1 Tamuwen 3:21 - Ala Wone Peenok Peebi Mbanak

²¹ Ndi, at Aliku ALA nogo nen o Tilo taati eebe nikka wagak eeke logonet, Tamuwen imbirak wone mbanggo nogogwaarak paga, “Ala ndogop o,” yinuk, eenu agagerak o. Ndi, at Tamuwen wone ari nogo it aakumi Iterali mendek abok aret konenggo nogogwaarak.

1 Tamuwen 3:21 Cross References

Wakkagagerak 12:7

Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Yeremiya 41:5

it aap o Tikem nen, Tilo nen, Tamariya nen, ineebe lambunik 80 aret me, inamboro wiirogo pakwi, inayum nibinogo pakwi, ineebe paga nggawi penek eerogo pakwi, eeko nogogwaarik, anggen yigirik inom, obari abe kaga inom, Aliku ALA awi wurik me ake wogoriyak nduk wonok wogwe me,

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.

Linggineegwaarak 12:6

at Aliku ALA nen it yorage logonet, “An wone yokkirage yi, kinaruk logonip o. Aap ambi Naliku ALA noone yoge neegak yorage menggerak kinenggela'me wonage nogo, An nen abinggaanggo paga neebe nikkage, abi paga yoge, Eeke minggirak o.

Iberani 1:1

Maan aa'nduk Ala mbake menggerak nogo ninombomini ineenu aruwak nduk, Ala nen yorage kagak yoraga nogo, kulinik-kalinik inabi paga yorage, eerubok mendek inenggela'me eeriyak yorage, anebunu alitak lombok abok aret eeriyak yorage, eeke kenok, it nogo nen ninombomini yorogo nogogwaarak kwe,

1 Tamuwen 10:19

abera'lek me, aaninggin kinoba ngginnage, andi-pandi kinoba age, eeke kenok, kinagap ndake menggerak kinogoba Ala nogo mbo pogo nogotik, Ninowe endagembogut ambi mippinanu o, yo'nogotak me, kinanebunu loguk lombok kinogoba Aliku ALA enggaanom paga ya'i wa'nip o,” yoragagerak.

1 Tamuwen 3:1

At wulaga Tamuwen nogo awo tawe kagak, Eli abu'me logonet, Aliku ALA eyabu eeke nagagerak. At eyabu eeke ti eyom paga at Aliku ALA nen oone paga inom, inabinggaanggo paga inom, ne ambiriluk mban yorage nagagerak.

1 Tamuwen 3:10

Nogo yege me, at Aliku ALA time aret mi'nari wage nagagerik, yoge nogo ambinom yoge logonet, “Tamuwen wae! Tamuwen wae!” Yoge mbareegi, at Tamuwen nen, “An kayeloman konengge me, yo'niru o.”

1 Tamuwen 3:4

at Aliku ALA nen Tamuwen wiireegerak. Wiige mbareegi, Tamuwen nen, “An yime agarik o, nogoba,” yinuk,

1 Tamuwen 9:15

At Tawun nogo Tamuwen imbirak lambungga'lek kagak, o kobit at Aliku ALA nen Tamuwen yoge logonet,