1 Tamuwen 26:15 - Ala Wone Peenok Peebi Mbanak

¹⁵ Yoge mbareegi, at Ndawut nen onggo yoge, “Abenet wae. Kat aap aret nogo lek a? Ndi, Iterali inenggela'me nen abu wakaa'ngget kat kokwak ta o? Togop aret kwe, kat nonggop nduk kowe endagembogut liirogon arum warulik eekendak? Aap ambi kat kowe endagembogut wariyak nduk, oonikiya kinawooliyana unggwi wage kagandak ilik, lek a?

1 Tamuwen 26:15 Cross References

2 Tamuwen 3:38

Ti'nuk, at endagembogut Ndawut nen inom yabu eeko menggaarak nogo yorage logonet, “O yogondak yi paga aap Iterali inowe nggwok ambi kanggerak kineenggo'lek a?

Ndaniyen 4:19

Yoreegerak at Ndaniyen endage ambi Mbelatatat nogo nen, “Yori ilik?” yinuk, iniki koonit unggwage kagak oonegen ambiriluk ambi age mbareegi, at aap endagembogut nen Mbelatatat nogo yoge logonet, “Mbelatatat wae. Nabinggaanggo kagarak eebe yokkigirak inom, Alom ndogop o, yinuk, yelok kagandak inom, ti paga kiniki piirik-paarik eerogo pagarak mage o.” Yoge mbareegi, at Mbelatatat nen, “Nogoba o. Kabi kagandak nogo it kinom wim mbanak a, kinom ogoorak a, eeppiyaawak lak, ao!

Matiyut 26:40

Tamban eeke nagagerik, at oone waganggwi nogo inowagam wagagerak. Wage nagagerik, nogo yugwi enegen iige nagagerik, Peterut yoge logonet. “Wulaga. Kit ne ambiriluk ninom tum wako logorak meek kenok nogo yogo ogotik?

1 Tamuwen 26:14

Tawun awuri wim eeka inom, aap Net aput Abenet inom, oone nggwok paga yorage logonet, “Abenet wae. Kat an noone konengge agandik ilik, lek a?” Yoge mbareegi, at Abenet nen, “Kat ta nen aap endagembogut i'mbanege agandik o?”

1 Tamuwen 26:16

At Tawun awooluwak inom, agiiwak inom, anobak me wonage menggerak nogo wonage ilik, lek a? Pekket! At Aliku ALA nen leenogo pereegerak amburu eeppugu kogoba nogo, arum logonok nduk mippagagerak kwe, liirogon arum logolik ti, maluk aret eekendak me, kat kawuri kinom aret kinagap mbugunggologotak abet aret mbarenok nduk, at eenik menggerak Aliku ALA endage kumbunuk, yokkigi o.”