1 Tamuwen 26:17 - Ala Wone Peenok Peebi Mbanak

¹⁷ At Tawun nogo Ndawut oone ari aret konengge nagagerik, “Kat naput Ndawut koone aret a?” Yoge mbareegi, at Ndawut nen Tawun yoge logonet, “E o, nowe kendagembogut. Ti an noone aret o.”

1 Tamuwen 26:17 Cross References

Wakkagagerak 37:33

Wogogo mbareegwa, at Yakup nogo nen yum nogo pekkage nagagerik, “Yi an naput ambogoyum aret o. Nggeewo ta'ngge nen nibinogo nenggerak me, naput Yutup abet aret kanggerak kagi o.”

1 Tamuwen 24:16

At Ndawut nen wone nogo abok aret Tawun yoge mbareegi, at Tawun nen, “Kat naput Ndawut koone aret a?” Ari nagagerik, le oone nggwok paga yereegerak.

1 Tamuwen 24:17

Le ari nagagerik, Tawun nen Ndawut yoge logonet, “Kat nen abu obeelom mban eeppangge keegak, an yi, maluk lombok aret eekkabit nege me, kat abu obeelom aret keegak, an perak, maluk aret kagi o.

1 Tamuwen 24:8

Nage kagak, at Ndawut ndoome nen wundi wage nagagerik, oone nggwok paga Tawun yoge logonet, “Nogoba kendagembogut wae.” Yoge mbareegi, Tawun nen enegen ambo'me logurogon na'nari wage mbareegi, at Ndawut nen nggween paga wanduk yinuk, ayuk wureegerak.