1 Tamuwen 25:41 - Ala Wone Peenok Peebi Mbanak

⁴¹ Yogo mbareegwa, at kwe Abigayin nogo nen mi'na'nuk, inabu'me etenggen nggween paga wanduk yinuk, yorage logonet, “An yi, nogoba Ndawut ayeloman aret me, kit at ayeloman mini kiniyok kooriyak nduk, aret agarik o.”

1 Tamuwen 25:41 Cross References

Wakkagagerak 18:4

Ata, kit eyo alome yime tat yonggonggolaamunggup nduk, kiniyok kooriyak niyo ambi tookkira nawi o.

Kini Wuppiige 15:33

It aap Aliku ALA inagabiti mbakwi paga iniki warak logorak mamunggologwe, Ndi, iniki tebeppatiyak aa'nduk mamunggo'nok, inayuk wuriyak mendek mamunggologwe, Eeko menggaarak o.

Kini Wuppiige 18:12

Aap ambi aa'nduk iniki tiyappatit nege kenok, peebi endage maluk age menggerak kwe, Ndi, aap ambi aa'nduk iniki tebeppake kenok perak, peebi ayuk wuko menggaarak.

Marakut 1:7

At nen wone yorage nagagerak nogo yi aret, “At peebi nambokan woraagin ti, aap nggwok aret o. Ndi, an we mbuuluk me, at iyogogut nggerenak tebe yinuk, piiniyak meek o.

1 Timotiyut 5:10

“Yi obeelom ndi obeelom eeke menggerak,” yogwe iinok, aagalogwe liirogon tawe eeginaka kenok, aap nggiru inanoniya laka kenok, it Ala apuri ake leenak iniyok koorinaka kenok, it aakumi aaninggin inoba agaatak iniki eyak wappiiga kenok, ndi, yi obeelom ndi obeelom eekwi abok aret, “An unde o,” yinuk, eeke menggerak kenok, endage mbaniyak op kwe,

Urut 2:10

Yoge mbareegi, Urut nogo abu'me tebe yinuk, ena nggween paga wu'na'nuk yoge logonet, “An ti, kwe nggiru aret kwe, nonggop nduk an nabuwa mbake logonet, liippanegeno?”

Urut 2:13

Yoge mbareegi, at Urut nen at yoge logonet, “An nogo ti, kat kayeloman mini kumi nogo ndak-ndak lek aret wonage neegak kwe, an kayeloman nabuwa lombok nombake logonet, koone yanggorogon yo'nege, niniki eyak wappanege, eekendak me, mondok-mondok togop aret eeppanege logot o, nayinggelo,” yoreegerak.

1 Tamuwen 25:23

kwe Abigayin nogo aap Ndawut enegen kage nagagerik, imbirak lambumbunuk, keledai amborowak paga nen mbet-mbet wangge nagagerik, Ndawut abu'me etenggen nggween paga wanduk yinuk,

1 Tamuwen 25:40

Nappiyareegerak o Karemen unggwi nogo nogogwaarik, Abigayin yogwi, “Ninagalo wae. At Ndawut nen kat at wokkaburak nduk nappinani wagaarak me wokkabi wogo o.”