1 Tamuwen 30:26 - Ala Wone Peenok Peebi Mbanak

²⁶ At Ndawut nogo o Tikalak unggwi wage nagagerik, at oreewi aap Yekura mendek inoweewi nogo kugun wogo ando wogora nawak nduk, nappiige logonet, “At Aliku ALA awim Amalek mendek inagugun wogo yi, kit aret kolaabagip nduk, nappinagi wagi o,” yinuk,

1 Tamuwen 30:26 Cross References

Wakkagagerak 33:11

An togon at Ala nabuwa mbake logonet, namindik-namendek ambik aret wo'negerak nogo ando mogonogo we kumbi wappagukwak wokkirikit nduk, wonok wagarak me, kolagak nak o,” yinuk, nimi-nomoorak mban ari mbareegi, at Etawu nogo nen, “Kolagak naakit o.”

2 Tamuwen 1:1

Aap Tawun nogo wareegwaarak kambeegerak kagak, at Ndawut nogo awuri inom aakumi Amalek mendek tebenogo piinok, iniyokan wogo nogogwaarik, ne mbere paga o Tikalak time wonogwe me,

2 Endagembogut 5:15

Age nagagerik, aap Naman inom nogogwaarak nogo, Naman inom aap Ala wone liirogon eeka nogo ka wogo nogogwaarik, Elita enaame taati logonet, “O nggween paga yime abok Ala wonage lek Iterali inenggela'me mban wonage nogo o yogondak yi paga neenu agarak me, an kayeloman nale'nggen nen wokkege yi, kolet o.”

Ndawi 35:27

Aakumi nen, “Aap yi maluk eerulik abe, Yuwak lak, ao,” Mbakwi nogo Kaliku ALA togop ari keenok, Inale'nggen nen keekok piyanggogwe, “At ayeloman obeelom logowak nduk, Inikilom mbake Aliku ALA nogo Endage tiyappogo logowok o,” yinuk, Mondok-mondok aret yogwe, Eeko logowak o.

Ndawi 68:18

Kaliku nogoba Ala wae. Kat agi tiyarogon lagi nage logonet, It aakumi keele maarogo piirogo wonogwe nogo, Apit aret ndiniren lagi nage mbareegin, Aakumi nen inamendek onggo lek we aret wokkugwi, It aap kat koone ineebi mbaka nogo kunduk, Inamendek wokkugwi, Eereegwaarak me, It ti, kinom aret logomunggun o.

Yetaya 32:8

It aap iniki abe nen perak, Abe koonak eeppiinet nogo logorak mban koonggo menggaarak me, Yi mendek ndi mendek abe mban eerit nugwi ti paga it mban woguk yogo menggaarak.

2 Korindut 9:5

Togop me, aa'nduk, kit kuwak eeriyak yo'nireegutak nogo, “Yi we ineebi mbako logonet, kuwak eekaarak lek o. Ata, inabuwa nen iniki ale'nggen mbako logonet, kuwak eekaarak,” kinombaruwak nduk, an awo waga'lek neegak, it wologwe ti nen pugu nogo kuwak eeko logowak nduk, nappiya wagi ti o.

1 Tamuwen 18:17

Togop eeko mbareegwa, at Tawun iniki mbake logonet, “Ndawut ti, an neenggi paga nen warigin lek o. Ata, it aap Pilitin mendek nen aret waruwak,” mbake nagagerik, ne ambi paga at Tawun nen Ndawut yoge, “An napuluk kolaga manggu ndarak Merap nogo, kat kakwe kolaanok nduk, wokkirigin me, an nake wim wakaa'ngget a'nuk Aliku ALA awim ti mban nambuke logomunggun o.”

1 Tamuwen 25:27

Ndi, yi mendek ndi mendek kat nogoba kake an kayeloman wonok wagarak yi, it aap kinom wonogwe yi, wogorage,

1 Tamuwen 25:28

ndi, an kayeloman maluk eeppagagirak nogo mari eerogo panege, eeru o. Kat nen at Aliku ALA awim eeke menggendak me, kat nogoba kapuri ndaganabemenggaarak kinom Iterali mondok unde wogonako logomunggup nduk, Aliku ALA nen aret eeppagagin o. Togop aret me, kat kangga'lek keenik logonet, maluk eeka'lek obeelom mban aret eeke logomunggun o.

1 Tamuwen 30:25

Ndi, at Ndawut wone yoragagerak nogo ti, it aakumi Iterali nen mondok eeko logowak nduk, lengganogo pereegerak me, nok-nok, yogondak kuli eekwi wonogwe aret o.