1 Tamuwen 4:2 - Ala Wone Peenok Peebi Mbanak

² Eeko nogogwaarik, it Pilitin mendek nen aap Iterali mendek inom perenggolaawok nduk, nappiya wogogwaarak inom wim nambuko logonet, it aap Iterali mendek tebenogo piinok, aap empat ribu negen aret wim tinime time inoorogo piyareegwaarak.

1 Tamuwen 4:2 Cross References

Leendawi 3:40

Nit eerit nugwi nogo maloppakwi, ninabut mbanggologwe, eeppunuk, yungguk togon Aliku ALA mugurok nogwe,

Ala Unde 26:37

ndi, inoorit wogwe lek kwe, Ninoorit wogwe yi o, yinuk, at ambi nen at ambi aganak waganogo pegak eekwi, eerit kole mbaganit nogo logogun me, inagap ndakkoloorak meek aret kogo logogun o.

Linggineegwaarak 14:45

it aap Amalek mendek inom, Kanan mendek inom, puut nggelok-nggobok wonogwe nogo nen wundi wogo logonet, it nogogwaarak nogo muguren-magaren inoorit o Koroma kuli aret piya wogogwaarak.

Yotuwa 7:12

Kumaappatinuk wonogwe ti paga kineebe pup eerogo pinagarak kinetenggen luurik aret wonogwe me, aap kinawim nen kinoorit wogwe iinok, ko waka'lek kinamborowak kin-kin mbaganit kumaa'narit nogwe kiigirak me, an namendek lek eerogo puurak yugu kagak, aap kumaakerak wonage ti, lek eerogo pega'lek wonogwe kiinok, an kit ninom logogin lek o.

1 Tamuwen 17:21

Nggomooppunuk, it aap Pilitin mendek inom, Iterali mendek inom, wim endok kuniyak nduk, it panggo agan, it panggo agan, ambe paga mondok li'luk eekwi, iyareegerak.

1 Tamuwen 17:8

puut nogo paga mi'ndak logonet, it aap ineegin warak Iterali mendek nogo oone nggwok paga yorage logonet, “Kit wim eeruwok nduk, koonogo punuk, wundi wogo nogotik, nonggop nduk wim nambuka'lek time wonogo ogotik? An nogo ti, Pilitin mendek lek mbakop? Ndi, kit ti, aap Tawun awuri nogo lek a? Togop aret me, aap ambi kinenggela'me nen leenogo punuk, an wonage me wuppi woraanip o.

1 Tamuwen 4:1

Ne ti eyom paga it aap Iterali nen aakumi Pilitin inom wim namburuwok nduk, wundi nogo nogogwaarik, o Eben-Kayetet aret inawooliya wukkologwe, ndi, it Pilitin mendek nogo o Apek time aret inawooliya wukkologwe, eereegwaarak.

1 Tamuwen 4:10

Yogo nogogwaarik, it aakumi Iterali inom wim perenggologo logonet, mondok tebenogo piinok, it ineegin warak ineebe ambik lombok tiga puluh ribu aret inooko mbareegwa, aakumi Iterali ando nogo inalitik-inalitak iname lombok mbaganit wogwe iigak,

1 Tamuwen 4:3

Inooko mbareegwa, it Iterali inawuri ineegin warak nogo iniyokan inawooliya wurik me wogo nogogwaarik, aap Iterali inoweewi it mban-mban yogo logonet, “It aap Pilitin mendek nen ninooruwak nduk, at Aliku ALA nen nonggop nduk teppinanegerak mbakop? Aliku ALA ninom logonet, ninawim ineenggime nen ndinninake logowak nduk, Aliku ALA aloobut mbanak wone yugu yonggolak o Tilo wonage nogo wa nawok o.”