1 Tamuwen 25:43 - Ala Wone Peenok Peebi Mbanak

^43-44 At Tawun nogo nen apuluk Mikan Ndawut akwe nogo ndinogo aap o Nggalim mendek Layit apuluk Paliti wogoge mbareegi, at Ndawut kwe o Yiteren mendek endage Akinowam aa'nduk waganeegerak wonage me, kwe Abigayin nogo inom aret kolagagerak.

1 Tamuwen 25:43 Cross References

Wakkagagerak 2:24

Kwe nogo ti aap paga wogo me, aap nen agalo-ogoba mbo piinok, akweeluk imbirak ambit a'nuk, it imbirak ineebe mbere kwe, ambit aret logogun o.

2 Tamuwen 2:2

Yoge mbareegi, at Ndawut nogo akwe ambi kwe Yiteren mendek Akinowam inom, akwe ambi aap Naban awi Karemen mendek kwe togwe pereegerak waganeegerak Abigayin inom, akuwi mbere ti, inom aret o Keboron woraawok nduk eeko mbareegwa,

2 Tamuwen 3:2

At Ndawut o Keboron logonet, apuri aap ndaganabeegerak nogo inendage yi o. Apuluk manggu ndarak ti, kwe Yiteren mendek endage Akinowam aagaluk aap endage Amonon aret.

Matiyut 19:8

Yogo mbareegwa, at Yetut nen, “Lek o. Kiniki laakot kiinok, at Muta nen kinakuwi mbo piyoorak op aret, yereegerak ti, o maan aa'nduk togon togop eeka'lek wonogogwaarak kwe, yereegerak o.

Yotuwa 15:56

Yiteren, Yokereyam, Tanowa,

1 Tamuwen 27:3

Ka nogo nogogwaarik, Ndawut awuri nogo inalitak inakuwi-inapurilogwe inom, at Ndawut nogo akuwi mbere ambi Yiteren apuluk Akinowam, ndi, ambi aap Naban togwe waganeegerak kwe awi Karemen mendek Abigayin nogo imbirak inom, o Nggat aap Akit inom time aret ye mbambatinuk, wonogogwaarak.

1 Tamuwen 29:11

Yoge mbareegi, o ko'lu kuubondendok ineenik a'nuk, at Ndawut awuri inom iniyokan iname aakumi Pilitin menggam nogome nogwe iigak, it aap Pilitin mendek nogo o Yiteren wogogwaarak.