1 Tamuwen 4:11 - Ala Wone Peenok Peebi Mbanak

¹¹ Ala aloobut mbanak nogo ndinggologwe, ndi, it Eli apuri mbere, Kopini Pinekat imbirak inookwi, eereegwaarak.

1 Tamuwen 4:11 Cross References

Ndawi 78:56

Togop eereegerak kwe, Ala abut mbanuwok nduk wakkagak mban eekwi, At Tiyanak Lombok Menggerak nen yorage ineebi mbakwi, Aberak logorak wone yoragagerak nogo pipporogo wonaga'lek mbo pugwi,

Ndawi 78:64

It aap Ala unde nogo inooruwak nduk mbo piige, Inakuwi togwe piyamenggaarak nogo inale yaga'lek logowak nduk, eeppiige, Eereegerak.

Yetaya 3:11

Aap maluk mendek ti, maluk inoba arigin me, inabuwa o! It nen aakumi maluk eeppiigo nogogwaarak nogo ndak-ndak eeppiyaagin me, inabuwa o!

Yeremiya 7:12

“An nendage ki logorak nawi aa'nduk wurogo pereegim o Tilo time nogo logomenggaarik, it an napuri Iterali maluk mban eeko mbareegwa, eerogo pereegirak nogo pekka nawak o.

1 Tamuwen 2:31

at apuri inom, anebunu mendek inom, ambik kenok iya ombakwi nogo, lek eerogo piyoorak eyom abu panggoni wagaarak wonage me, at paga wiganak ambi li a'nuk kanggo logogun mondok lek o.

1 Tamuwen 2:32

An nen aakumi Iterali inanebunu alik mendek obeelom eeppiige at enegen iige logomenggerik, ari logonet, It mban eeppiige yi, Ao, yinuk, iniki wakkolamenggerak kwe, at paga wiganak ambi li a'nuk kanggo logogun lek o.

1 Tamuwen 2:34

An ari yi nogo, Abet aret arigin, eenu aruwak nduk, at apuri mbere Kopini Pinekat imbirak ne ambit paga aret kambugun o.

1 Tamuwen 3:12

An nen Eli yoge logonet, Kapuri nogo nen Naliku ALA meek eerogo panugwi nogo, keenu aret kwe, inaruk waka'lek mbo piigendak ti paga kat kapuri wiganak kinom aaninggin mondok-mondok kinoba pinagage logogin o, yinuk, yoge nagagirik, wone ambi yoge logonet, Kat kapuri kinom maluk nggwok eekwi nogo lek aruwak nduk, ndomba warogo nake wo'niri wogwe, yi mendek ndi mendek we wo'niri wogwe, eerumonggotak kwe, kinomaluk ti, lek arigin lek mondok itok kinoba aret logogin o, yinuk, kumbuk mbanogo yoreegirak me, ti eyom paga, Kat kapuri togop eeppiyaagin o, yinuk, alom paga nen nok, irip paga Eli yoreegirak nogo abok aret eeppiyaagin o,” yinuk, Tamuwen yoreegerak.

1 Tamuwen 4:21

“Ala aloobut mbanak ndinggwi, nayinggelo nogonggelo imbirak kanggwi, eekaarak me, Ala eya abinak aago Iterali inenggela'me wonage nogo lek aret aga o,” yinuk, aagaluk endage Ikabot toombunuk, “Ala aloobut mbanak ndinggaarak me, Ala eya abinak aago Iterali paga lek agaarak o,” ari nagagerik, aret kambeegerak.