1 Tamuwen 27:11 - Ala Wone Peenok Peebi Mbanak

¹¹ Ti eerit nege logonet, “Aap ambi eenik teppege neenok, at nen ninabok wonok o Nggat time yora nookwak,” mba'nuk, aap inom, kumi inom, ambi teppiige logolik tigitogon inooke nagagerak. At Ndawut aakumi Pilitin mendek inom logonet, togop aret eeke nagagerak.

1 Tamuwen 27:11 Cross References

Kini Wuppiige 12:19

Inoone abet mban agan nugwi ti, mondok aret wonage menggerak kwe, Inoone pilit agan nugwi perak, ne ambiriluk wonagaatik, lek age menggerak.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Yeremiya 41:4

At Nggeraliya wappunuk, ko'lu aakumi awo ineenggo'lek iigak,

1 Tamuwen 22:22

at Ndawut nen Abiyatat yoge logonet, “An kiniya nagarak nogo eyom paga at Erom mendek Ndowek time wonage nenegen kage nagarik, Aap yi nen aret Tawun yorigin, kagi, mbakirak me, kat kagalo-kogoba inom, it inom menggaarak nogo inom, abok aret inookerak ti, aaninggin an noba aret wonage o.

1 Tamuwen 27:10

Ka wogwe iinok, at Akit nen Ndawut yoge, “O yogondak nggeeme yigirogo piinok, wagan?” Yoge kenok, at Ndawut nen, “Karume nggwok o ame pa'nggwe aakumi Yekura iname a, karume nggwok aakumi Yeramen mendek iname a, karu nggwok aakumi Keni mendek iname a, nogome yigirogo piinok, wagi o,” yinuk, yoge nagagerak.

1 Tamuwen 27:12

At Ndawut nen togop aret yori wagak eeke kenok, at Akit iniki mbake logonet, “At Ndawut anebunu Iterali mendek nogo nen Ndawut eerit nage paga mondok ineebi ombako logonet, ogole yogwe me, at Ndawut ti, an nayeloman mondok-mondok aret logogin kagi,” yinuk, eerit nage logowak nduk, oba pereegerak.

1 Tamuwen 30:2

Kani mbelanogo piinok, kumi inanggok inom, tawe inom, ambiriluk ambi inoorulik tigitogon aret kugun wogoren nogogwaarak.