mondok kinoba pinagage logogin o, yinuk, yoge nagagirik, wone ambi yoge logonet, Kat kapuri kinom maluk nggwok eekwi nogo lek aruwak nduk, ndomba warogo nake wo'niri wogwe, yi mendek ndi mendek we wo'niri wogwe, eerumonggotak kwe, kinomaluk ti, lek arigin lek mondok itok kinoba aret logogin o, yinuk, kumbuk mbanogo yoreegirak me, ti eyom paga, Kat kapuri togop eeppiyaagin o, yinuk, alom paga nen nok, irip paga Eli yoreegirak nogo abok aret eeppiyaagin o,” yinuk, Tamuwen yoreegerak.

1 Tamuwen 4:11

Ala aloobut mbanak nogo ndinggologwe, ndi, it Eli apuri mbere, Kopini Pinekat imbirak inookwi, eereegwaarak.