1 Tamuwen 3:2 - Ala Wone Peenok Peebi Mbanak

² Aap Eli nogo abu anggok enegen ogut agagerak me, ne ambi oonikiya paga nogo yege menggim nogome nogo yege,

1 Tamuwen 3:2 Cross References

Wakkagagerak 27:1

At Itak nogo abu aret anggok age nagagerik, enegen ogut agagerak logonet, at aput manggu Etawu nogo wiireegerak wage mbareegi, yoge logonet, “Naput Etawu wae.” Yoge mbareegi, “Yu o, nogoba.”

Wakkagagerak 48:10

At Iterali nogo aakelo age logonet, enegen ogut agagerak me, yi mendek ndi mendek enegen kaga'lek aret wonage kwe, at Yutup nen at apuri wogoren Iterali owagam piya wage mbareegi, panggeppiinok, inagandin eyak mbaninabeegerak.

Wakkagagerak 48:19

Yoreegerak kwe, at ogoba nogo nen, “Lek o, naput! Yagandak ti neenu aret o. At kunduk anebunu ambik age logomenggerik, endage nggwok aret arigin kwe, awuluk perak, endage mondok nggwok lombok age logomenggerik, apuri ndappiyamenggerak wigannarit nogo logonet, inanebunu ambik aret arugun me nduk, eeki o,” yoreegerak.

1 Endagembogut 14:4

Yoge mbareegi, at Yerobeyam akwe wone yoreegerak nogo ndak-ndak eeke nagagerik, at Akiya nogo, abu anggok a'nuk, enegen ogut agagerak yi mendek ndi mendek enegen koorak meek, ame o Tilo wonage me nagagerak.

Ndawi 90:10

Nit ndarak nineenik niigak tahun eeriyak ti, Tahun 70 aret kwe, Ninomaawi ee'ninake kenok perak, Ndarak niigak tahun 80 aret age menggerak o. Ti ee'ninake paga ninale'nggen mbarumonggoorak kwe, Aaninggin-paaninggin ninoba kwi'nage, Anggon-panggon ee'ninabit unggwage, Eeke kagak, Nda'nogogurak mbet-mbet lek ari nanuk, Nineenggi-niniyok lek aret, lek ogo monggoorak.

Wone Alom Kibingga 12:3

It o arum menggaarak nogo inaganak lele yaga'lek kagak, Aap inomaawi ambik kwe, inamborowak yomongga'lek kagak, Kumi anggen yigika nogo ineebe mbereeret me, yigika'lek puk ariyak eyom aga'lek kagak, Pugagi ambe mbanak me, inigen pekkoorak yumaak aga'lek kagak,

1 Tamuwen 2:22

Ndi, aap Eli abu anggok agagerak wonage kagak, at apuri nen it aakumi Iterali abok aret maluk mendek eeppiinet nugwi, ndi, komologwe Ala inom lambungge menggim ooliya wurik tungga arum menggaarak nogo inom nogo yugwi, eekwi nogo at Eli aruk konengge nagagerik,