1 Tamuwen 28:20 - Ala Wone Peenok Peebi Mbanak

²⁰ Ne ti eyom paga o kuubondendok nen nok, oonikiya kuli, at Tawun nogo mbi abu noolik me, eebe lebenak eereegerak wonage me, at Tamuwen wone yoge nogo, aruk konengge nagagerik, agabiti nen kweyak togon nggween paga oone ndu ngginnagagerak.

1 Tamuwen 28:20 Cross References

Ayup 26:2

“At omaawi lek meek mendek iniki eyak wappege, Aap eenggi nonggop eekkoloobok mendek yeenggwaage,

1 Tamuwen 25:37

Ko'lu kuubondendok aap Naban nogo aap iniki age mbareegi, akwe nogo nen wone Ndawut yereegerak nogo inom, at eereegerak nogo inom, abok aret Naban yoge mbareegi, iniki apit a'nuk, eebe nugut lek yugum pogom agagerak wonage kagak,

1 Tamuwen 28:19

At Aliku ALA nen kat inom, aakumi Iterali mendek inom, abok aret waganogo aakumi Pilitin mendek ineenggime piyamenggerak paga, ko'lu kat Tawun nogo kapuri kinom kinogoma an wonage me ninom aret wonogwe kiyaagin o. Ndi, it kawuri ineegin warak kunduk, togop mban ineenggime piyaagin o,” yinuk, yoreegerak.

1 Tamuwen 28:21

Ngginnage nagagerik, at Tawun ogut nggigik togon wungge logonet, iniki ma'nagagerak wonage kwe nogo enegen kage nagagerik, yoge logonet, “Nogoba wae. An kayeloman yi, eeriyak nggino yo'negendak nogo konembunuk, neenik nili yikkoloolik kat kake aret eekirak me,

1 Tamuwen 28:5

Wuppunuk logonet, at Tawun nogo aakumi Pilitin mendek ineegin warak nogo enegen iige nagagerik, agabiti nen aganak ambik wareegerak.