1 Tamuwen 27:10 - Ala Wone Peenok Peebi Mbanak

¹⁰ Ka wogwe iinok, at Akit nen Ndawut yoge, “O yogondak nggeeme yigirogo piinok, wagan?” Yoge kenok, at Ndawut nen, “Karume nggwok o ame pa'nggwe aakumi Yekura iname a, karume nggwok aakumi Yeramen mendek iname a, karu nggwok aakumi Keni mendek iname a, nogome yigirogo piinok, wagi o,” yinuk, yoge nagagerak.

1 Tamuwen 27:10 Cross References

Wakkagagerak 27:24

ambinom kin wakkage logonet, “Kat abet Etawu aret ilik?” yoge mbareegi, at Yakup nen, “Ebi, an aret o.”

2 Tamuwen 17:20

Wonogwe iigak, at Abatalom awuri nen kwe nogo awoore'nggam nogo nogogwaarik, kwe nogo yogo logonet, “It Akimaat Yonatan imbirak yime wagaarak nogo ngge o?” Yogo mbareegwa, at kwe nogo nen it yorage logonet, “It awo yi aret niyo enebaga wunda naga o.” Yorage mbareegi, kwaaganabit nogogwaarak mendek, lek aret mbareegwa, iniyokan o Yerutalem aret wogogwaarak.

1 Mbinineegwaarak 2:25

At Ketoron aput manggu Yeramen nen apuri aap ndaganabeegerak ti, at aput manggu Aram ndake nagagerik, apuri Mbuna, Oren, Otem, Akiya, ndaganabeegerak.

1 Mbinineegwaarak 2:9

At Ketoron nen apuri obaane'me ndaganabeegerak ti, Yeramen, Aram, Kalep, nogo aret.

Ndawi 119:163

It aap pilit agan nugwi ti, mondok neebi mbake, Peyak wurik kwak agan nugwi mbake, Eeke minggirak kwe, Koone Muta nen liiru mbaneegerak ti perak, Niniki kundugu lombok minggirak.

Ndawi 119:29

Abe eerikit nduk negen eerit nage neyo pi'nake, Koone yugu Muta nen liiru mbaneegerak nogo Ndak-ndak eeke logokit nduk yanggorogon mamunnake, Eeke logot o.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Linggineegwaarak 24:21

It aakumi Keni mendek enegen iige nagagerik, ore warak negen peebi eeriyak wone ambi ari logonet, “Towe awi yugum paga wuketak nu'lek menggi kwak, Kit wonogwe me time kinawi mondok nu'lek wonogwe kwe,

Epetut 4:25

Togop me noreewi o. Keritut ninom kunik eenggi-iyok kokwak nit aret me, kit-kit aret pilit pugunggo monggotak nogo mbo punuk, kit abok aret wone abet kenok mban yogo logonip o.

Owak Loongga 1:16

Aap Keni mendek Muta aru endage Kobap ombowologwe wiganak nogo, it Yekura mendek inom o Nggabunggaame nen it aakumi Yekura inanggween mbanak me karu nabunogo pereegim o ame pa'nggwe o Arat koorok wonogwe time inom logowok nduk, nogogwaarak.

Owak Loongga 4:11

Ndi, aap ambi endage Ebet anebunu Keni mendek nogo nen, at owe-awot aap Kobap Muta arebenggelo ombowologwe wiganak ando inom ogooppunuk, o Kereti koorok nggween Taanayim teno alome time ooliya wuppunuk, wonagagerak.

Owak Loongga 5:24

Yi kumi ndi kumi iigak, aap Kenit mendek Kebet akwe Yawen nogo inale'nggen oba pugwi, Kumi abok inawooliyana wonogwe iigak kwe, at mban inale'nggen oba pugwi, Eeko logowak o.

1 Tamuwen 15:6

Nogo nogogwaarik, at Tawun nogo nen it aakumi Keni mendek yorage logonet, “Nit Iterali mendek o Metit nen wundi wogwe me, kit Keni mendek nen nit Iterali mendek ninabuwa nen wo'ninabeegutak me, it Amalek inoorit nogo logonet, kit kinom kinoorukwak, it Amalek mendek wonogwe me, mbo piinok, o yime nen wundi nanip o.” Yorage mbareegi, it Amalek inenggela'me nen wundi nogogwaarak.

1 Tamuwen 21:2

Yoge mbareegi, at Ndawut nen wone onggo Ala unde Akimelek nogo yoge logonet, “At ninowe endagembogut nogo nen ambi eeke logokit nduk, noba paninuk, yo'nege logonet, Kat unde eeppagagirak nogo eebe eeke logonet, aakumi ineenu eeppiyoorak mage o, yinuk, yo'negerak me, an yokkiriyak meek o. Ata, ninom eeriyak nawuri, O ndime ninom lambunuwok o, yinuk, inaa'nduk nappiigirak me, wogoroorak nduk, kat nano mendek wonage o? oroti 5 ilik, nano mendek ambi wonage kero, wo'niru o.”

1 Tamuwen 23:27

aap ambi nen yonggo Tawun wonage me wage nagagerik, yoge logonet, “Aakumi Pilitin mendek nen ninawinda mbanggwi me, nit mbet-mbet togon aret nawi o.”

1 Tamuwen 27:11

Ti eerit nege logonet, “Aap ambi eenik teppege neenok, at nen ninabok wonok o Nggat time yora nookwak,” mba'nuk, aap inom, kumi inom, ambi teppiige logolik tigitogon inooke nagagerak. At Ndawut aakumi Pilitin mendek inom logonet, togop aret eeke nagagerak.

1 Tamuwen 29:8

Yoge mbareegi, at Ndawut nen, “An nano eekirak? Ndi, an kayeloman keya wagagirak nen nok, yogondak kuli, nano eekirak kwaa'neege nagandik, kat nogoba kendagembogut nen, An nawim ninom namburi noorak lek, yo'nege agandik?”

1 Tamuwen 30:29

Arakan wonogwe inom, it aakumi Yeramen mendek inawi kota-kota wonogwe inom, it aakumi Keni mendek inawi kota-kota wonogwe inom,