1 Tamuwen 4:13 - Ala Wone Peenok Peebi Mbanak

^13-15 “Ndogop aret ninookaarak o,” yinuk, it aakumi o Tilo mendek wone mbininogo yorage mbareegi, it aakumi o tini time mendek abok aret yiyi-wowo yogo logonet, le yereegwaarak. Ndi, at Eli nogo ndarak kagak tahun 98 eeke nagagerik, enegen ogut yi mendek ndi mendek enegen koorak meek me, Ala aloobut mbanak ndinggologwe iyo, iniki aaninggin nen at ageyo ndoonak tu ambet paga kwi'ndak arum wonage me, it le yiyi-wowo yogwe nogo aruk konengge nagagerik, “Nanonduk le yiyi-wowo yogo agaarik o?” ari kagak, aap wone wonok wagagerak nogo Eli yorikit nduk mbe agan owagam wagagerak.

1 Tamuwen 4:13 Cross References

Ndawi 26:8

Kaliku ALA wae. Kawi wurik kat menggenom inom, kendage tiyanak lombok menggenom inom, Niniki kunik minggirak o.

Yeremiya 48:19

It o Aroyet menggaarak ti, tu ambet paga mi'nari nanuk inigen wonogwe me, Aap ambi mbagani wage, Kwe peberagangge aago ambi mbe agan wage, Eekwi iinok, O time nonggop agaarak o? yinuk, ineegwa'me waawak o.

Yotuwa 7:9

Wone yi, it aakumi Kanan mendek inom, it aakumi o yime menggaarak inom, nen konenggo logomenggaarik, nit kup mbambinaninuk, o yime nen ninendage lek eerogo pinanugwi iinok, ta nen kat kendage tiyappege logogin o? Lek aret me, nonggop eerumunggun o, nogoba,” yinuk, yoreegerak.

1 Tamuwen 1:9

Ne ambi paga it nogo o Tilo time, mbi inom, niyo inom, nonggo nogogwaarik, Ala unde Eli nogo at Aliku ALA awooliya wurik tunggambe paga kwi'ndak wonage kagak, at kwe Kana nogo mi'nanuk,

1 Tamuwen 4:18

Yoge mbareegi, at Eli nogo Ala aloobut mbanak ndineegwaarak nogo konengge nagagerik, at ageyo ndoonak tunggambe paga kwi'ndak wonage nogo, abut loguk togon wangge logonet, at aap anggok eebe kole aaninggin ambik me, uut koguk togon kambeegerak. At Eli nogo nen aakumi Iterali mendek inarum wonage logonet, inowak loongge kagak tahun 40 eereegerak.