1 Tamuwen 3:12 - Ala Wone Peenok Peebi Mbanak

^12-14 An nen Eli yoge logonet, Kapuri nogo nen Naliku ALA meek eerogo panugwi nogo, keenu aret kwe, inaruk waka'lek mbo piigendak ti paga kat kapuri wiganak kinom aaninggin mondok-mondok kinoba pinagage logogin o, yinuk, yoge nagagirik, wone ambi yoge logonet, Kat kapuri kinom maluk nggwok eekwi nogo lek aruwak nduk, ndomba warogo nake wo'niri wogwe, yi mendek ndi mendek we wo'niri wogwe, eerumonggotak kwe, kinomaluk ti, lek arigin lek mondok itok kinoba aret logogin o, yinuk, kumbuk mbanogo yoreegirak me, ti eyom paga, Kat kapuri togop eeppiyaagin o, yinuk, alom paga nen nok, irip paga Eli yoreegirak nogo abok aret eeppiyaagin o,” yinuk, Tamuwen yoreegerak.

1 Tamuwen 3:12 Cross References

Yetikiyen 21:5

Awina nen nggiginogo inoba piige logominggirik, ti'nuk, awina obaane'me yonggoppega'lek neenggi me porogo wonage neenok, it aakumi abok nen, Aliku ALA nen aret eeki, yinuk, ineenu arugun o.

Takariya 1:6

An noone ari, wone lengganogo pege, eeke nagagirak nogo, it wone yorage neegak, yoraga nayeloman mini nen yorogo logowak nduk, wone lengganogo yoragagirak nogo, kombomini ndak-ndak eeppiige neyareegwaarak, ilik, lek a? Ti eeke neenok, inomaluk mbo punuk, yogo logonet, Nit nineraambe maluk logonet eerit nugwi, nit maluk lombok eerit nugwi, eeko monggoorak nogo, at Omaawi Lombok Menggerak Aliku ALA nen onggo eeppinaniyak kooneegerak nogo ndak-ndak eeppinanege me, op aret, yereegwaarak nogo lek a? yinuk, yoret,” yegerak me, yokkiragi o, yoragagerak.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Lukat 21:33

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yinuk, yoragagerak.

Yotuwa 23:15

At Aliku kinogoba Ala nen, Yogop eeppiyaakit, ndogop eeppiyaakit, yinuk, obeelom eerogo pinagarak koonogo yokkiragagerak a'me aret age nagagerak nogo ndak-ndak, Maluk eekwi kiinok, aaninggin-paaninggin ndogop eeppinagagin o, yinuk, yokkiragagerak nogo eeppinagage kagak, nggween obeelom wokkiragagerak yi nogo paga nen, kinenggaawak lek eerogo pinagage logogin o.

Owak Loongga 4:24

inowe Yabin perak, it aakumi Iterali nogo inomaawi arit unggwage logonet, tebenogo puwok nduk wakkenet unggwogoga-unggwogoga irip paga enggaawak lek eerogo aret pereegwaarak.

1 Tamuwen 4:11

Ala aloobut mbanak nogo ndinggologwe, ndi, it Eli apuri mbere, Kopini Pinekat imbirak inookwi, eereegwaarak.

1 Tamuwen 4:17

Yoge mbareegi, aap wone wonok wagagerak nogo nen, “Lek o, nogoba. It aakumi Iterali nogo nen aap Pilitin mendek iinok, mbaganit wogwe iigak, nit aakumi Iterali mendek nogo apit aret ninooko logonet, kat kapuri Kopini Pinekat imbirak inookwi, ndi, Ala aloobut mbanak nogo ndinggwi, eekaarak o,” yinuk, yoreegerak.

1 Tamuwen 4:21

“Ala aloobut mbanak ndinggwi, nayinggelo nogonggelo imbirak kanggwi, eekaarak me, Ala eya abinak aago Iterali inenggela'me wonage nogo lek aret aga o,” yinuk, aagaluk endage Ikabot toombunuk, “Ala aloobut mbanak ndinggaarak me, Ala eya abinak aago Iterali paga lek agaarak o,” ari nagagerik, aret kambeegerak.