1 Tamuwen 26:6 - Ala Wone Peenok Peebi Mbanak

⁶ Iige nagagerik, at Ndawut nen aap o Ket mendek endage Akimelek inom, kwe Teruya aagaluk aap Yowap oreeluk Abitayi inom, yorage logonet, “At Tawun awooliya wurik me ta nimbirak wambi noorak?” Yorage mbareegi, at Abitayi nen, “An nimbirak aret wambi nawok o.”

1 Tamuwen 26:6 Cross References

Wakkagagerak 10:15

Ndi, aap Kanan nogo nen apuluk manggu Tiron aret ndake, ti'nuk, Ket ndake, eereegerak.

Wakkagagerak 23:3

Le ari nagagerik, at akwe kambeegerak nogo owak wurik porogo iigak at Abarakam nogo it aakumi Ket mendek yorage logonet,

Wakkagagerak 26:34

At Etawu nogo nda'nagagerak kagak tahun 40 eeke nagagerik, kumi mbere ambi aap Ket mendek endage Mbeeri apuluk kolaga Yurit wagangge, ndi, ambi aap Ket mendek endage Elon apuluk kolaga Mbatamat wagangge, eereegerak.

2 Tamuwen 11:21

Ta nen aap Yeru-Mbetet aput Abimelek wareegerak mbakop? Kwe ambi nen aret yugum pak wurik irimbaga nen yugum gandum aambiranggak tumbu nogo paga oba kwippereegerak o Tebet taati aret kambeegerak nogo lek a? Togop ee'ninaburak mbaka'lek nonggop nduk, inawi pak wurik me panggok togon nogotak? yokkege kenok, kat nen at Ndawut onggo yoge logonet, Ndi, kayeloman aap Ket mendek endage Uriya nogo kunduk, wakaarak kanggerak, yorumunggun o,” yinuk, eerogo nappereegerak.

2 Tamuwen 11:24

it nen yugum pak wurik irimbaga nen nit kayeloman mini ninooruwok nduk, maale namburogo wuppi wogo logonet, it kawuri ando inookwi, ndi, aap Ket mendek kayeloman Uriya nogo wakwi, eekaarak o,” yinuk, yoreegerak.

2 Tamuwen 11:6

Wone agago nappi wagagerak nogo at Ndawut konengge nagagerik, at Yowap paga wone agago nappege logonet, “Aap Ket mendek endage Uriya ti, an wonage me yime mbet-mbet nappi omok o.” Yoge mbareegi, at Yowap nen Uriya nogo Ndawut wonage me nappi wagagerak

2 Tamuwen 12:9

nonggop nduk, Naliku an ALA ari minggirak, Meek, nomba'nuk, nenggaanom paga maluk eekerak? At nen aap Ket mendek endage Uriya nogo, waruwak nduk, aap Amon mendek ineenggime pi nage nagaarik, eebe wako mbaka, akwe nogo at aret waganggerako.

2 Tamuwen 18:5

Age yubuk togon wundi nogwe iigak, at Ndawut nen Yowap inom, Abitayi inom, Itayi inom, wone lengganogo yorage logonet, “At Abatalom ti, an napuluk awo tawe aret me, yanggorogon aret eeppuurak o, nawuri,” yinuk, inoweewi wone lengganogo yoragagerak nogo, it aap ineegin warak abok aret inaruk koneneegwaarak.

2 Tamuwen 2:13

kwe Teruya aagaluk Yowap inom, Ndawut awuri inom, niyo yenggenak Nggibeyon aa'nggi paga wonogwe me iya nogo nogogwaarik, it Abenet awuri inom yi yenggenak ambet ene paga ogwe, ndi, Yowap awuri inom yi yenggenak ambet yi paga ogwe, eeppunuk wonogogwaarak.

2 Tamuwen 2:18

Ndi, Teruya aagalogwe ineebe kenagan inendage Yowap, Abitayi, Atayen, inom time aret wonogwe me, at Abenet nogo, mbaganit nage mbareegi, mba'ngge penaame nen nggare agan nage menggi kwak, at Atayen nogo ogowa ambik me, ena agigan-ogugan aga'lek mondok nggare agan mugurok nage me,

2 Tamuwen 23:18

It aap wakaa'ngget ineebe kenagan ti, kwe Teruya aagaluk aap Yowap awuluk Abitayi nogo, it mbere ti, inowe aret me, ne ambi paga awooluwak nutik unggwage logonet, it aap ineebe tiga ratus inooreegerak kambeegwaarak ti paga it aap wakaa'ngget ineebe kenagan aa'nduk nogo, inendage nggwok agagerak ti kokwak, at togon togop aret endage nggwok agagerak.

2 Tamuwen 23:34

Aap Maaka mendek Akatabayi aput Elipelet inom, Aap Nggilo mendek Akitoben aput Eliyam inom,

2 Tamuwen 23:39

Aap Ket mendek Uriya inom, it aap wim wakaa'ngget lombok ineebe lambunik 37 ti aret o.

1 Endagembogut 10:29

Nggweendo wim eeka ogobakkigirik o Metit nen wogori wogogwaarak nogo ambiret onggo ti, mbuti perak aaninggin 7 pugwi, ndi, kuda ambiret onggo ti, mbuti perak aaninggin mbere negen pugwi, eeko nogogwaarak. It Iterali mendek nen nggweendo wim eeka ogobakkigirik inom, kuda inom, aap alik inoona kuninuk wonok wogwe iinok, it aakumi Ket mendek inoweewi inendagembogut inom, aakumi Aram mendek inoweewi inendagembogut inom, nogo nen Iterali inoba kuni wogo nogogwaarak.

2 Endagembogut 7:6

Aap Aram ineegin warak nogo, kuda iniyogobit oone inom, nggweendo wim eeka iniyogobit oone inom, ndi, it aap wim eeka ineebe apit aago iniyok oone inom, agan wogwe inaruk konenuwak nduk, at Aliku ALA nen eeppiyareegerak paga konenggo nogogwaarik, ambi yogak eeko logonet, “It aap Iterali inowe endagembogut nen ninooriyak onggo it Ket mendek inowe endagembogut inom, Metit mendek inowe endagembogut inom, wogoroorak koonggerak nogo, ninoori wogwe yi aret o,” yinuk,

Yotuwa 3:10

Yorage nagagerik, panggo yi wogo mbareegwa, it yorage logonet, “At eenik menggerak Ala nogo kinenggela'me wonage logonet, it aakumi Kanan mendek inom, Ket mendek inom, Kewi mendek inom, Perit mendek inom, Nggiragati mendek inom, Amori mendek inom, Yebut mendek inom, it apit aret at Aliku ALA aa'nduk a'nuk, mugogo wumbiyaagin abet aret kineenu arumunggup nduk, ambi yokkira o.

1 Tamuwen 26:7

Yoge mbareegi, oonikiya at Ndawut imbirak Tawun awuri wim nambuka inawooliya wurik me time wambi wogo nogogwaarik, at Tawun awuri nogo inawooliya yendok-wandok aago endekem nggwe wurik iigak, at Tawun awooluwak nogo anobak me yindumbunuk, awooliya oolo wurik me nogo yege kagak, Abenet awuri inom yendok-wandok eeppunuk, nogo yugwi,