1 Tamuwen 28:18 - Ala Wone Peenok Peebi Mbanak

¹⁸ At Aliku ALA anini kani kunik negen age logonet, Aakumi Amalek mendek ndogop inoba piyaagin o, yinuk, koonogo yokkereegerak nogo konengga'lek mbo pereegindak ti paga Aliku ALA nen o yogondak eeppagage yi aret o.

1 Tamuwen 28:18 Cross References

1 Endagembogut 20:42

Kage mbareegi, at nen aap inowe endagembogut nogo yoge, “At Aliku ALA nen wone yegerak nogo yokkiri o. Aap an wariyak mbakirak kagak, warulik teppegerak me, obaane'me at aret wake, ndi, at awuri ineegin warak inobaane'me at awuri ineegin warak ti aret inooke, eerigin, yegerak me, yokkigi o,” yinuk, yoreegerak.

1 Mbinineegwaarak 10:13

Aap Tawun nogo at Aliku ALA liirogon mugurok nage logolik paga kambeegerak. At Aliku ALA wone yugu nogo liirogon eerit nage, ambi age kenok, Aliku ALA nen yoruwak nduk, yoge, eeke logolik o. Ata, aap kambeegwaarak inogoma nen, “Ndogop eeke logot o,” yoruwak nduk, inowagam nage nagagerak me, Aliku ALA nen warogo punuk, at abu'me piige menggim nogo, at Itayi aput Ndawut unde logowak nduk, mippereegerak.

Yeremiya 48:10

Aap ambi Naliku ALA nen eyabu unde eeppiminggirak eeka'lek mbo pege kenok, at pulunik aret logowak o. Aap ambi awooluwak paga aakumi inamiya lenggenak lek kenok, at pulunik aret logowak o.

1 Tamuwen 13:9

at Tawun nen it yorage, “Kit Ala ake warogo kani kuniyak mendek inom, Ala ninom lambunik logowok nduk, ake warogo wogoriyak mendek inom, wonok niri woraanip o.” Yoragagerak nogo pi wogo mbareegwa, Ala ake warogo kani kuneegerak.

1 Tamuwen 15:20

Yoge mbareegi, at Tawun ari logonet, “Aliku ALA nen, Eeriyak, yo'negerak nogo ndak-ndak aret eekirak o. Eeke logonet, it aakumi Amalek mendek abok aret inoorogo piinok, aap Amalek inowe endagembogut Agak nogo perak, pigagangge nagarik, wonok wagarak o.

1 Tamuwen 15:28

Nibik ari mbareegi, Tamuwen nen at yoge, “Eekerak ti kokwak, o yogondak yi paga aret at Aliku ALA nen kat kendagembogut logonet, aakumi Iterali kabu'me piinok wonage nogo ndinogo koreeluk aap obeelom kenok wogogerak o.

1 Tamuwen 15:9

Piigo nogogwaarik, aap Amalek inowe endagembogut Agak nogo eenik teppugwi, tapi-ndomba abe mendek inom, inaagalogwe piirigalo mendek inom, “Yi abeme, inooriyak lek o,” yinuk, ineenik teppiigo logonet, mbi inikime waka'lek ineebenowak ko aago kenok, tigitogon aret inookwi, eereegwaarak.