1 Tamuwen 26:19 - Ala Wone Peenok Peebi Mbanak

¹⁹ Nowe kendagembogut an kayeloman noone yokkege yi, konengge logot o. At Aliku ALA nen aret an nooriyak nduk, wone kinikime pege kenok, at Aliku ALA ake warogo wogoge obari ogobak me nage kenok, iniki yanggok yuwak nduk, warogo wogoru o. Ndi, aakumi nen nooriyak nduk, wone kinikime mambugwi iinok perak, Ala obaane'me kugi eerit nogwe nogo, Kinom aret eerit nage logot o, yinuk, yogwe ti paga at Aliku ALA yate kwak nggween mbanak wo'nireegim nogome nen mugogo wumbanugwi me, Aliku ALA nen it aret pulunogo piyaagin o.

1 Tamuwen 26:19 Cross References

Wakkagagerak 44:18

Nogo yorage mbareegi, at Yekura nogo nen Yutup owagam taati panggo yi nage nagagerik, yoge logonet, “Ai, nogoba! Kat keebe o Metit yime kendagembogut Pirawun kwak aret me, an kayeloman nen wone ambi yokkiriyak mbakirak me, yokkege neegak, mbe'nirugun o. Ata, Op aret, yo'niru o.”

Wakkagagerak 8:21

Nogo warogo kani kuneegerak obari Aliku ALA ogobak me nage mbareegi, iniki ale'nggen age nagagerik, iniki nen mbake logonet, “It aakumi yi, wologwe-mbuulogwe paga nen maluk eeriyak koonggo logogun aret kwe, koonggwi iinok, an nen o nggween paga yime pulunogo piigirak kokwak, peebi togop ambi pulunogo piinok, maluk eeppiige logogin abu lek o. Ndi, yi mendek ndi mendek ogobakkigireegirak ineenik nugu menggaarak mendek yogondak inookirak kokwak peebi togop ambi inoorigin mondok lek o.

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

2 Tamuwen 16:11

Yorage nagagerik, at Abitayi inom, at awuri inom yabu eeko menggaarak inom, yorage logonet, “Napuluk nen kwe, nooriyak ari me, at aap Mbeniyamin mendek yi, nooriyak ari paga iya mbarugup o. Aliku ALA nen togop yogerak paga nen pulunogo panege kagak yukwak, teppinip o.

2 Tamuwen 20:19

It kota-kota Iterali inalom nit niname o kota Aben yi, nit aakumi niniki ugun tayenak wone yugu li'lak aret eeko monggom at Aliku ALA eyate kwak nggween wo'niragagerak yi, nonggop nduk lek eerogo kambe me yonggoliyak nduk, eeke agandik?”

2 Tamuwen 21:3

at Ndawut nen wone it Nggibeyon mendek yorage logonet, “At Aliku ALA eyate kwak apuri iniki kundugu nogo, kinale'nggen inoba piyaamunggup nduk, eeppinagareegwaarak onggo an nen eeppinagakit nduk, nano eeppinagarak mbakop?”

2 Tamuwen 24:1

At Aliku ALA anini nggwok togon ne ambinom aakumi Iterali mendek inoba piyaakit mbake nagagerik, aakumi Iterali ineebi mbaruwak nduk, Ndawut inikime manake logonet, “It aakumi Iterali mendek inom, Yekura mendek inom, keenggi linggininabi nak o.”

1 Endagembogut 22:22

Yoge mbaki, at Aliku ALA nen at kugi nogo yoge, Nano paga nduk-nduk irit namunggun o? Yoge mbaki, at kugi nogo nen, At eeriyak wone aap endagembogut yoga nogo nen pilit wone yogo logowak nduk, an wambi nage logominggirik, inikime lik yit nagin o. Yoge mbaki, Aliku ALA nen, Togop eeke keenok, nduk-nduk irit namunggun aret me, eeri nak, yoge kagarak o.

1 Mbinineegwaarak 21:1

At Ibilit nen it aakumi Iterali mendek naalop-kaalop eerogo piyaakit nduk, mi'nage nagagerik, at Ndawut nen it Iterali ineebe eenggi linggininabuwak nduk, inikime manake mbareegi,

Ndawi 120:5

An aap o Metek wonogo menggam nugwi kwak nege, It aap o Kerat inawooliyana inom mengga kwak wonage, Eeke me, nabuwa o!

Ndawi 20:4

Kat eeriyak mbake nogo ndak-ndak eeppagage, “An yogop eerikit o,” mba'nuk, Koonogo pemenggendak nogo a'me aret nggelok ari, Eeruwak o.

Kini Wuppiige 30:10

Kugi pulunogo pinagage logonet, maluk yumonggotak onggo puurak yokkirage kero, Aap ambi ayeloman nen eekerak nogo meek ombako logonet, ogoba mbininogo yoriyak ti mage o.

Yetaya 60:5

Enegen pegiinet nage logomenggerik, enete paga i'ndok nggi ari, Iniki ponok-ponok eeke logonet, ale'nggen nggwok inikime nggelok ari, Eerigin o. Yiiro paga yi mendek ndi mendek wonok nogwe-wogwe eekwi paga ineenggi warak eekkologwe nogo ando iri wogwe, Yi aakumi ndi aakumi ineenggi warak inamendek nogo at wogori wogwe, Eeko logonet,

Ala Unde 26:31

Inawi kota abe ti, yinik-minik eerogo pege, inagugi alut eeko logowam yigirik-noonom eerogo pege, obari abe kenok niniki ale'nggen kaakit nduk nake warogo pugwi nogo kunduk wagangga'lek mbo pege, eeke neenok,

Linggineegwaarak 36:7

It Iterali mendek inanggween inogobamini ineyate ti, it inanebunu ti mendek mban aret kologo logorak me, inanebunu ambi nen inanebunu alik ambi wogoragak eeko logorak mondok mage o.

Linggineegwaarak 36:9

Ndi, nggween inogobamini ineyate nogo ti, inanebunu ambi nen inanebunu alik ambi wogoragak eeko logorak mage me, it Iterali inanebunu ambit mendek mban inalitak unde logowak o,” yinuk, yoragagerak.

Oroma 14:15

Kinoreewi nen, “Noorak lek,” mbakwi iigak, kit nunggwi paga iniki andi eerogo piigwi kiinok, “Inoreewi inabuwa mbaka'lek nunggwi iigo,” kinombarugun o. Togop me, kinoreewi nogo ti, Keritut it togon inake kambeegerak aret me, kit nunggwi paga maluk eerogo piyoorak ti mage o.

Nggalatiya 5:12

It aap kiniki abut laganit unggwogwe nogo, inagabolo ti mban mbaniyak lek o. Ata, eebe inom aret mbanogo nappako logowak nduk, teppiyaanip o.

Pelaareegerak 13:3

it yogwe nogo kit kinaruk koneniyak mage o. At Aliku kinogoba Ala nen, Iniki inom, ineebe inom, abok aret inogoba Ala an mban iniki kunik ee'nakwi iyaamun ilik, lek a, yinuk, it aap agan wogwe nogo paga kinabut mbanikit nduk, eeppinagage me, it yogwe nogo kinaruk koneniyak mage o.

2 Timotiyut 4:14

Aap mbuti paga yi mendek ndi mendek ogobakkigika Alekandet nogo nen nit wone yorogo monggoorak at mondok eebi lombok mbake logonet, maluk iya tit eeppaneegerak me, kat kunduk maluk eeppagukwak, tum wake logot o. At eeppaneegerak nogo ti, nogoba nen onggo ndak-ndak wogorigin o.

1 Tamuwen 18:10

Ko'lu at Tawun nogo awooluwak eenggime ame wonage me, kugi maluk Ala nen nappi wagagerak nogo inikime lik yi unggwage mbareegi, aap kumili kunik yogo mengga kwak ari kagak, at Ndawut nogo nggitat negen eeke menggerak togo'nogo aret eeke me,

1 Tamuwen 24:9

Ayuk wuke nagagerik, Tawun yoge logonet, “Ndawut nen maluk eeppagarak ari o, yinuk, aakumi nen yokkugwi nogo, nonggop nduk konengge agandik?

1 Tamuwen 25:24

Ndawut yoge logonet, “Ai, nogoba. An kayeloman wone yokkege yi, liirogon konenu o. Wone agaarak nogo ti, an noba aret aruwak o.

1 Tamuwen 27:1

Tawun ame wagagerak wonage kagak, Ndawut iniki koongge logonet, “Ne ambi paga at Tawun nen nenggaawak lek eerogo panigin aret me, Iterali inenggela'me kwaa'nabit nege logonet, pi'nake kero, an mbaganit it Pilitin iname naminggirak ninom wonage neegak, op aret logogin,” mbake nagagerik,