1 Tamuwen 31:4 - Ala Wone Peenok Peebi Mbanak

⁴ Wako mbareegwa, at Tawun nen aap at eegin wonok nega nogo, yoge logonet, “It aakumi inagabolo mbana'lek Pilitin mendek yi nen wogo logomenggaarik, meek eerogo paninuk, nagabolo andi-pandi eerogo nookwi iyo, kat kawooluwak waganogo ndanuk togon noori mok o!” Yoreegerak kwe, at aap at eegin wonok nega nogo, agabiti nen wariyak eebi mbake mbareegi, at Tawun alik nen awooluwak yindumbunuk, at paga ndanunggola wambeegerak.

1 Tamuwen 31:4 Cross References

2 Tamuwen 1:1

Aap Tawun nogo wareegwaarak kambeegerak kagak, at Ndawut nogo awuri inom aakumi Amalek mendek tebenogo piinok, iniyokan wogo nogogwaarik, ne mbere paga o Tikalak time wonogwe me,

2 Tamuwen 1:14

Yoge mbareegi, at Ndawut nen at yoge logonet, “At Aliku ALA nen aap leenogo pereegerak, amburu eeppugu kagak, wariyak kagabiti mbarulik nonggop nduk, kiniki teeluk a'nuk wakendak?

2 Tamuwen 1:20

Togop agaarak kwe, It komologwe Pilitin mendek iniki ale'nggen mbakwi, Inagabolo mbanak lek mendek inapuri komologwe iniki wogoppakwi, Eekwi iyo, Wone yi nogo, iname o Nggat wonogwe me yorogwe, Iname o Atekelon wonogwe me yoranet nogwe, Eerugup o.

2 Tamuwen 1:6

Yoge mbareegi, aap tawe nogo nen Ndawut yoge logonet, “Wim eekwi ti eyom paga an puut endage Nggilobowa we ugun wagarak taati neegak, at Tawun nogo awooluwak paga anep kumbunuk wonage me, at awim nogo kuda paga inom, nggweendo wim eeka ogobakkigirik paga inom, kwi'na'nuk mugurok at owagam panggo yi wogwe enegen iige nagaarik,

2 Tamuwen 17:23

Ndi, at Akitoben nen wone koonogo yoragagerak nogo eeka'lek iige nagagerik, keledai amborowak paga kwi'nagak nogo ndoonogo punuk, ti paga kwi'na'nuk, at awi alom paga kota nogome aret nage nagagerik, aaganapuri koonogo piinok, alik nen enggaanok keele yilunggolagagerak kangge mbareegi, at ogoba nggween taanak me nogome aret taambereegwaarak.

2 Tamuwen 21:12

aakumi Pilitin mendek nen aap Tawun aput Yonatan imbirak o Nggilobowa inooko nogogwaarik, iname kota Mbet-Tan oore'nggam taa'nogo tugumbiigo mbareegwa, it aakumi Yabeti-Nggileyat mendek woraanuk ineebe kumaageren iname nggween taambiya nogogwaarak wonogwe me, at Ndawut nen inowak nenenak nogo wa nage nagagerik, wonok wagagerak.

1 Endagembogut 16:18

O Tirata nogo abu aret tebeneegwaarak aap Timiri nen enegen kage nagagerik, aap endagembogut awi o nggwok abe wurik ko ogoorak ambi akem time unggunuk, awi kani inom pateegerak.

1 Endagembogut 16:27

Ndi, at Omiri endagembogut a'nuk wone lengganogo yorage logonet, eeke nagagerak inom, eerit nage paga endage nggwok agagerak inom, ando abok ti, it Iterali inoweewi inendagembogut eeko nogogwaarak mbuku paga liiru mbanak wonage nogo paga, inom liiru mbanak wonage nogo lek a?

1 Mbinineegwaarak 10:4

Wako mbareegwa, at Tawun nen aap at eegin wonok nega nogo, yoge logonet, “It aakumi inagabolo mbana'lek Pilitin mendek yi nen wogo logomenggaarik, meek eerogo paninuk nagabolo andi-pandi eerogo nookwi iyo, kat kawooluwak waganogo ndanuk togon noori mok o!” Yoreegerak kwe, at aap at eegin wonok nega nogo agabiti nen wariyak eebi mbake mbareegi, at Tawun alik nen awooluwak yindumbunuk, at paga ndanunggola wangge nagagerik, kambeegerak.

Owak Loongga 14:3

Yorage mbareegi, agalo-ogoba nen at yogo logonet, “Kat koreewi mendek inapuri komologwe ilik, aakumi nit mendek inapurilogwe komologwe a, kat koloorak ndak-ndak abu lek iinok, it inagabolo mbana'lek aakumi Pilitin mendek inapuri koloorak wokkiri noorak nduk, yo'nirage agandik?” Yoreegwaarak kwe, at Timoton nen ogoba yoge logonet, “Kolaga ti, an koloorak ndak-ndak aret kagarak me, wo'niri nak o,” yoreegerak.

Owak Loongga 9:54

Telak ari mbareegi, at Abimelek nogo nen aap at awooluwak wonok nege nogo yoge logonet, “Aakumi nen, Abimelek nogo kwe nen waki o, yukwak me, kat nen mbet-mbet aret nooru o.” Yoge mbareegi, awooluwak nogo paga ndanuk togon warogo pereegerak aret kambeegerak.

1 Tamuwen 14:6

At Yonatan imbirak puut ti paga ari nanuk, aap tawe eegin wonok nega nogo yoge, “Aliku ALA nen aakumi mbereeluk kenok, Aaninggin o, yinuk, mbo piigeelik mbereeluk aago inom, apit aago inom, ndak-ndak aret yeenggwaarage menggerak me, ninom a'nuk, it aap inagabolo mbana'lek Pilitin mendek tum wako menggam wonogwe me time nawok nduk, omok o.”

1 Tamuwen 17:26

Yogo mbareegwa, at Ndawut nen it aap time inom mi'ndak wonogwe nogo yorage, “Aap agabolo mbana'lek Pilitin mendek ti, At ta me, nduk, agabiti mbaka'lek at Ala eenik menggerak awuri ineegin warak miyuk-meya eerogo piige mbakop? Nit Iterali ninenggali wappinanege yi, lek aruwak nduk, aap ambit-ambi nen aap Pilitin mendek ti, warogo pege kenok, aap ti nonggop eeppuurak?”

1 Tamuwen 17:36

Kayeloman an nen singa inom, beruang inom, imbirak inookirak ti ndak-ndak, aap agabolo mbana'lek Pilitin mendek yi, at eenik menggerak Ala awuri ineegin warak miyuk-meya eerogo piige me, an togop aret warigin o.

1 Tamuwen 26:10

At anggok a'nuk kambigin ilik? Wim eeke me warugun a? At Aliku ALA nen mban eeppigin, abet aret mbake logonok nduk, at eenik menggerak Aliku ALA endage kumbunuk, yokkigi o.

1 Tamuwen 31:5

Ndi, aap Tawun eegin wonok nega nogo, Tawun kambeegerak enegen kage nagagerik, at kunduk awooluwak paga togop mban ndanunggola wambeegerak me, at Tawun kambeegerak wonage me taati imbirak aret kambeegerak.