1 Tamuwen 26:8 - Ala Wone Peenok Peebi Mbanak

⁸ iigo nogogwaarik, at Abitayi nen Ndawut yoge, “Ala nen kat kawim o yogondak oonikiya yi paga keenggime pagagerak me, an nawooluwak yi paga eebe ne mbere lek ne ambit mban nggween inom mondok polok togon warikit nduk yo'niru o.”

1 Tamuwen 26:8 Cross References

2 Tamuwen 16:9

Pulunogo pege mbareegi, kwe Teruya aagaluk Abitayi nen aap endagembogut yoge, “Nogoba! Aap ti, nggeewo kambak pogom logonet, kat nowe kendagembogut pulunogo pagage me, nonggop nduk teppege agandik? Enggaanok mbanogo pi naakit nduk, yo'niru o.”

Ndawi 31:8

Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Yeremiya 40:15

Abet mbaka'lek mbareegi, aap Kareya aput Yokanan nogo nen aap Nggeraliya o Mitapa wonage me kote yoge logonet, “Kat koorogo pagage kenok, it aakumi Yakuri mendek abok aret kowagam kuwak ari wagaarak wonogwe nogo ma'nogwe, ndi, it Yekura mendek eegu yumbunik nogo lek ogwe, eerukwak me, an nen aakumi abu ineenggo'lek iigak, kote aret aap Netaniya aput Itimayen ti warogo pi naakit nduk yu o.”

Nakum 1:9

It Niniwe mendek nen at Aliku ALA eeppuurak iniki koonggwi nogo, at nen lek eerogo pege, Ne mbere lek, ne ambit liingge aret lek eerogo piige, Eerigin o.

Oroma 11:32

At Ala ninabuwa nen teppinangge menggerak nineenu aruwok nduk, nit aakumi abok aret, “At oone woorak nineebi,” mba'nuk, alik eeko logowok nduk, keele maarogo negen pinaneegerak o.

Pelaareegerak 32:30

Nonggop togon aap eebe ambit nen aakumi ambik ineebe seribu paga muguren nage, Ndi, aap ineebe mbere nen kwe, aakumi ambik ineebe sepuluh ribu paga muguren nogwe, Eeriyak, mbakop? Togop eeriyak meek aret kwe, Ninogoba Yugum Nu'lek Menggi Kwak Menggerak nogo nen ninonggo nggerengge, Aliku ALA nen ambo'me mbo pinangge, Eereegerak me, Togop aret eeppinanit nogo logogun o.

Yotuwa 21:44

Wonogwe iigak, at Aliku ALA nen inombomini wone abuk nggaruk togon kumbuk mbanogo yoragagerak nogo ndak-ndak, Aliku ALA nen Iterali inawim abok aret ineenggime piige mbareegi, inawim enaagan-ambokan nen ko wappunuk Iterali inom wim eeriyak meek me, ambi mbaaniiga'lek aret iigak, it Iterali iniki ugun tayenak aret wonogogwaarak.

Owak Loongga 1:4

Eeri nogo nogogwaarik, inom wim nambukwi iigak, at Aliku ALA nen aakumi Kanan mendek inom, Perit mendek inom, it ineenggime piige mbareegi, o Mbetek time aakumi ineebe sepuluh ribu aret inoorogo piyareegwaarak.

1 Tamuwen 23:14

Ndi, at Ndawut nogo karume yugum ambe nggaganak me inom, puut nggelok-nggobok yugum pak wurogo pit nagagim o Tip karume inom, nogome kumaa'narit nege me, at Tawun nen netik-netak Ndawut kwaarit-mberaarit nege nagagerak kwe, Ala nen Ndawut eebe waganogo Tawun eenggime puulik.

1 Tamuwen 24:4

at Ndawut awuri nogo nen at yogwi, “At Aliku ALA nen, Kawim eeppuurak mbakendak nogo eeppege logonok nduk, keenggime pagagin o, yereegerak nogo yogondak nanonggwan yi aret aga o.” Yogo mbareegwa, Ndawut nogo mbawok aret Tawun wonage me wage nagagerik, ayum abo irip mbanogo waganeegerak.

1 Tamuwen 24:5

Mbanogo waganeegerak ti paga at Ndawut iniki aaninggin age mbareegi,

1 Tamuwen 26:23

It aap abe koonak li'lak eeko menggaarak kero, at Aliku ALA nen onggo obeelom eeppiige menggerak me, at Aliku ALA nen oonikiya yi paga kat keebe waganogo an neenggime panegerak kwe, At Aliku ALA nen leenogo pereegerak amburu eeppugu me, yinuk, an koorulik teppagagirak o.

1 Tamuwen 26:7

Yoge mbareegi, oonikiya at Ndawut imbirak Tawun awuri wim nambuka inawooliya wurik me time wambi wogo nogogwaarik, at Tawun awuri nogo inawooliya yendok-wandok aago endekem nggwe wurik iigak, at Tawun awooluwak nogo anobak me yindumbunuk, awooliya oolo wurik me nogo yege kagak, Abenet awuri inom yendok-wandok eeppunuk, nogo yugwi,

1 Tamuwen 26:9

Yoreegerak kwe, at Ndawut nen ari logonet, “At Aliku ALA nen leenogo piige kenok amburu eeppiigaatak aap ambi nen wake kenok, aaninggin oba arigin lek ti lek, arigin aret me, wariyak mage o.