1 Tamuwen 28:15 - Ala Wone Peenok Peebi Mbanak

¹⁵ Ngginnage mbareegi, at Tamuwen nen Tawun yoge logonet, “Kat nonggop nduk, Keebe kin aru, yinuk, wii'nege logonet, piya'nake agandik?” Yoge mbareegi, at Tawun nen Tamuwen yoge logonet, “Ala nen an mbo panege mbaki, aakumi Pilitin mendek ninom wim nambukwi paga an niniki ma'nagagerak wonage logonet, it aap Ala nen yorage kagak yoraga paga inom, nabi paga inom, yo'niruwak nduk, yogitak kwe, yo'nega'lek mban kenok, nogoba kat nen an eeriyak yo'nenok nduk, wiigigirak o.”

1 Tamuwen 28:15 Cross References

Ndawi 51:11

Pekkoorak neebi o, yinuk, an mbo panege, Aberiniki wo'nereegindak nimbirak wonage nogo ndinggolage, Eeriyak mage o.

Kini Wuppiige 14:14

It wone yugu mbo pega nen anggen maluk mendek aret mbanggologwe, Ndi, it aap abe mendek nen anggen abe mendek aret mbanggologwe, Eeko menggaarak.

Oteya 9:12

It inapuri ndappiinok, tawe aganabemenggaarak kwe, inenggaawak lek eerogo piyaminggirak paga leenggu maako logowak nduk, eerogo piyaagin o. An mbo piinok, mbagangge neenok, it inabuwa o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Owak Loongga 16:20

Mbake nagagerik, at kwe nogo nen, “Timoton wae. It aap Pilitin mendek nen kat pikkaburak nduk wonogwe yi o.” Yoge mbareegi, at Timoton nogo, nogo yege me, eenik a'nuk, iniki nen mbake logonet, “An aa'nduk keele maa'nakwi iinok, nggonenogo mbo punuk, wundi nage minggirak togo'nogo aret eerigin o,” mbareegerak kwe, at Aliku ALA nen muk teppereegerak, eenggo'lek logonet, mbareegerak.

1 Tamuwen 18:12

Ti eeke mbareegi, Tawun iniki mbake logonet, “At Aliku ALA nen an mbo paninuk, at Ndawut mban imbirak wonage kagi,” yinuk, agabiti mbareegerak.

1 Tamuwen 23:2

Yoge mbareegi, at Ndawut nen at Aliku ALA yoge logonet, “An aap Pilitin mendek ninom wim namburi noorak op ilik, lek a?” Yoge mbareegi, at Aliku ALA nen wone onggo yoge, “E o. Aakumi Kekila mendek inagap nda'nok nduk, it Pilitin mendek ti, kinom namburi nak o,” yoreegerak.

1 Tamuwen 23:4

Yogo mbareegwa, at Ndawut nogo Aliku ALA ambinom nggino yoge mbareegi, at Aliku ALA nen onggo yoge logonet, “Aap Pilitin mendek ti, an nen waganogo kineenggime pinagagin me, o Kekila time nanip o.”

1 Tamuwen 28:11

Kumbuk mbangge mbareegi, kwe nogo nen, “Kat kake ta ogoma wiiri?” Ari mbareegi, Tawun nen, “Tamuwen aret neya woraawak nduk, wiiru o.”

1 Tamuwen 28:16

Yoge mbareegi, at Tamuwen nen yoge logonet, “At Aliku ALA kimbirak kawim keenok, mbo pagareegerak kagak, an nonggop nduk kin wo'nege agandik?

1 Tamuwen 28:6

Wake mbareegi, at Tawun nen, “At Aliku ALA ambi yo'niruwak,” mba'nuk, nggino yoreegerak kwe, at Aliku ALA nen onggo abi paga inom, yugum Urim paga inom, aap Ala nen yorage kagak yoraga paga inom, wone ambi abu yorulik.

1 Tamuwen 28:8

Yogo mbareegwa, at Tawun nogo aakumi yelok kookwak nduk, mbogoyum alik mendek yippunuk, oonikiya aret aap mbere inom kwe nogo ka nogogwaarak. Ka nogo nogogwaarik, at Tawun nen kwe nogo yoge, “An nen aap ambi endage ari neenok, kat kagugi nen kin eeppi woraawak nduk, wiiru o.”

1 Tamuwen 30:6

It Ndawut awuri nogo inakuwi inapurilogwe wologwe-komologwe wogoren nogogwaarak paga inanini agaket yogo logonet, Ndawut nogo yugum paga wariyak nduk koonggwi iinok, at Ndawut nogo iniki piirik agagerak kwe, at iniki Aliku ogoba Ala oba panggombunuk mondok nu'lek aret wonagagerak.