1 Tamuwen 3:20 - Ala Wone Peenok Peebi Mbanak

²⁰ It aakumi Iterali o Ndan nen nok-nok, Mberetiyeba kuli wonogogwaarak nogo abok aret, “Aap Tamuwen nogo Aliku ALA nen yoge kagak yoraga logowak nduk, abet aret mippegerak kogo o,” yinuk, mbako nogogwaarak.

1 Tamuwen 3:20 Cross References

2 Tamuwen 17:11

Togop aret me, kat eeriyak yokkiri o. It aakumi Iterali o Ndan kuli nen nok, o Mberetiyeba kuli, mbini niyo aa'nggi paga menggi kwak menggaarak abok aret kuwak eeppiige logomenggendik, kat nen aret wogoren Ndawut kinom wim namburi nanu o.

1 Endagembogut 4:25

Abolok lek obeelom aret wonagagerak me, at Talomo kangga'lek eenik wonage kagak, it aakumi Yekura mendek inom, it Iterali mendek inom, o Ndan nen nok, o Mberetiyeba kuli, eyo anggur inom, eyo wuli inom, inalitik-inalitak unde wonogo logonet, iniki tayenak inale'nggen paga aret wonogogwaarak.

Yetikiyen 33:33

Wone yokkigirak abok aret yoramenggendak ti, eeriyak abet aret ari woraagin me, ari wage kenok, it aakumi nen, Aap Ala nen yoge kagak yoraga ninenggela'me wonagaarak abet aret kogo o, yinuk, ineenu arugun o,” yinuk, an yo'nereegerak.

Amot 2:11

An yorage neegak yoraga aruwak nduk, inapuri ando leenogo mippiige, Inapuri wologwe tawe inenggela'me nen kumbuk mbambunuk nake leenak logowak nduk leenogo piige, Eereegirak o. Ti eereegirak nogo ti, it Iterali nogo nen, At nen abet aret ee'ninabeegerak nombakwi ilik?” yinuk, Aliku ALA nen aret yegerak o.

Nappiigak 13:20

Ti abok aret eerit nage kagak tahun 450 aret eereegerak. Eeke mbareegi, ti'nuk, wone ambi age kenok inowak loonggo logowak nduk, ambi mippegak, obaane'me ambi mippegak, eerit peebi irip paga Ala nen yoge kagak yoraga Temuwen nogo aret mippereegerak.

Pelaareegerak 18:21

Togop aret me, kit kinikime nen mbako logonet, Aap Ala wone yo'nirage yi, at Aliku ALA nen yoge kagak yo'nirage ilik, lek a? yinuk, mbarukwak, kineenu ogo logomunggup nduk, yokkira o.

1 Timotiyut 1:12

An nomaawi eeppanege menggerak nowe Keritut Yetut nogo nen, “Aap yi, ambi eeke logowak nduk, unde eeppege neenok, liirogon aret eeke logogin,” nombake nagagerik, an yabu ambi eeke logokit nduk, unde eeppaneegerak me, “Wa,” yoge minggirak.

Owak Loongga 20:1

Wone mbanggo nogogwaarik, aakumi Iterali nogo apit aret inanebunu Ndan wonogwe me kuli nen nugwa, o Mberetiyeba inom, o Nggileyat mendek inom, aap wim nambuka inawooluwak li'luk aago ineebe empat ratus ribu ambugwi aret at Aliku ALA enggaanom paga o Mitapa aret kuwak eeri wogo logonet, Ala apuri kuwak eerak inanebunu lombok inoweewi inom aret kuwak eereegwaarak.

1 Tamuwen 12:11

Aliku ALA yogo mbareegwa, at Aliku ALA nen aap Yeru-Mba'an inom, aap Mbarak inom, aap Yepata inom, an Tamuwen inom, nappinaneegerak ninawim ninaagan-ambokan wonogwe nogo, ineenggime nen ndinogo pinagareegurak paga kiniki ugun tayenak obeelom aret ogotik o.