1 Tamuwen 30:22 - Ala Wone Peenok Peebi Mbanak

²² Keyage wappiige mbareegi, it Ndawut awuri inom nogogwaarak nogo, eegu inobaabut maluk inogogun ambik nogo nen yogo logonet, “It aap ninom noolik nogo yi mendek ndi mendek kugun wonok wogoorak yi, ambi wogoroorak lek o. Ata, inakuwi inapurilogwe ti mban aret ko'nok nawak o.”

1 Tamuwen 30:22 Cross References

1 Endagembogut 21:13

aap inogogun ambik mbere wogo nogogwaarik, Nabot engga loolo kwi'na'nuk, aakumi abok inenggaanom paga, “At Nabot yi, ndogop yegerak o,” yinuk, yogo logonet, “At aap yi, Ala inom, aap endagembogut inom, meek eerogo piigerak o,” yinuk, yogo mbareegwa, aakumi apit aret at eebe wonok o kota endekem wundi nanuk, yugum paga warogo pereegwaarak kambeegerak.

Matiyut 7:12

Kit nen, Ndogop eeppinanuwak lak ao, mbako monggotak nogo ndak-ndak aret eeppiigo logonip o. Ala wone yugu Muta nen liiru mbaneegerak inom, it Ala nen yorage kagak yoraga inoone yugu inom, eebe ti aret me, eeko logonip o,” yinuk, yoragagerak.

Pelaareegerak 13:13

it aap maluk mendek kinenggela'me nen mi'nogo logomenggaarik, it ando yorogo logonet, Ala obaane'me kugi kineenggo'lek mendek ninom eeri nawok o, yorogo logonet, it aakumi ti nomoniren naga o, yogwe nogo kinaruk konenggwi kiinok,

Owak Loongga 19:22

Nonggo nogogwaarik, iniki ale'nggen agagerak wonogwe me, aakumi inobaabut abu maluk kota time mendek wogo nogogwaarik, aap anggok nogo awi inaagan-ambokan wanggeppunuk, arungga'nggi nogo ineenggi omaawi paga panggonggagak eeko logonet, at o unde aap anggok nogo yogwi, “Aap keya wagaarak wonage ti, nit nen wuruwok nduk, wumbi mok o.”

1 Tamuwen 22:2

Ndi, it aakumi wone ambi inoba age kenok, iniki piirik wonogwe nogo mendek inom, inanomat mbanak mendek inom, iniki ale-pale aago mendek inom, it aap togop mendek kero mban, ineebe lambunik empat ratus negen at wonage me kuwak ari nogo nogogwaarak iigak, at Ndawut nogo inowe a'nuk, wonagagerak.

1 Tamuwen 25:17

Nano eeruwi o? At ninogoba yi, amiya maluk ogogumbuk me, nit ninogoba ninom monggoorak nogo, ninom maluk ninoba age kero, kat ninagalo ninake ngge eeriyak kiniki koonu o,” yinuk, yoreegerak.

1 Tamuwen 25:25

At Naban nogo ti, obaabut abu maluk me, yegerak liippuurak ti mage o, nogoba. At endage ti, Wi Yuundurak, aret me, endage ndak-ndak wi negen aret agan nege menggerak. Ndi, an nogo, nogoba kat kawuri nappiigendak nogo, an kayeloman nenegen abu iyoolik o.

1 Tamuwen 30:21

at Ndawut nen at awuri ineebe dua ratus inowak lobak yogo mbareegwa, niyo Mbetot aa'nggi paga piinok nogogwaarak nogo wonogwe me iya wogwe iigak, it nogo nen Ndawut awuri inom keyage wappiyoorak nduk, wunggo mbareegwa, at Ndawut awuri inom lambuni wogo nogogwaarik, “Nawuri wa,” yinuk, keyage wappiyareegerak.

1 Tamuwen 30:23

Yereegwaarak kwe, at Ndawut nen wone onggo yorage logonet, “Ti yogotak kwe, lek o, nawuri! At Aliku ALA nen ninarum wonage logonet, ninooriyak nduk wagaarak nogo waganogo nineenggime pinanggerak me, at Aliku ALA nen wo'niragaarak wonok wogoorak yi, kit yogotak nogo togop eeriyak lek o.