1 Tamuwen 30:31 - Ala Wone Peenok Peebi Mbanak

³¹ Keboron wonogwe inom, yi o ndi o at Ndawut awuri inom nugu nogogwam time abok aret kolaawak nduk, nappiinet nagagerak.

1 Tamuwen 30:31 Cross References

2 Tamuwen 15:10

Nage logonet, at Abatalom nen it Iterali mendek inanebunu lombok wonogwe me abok aret wone kote eerogo nappiige logonet, “Oone eeka trompet nogo oone pu eekwi kinaruk konembunuk, Abatalom nogo o Keboron nen inowe endagembogut mi'naga, yinuk, keekok yuwak o,” yinuk, nappiyareegerak.

2 Tamuwen 2:1

Ti'nuk, ne ambi paga at Ndawut nen Aliku ALA yoge logonet, “An o Yekura inawi kota ambi time na ilik?” Yoge mbareegi, at Aliku ALA nen, “Nako.” Yoge mbareegi, at Ndawut nen yoge logonet, “Inawi kota nggeeme na o?” Ari mbareegi, at Aliku ALA nen, “O kota Keboron time aret nak o,” yoreegerak.

2 Tamuwen 2:4

Time wonogwe me, it aap Yekura mendek o Keboron nogome wogo nogogwaarik, at Ndawut nogo it aakumi Yekura mendek inowe endagembogut logowak nduk, amburu eerogo mippereegwaarak. Mippereegwaarak wonage logonet, it aakumi Yabeti-Nggileyat mendek nen at Tawun nggween taambereegwaarak yogwe nogo, at Ndawut konengge nagagerik,

2 Tamuwen 4:1

At Abenet o Keboron warogo pereegwaarak at Tawun aput Itibotet aruk konengge nagagerik, omanggen tayok ari, ndi, it Iterali mendek iniki ma'nogwe, eereegwaarak.

Linggineegwaarak 13:22

o Kanan o ame yime pa'nggwe karume unggwagak, nok o Keboron kuli aap Enak ombowologwe wiganak Akiman inom, Tetayi inom, Talamayi inom, wonogo menggam nogome unggwi nogogwaarik. Unggwi nogo nogogwaarik, inigen yomboonit o Etokon kobappaga nogome unggwi nanuk, anggur eno'mbak ambit paga anggen luurik-maarak yugu nogo mbanogo eewurogo waganggo logonet, eyo delima anggen inom, eyo wuli anggen inom, mbanogo inom wonok iniyokan wogogwaarak. O nogome inigen yomboonit nugwi iigak, nogo 40 yereegwaarak. O Etokon ti, aap Iterali nen eyo anggur anggen mbaneegwaarak me, o nogo endage, Etokon Kobappaga o, yinuk, yogo nogogwaarak. Ndi, nit ninoone paga ti, Anggen Luurik Yugu Me Mbaneegwam o. Ndi, o Keboron time wurik tahun 7 wonage kagak, o Metit nggween Towan taganak paga o wurik lek we aret wonagagerak.

Yotuwa 15:13

Aliku ALA nen wone lengganogo yoreegerak ndak-ndak, at Yotuwa nen aap Yepune aput Kalep anebunu Yekura mendek inanggween ando mogonogo wogoragagerak me, mogonogo wogoreegerak nogo ti, o Kiriyat-Araba endage ambi ti, Keboron aret. Aap Enak mendek inogoba endage ti, Araba aret o.

Yotuwa 21:11

kota Kiriyat-Araba ti, Keboron aret me, wogorogwe, ndi, kota Keboron enaagan-ambokan korok-korok inaanggumi inagari'ngga nenet nogo logorak nggween inom, yaga'lelo-yaga'lelo inom, ti aap Yepune aput Kalep unde eeppatinuk, logowak nduk, muk wogoreegwaarak me, kota Keboron wukka wagak o Yekura puut nggelok-nggobok me, inaanggumi inagari'ngga nenet nogo logorak nggween wogorogwe, eereegwaarak. Aap Enak mendek inombo endage ti, Araba aret.

1 Tamuwen 23:22

At aap ti, obaabut abu penenak lombok menggerak yo'nugwi me, at eebe nggeeme wonage? ndi, taamini nen inigen kogwe? eeko menggaarak nogo liippunuk, an yo'niri woraamunggup nduk, nanip o.