1 Tamuwen 25:38 - Ala Wone Peenok Peebi Mbanak

³⁸ nogo 9 yippunuk, ko'lu at Aliku ALA nen wake mbareegi, aret kambeegerak.

1 Tamuwen 25:38 Cross References

2 Tamuwen 6:7

Pigagangge mbareegi, Aliku ALA anini mi'nage logonet, Uta nen, “Pigoorak iya lek o,” yinuk, pigaganeegerak paga Ala aloobut mbanak me taati aret wareegerak kambeegerak.

2 Endagembogut 15:5

Ndi, at Aliku ALA nen andi kage logowak nduk, aap endagembogut nogo awin aaga'ne eerogo pereegerak me, awi alik wurogo pereegwaarak time aret wonage logonet, kambi noorak age kagak, at aput Yoram nogo, aap endagembogut awi o nggwok abe wurik nogo unde wonage, ndi, aakumi o time wone lengganogo yorage, eeke nagagerak.

2 Endagembogut 19:35

Yoreegerak oonikiya ti eyom paga it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

2 Mbinineegwaarak 10:15

It aakumi nen aap endagembogut wone yogwi liippega'lek wonagagerak nogo ti, Aliku ALA nen eerit nogwe nogo, ena koonogo pege logonet, aap Tilo mendek Akiya yoge mbareegi, aap Nebat aput Yerobeyam yoreegerak nogo, a'me nggelok yuwak nduk, wone ti, liippega'lek aret wonagagerak.

2 Mbinineegwaarak 13:20

Tebenggolage nagagerik, at Abiya endagembogut wonage kagak, at Yerobeyam endage tiyanak wonagagi kwak logolik, endage lek aret agagerak wonage me, Aliku ALA nen warogo pege mbareegi, kambeegerak.

Ndawi 104:29

Wogoraga'lek kenete niminik wonage keenok, inaganak wake, Ndi, iniki wagangge keenok, kanggo nagaatik, Liirubu mendek aret me, liirubu aret ogwe, Eeko menggaarak o.

Ndawi 73:19

It ineebe ne ambit liingge aret lek ogwe, Inagabiti nen inamineeri ne agan nage kagak, inenggaawak lek aret ogwe, Eerugun me, iya!

Wundeegwaarak 12:29

Ne ti paga o nogo iniki mbere eeke paga at Aliku ALA nen aap endagembogut kwi'ndak menggim kwi'ndak wonage Pirawun apuluk nogo nen nok, it aap keele maarogo mambiyareegwaarak inapurilogwe kuli inom, inaanggumi inom, o Metit paga manggu ndarak wonogwe, abok aret inoorogo piinet nagagerak.

Nappiigak 12:23

Keekok piyanggogo mbareegwa, at nen Ala wogoppuulik, “An iya neenok, yaga,” yinuk, wogoppake mbareegi, Ala yonggo nappiya wage menggerak malayikat ambi abera'lek me wage nagagerik, warogo nggimbereegerak. Warogo nggimbege mbareegi, puuron nen inikime nggebenogo nunggwi iigak, kambeegerak.

1 Tamuwen 25:33

Aakumi inamiya wumbiige, ndi, maluk eeppanegaarak onggo eeppiige, eerit nage neyo, kiniki warak lombok nen o yogondak yi paga pi'nakendak me, Aliku ALA ale'nggen koba pagage logowak o.

1 Tamuwen 25:37

Ko'lu kuubondendok aap Naban nogo aap iniki age mbareegi, akwe nogo nen wone Ndawut yereegerak nogo inom, at eereegerak nogo inom, abok aret Naban yoge mbareegi, iniki apit a'nuk, eebe nugut lek yugum pogom agagerak wonage kagak,

1 Tamuwen 26:10

At anggok a'nuk kambigin ilik? Wim eeke me warugun a? At Aliku ALA nen mban eeppigin, abet aret mbake logonok nduk, at eenik menggerak Aliku ALA endage kumbunuk, yokkigi o.

1 Tamuwen 6:9

kinigen wogonako logonip o. Tapi nogo nen nok-nok, wonok o Mbet-Temet wonagagim time pi nogwe iinok, Iterali inogoba Aliku ALA nogo nen aret andi-pandi ee'ninabuwak nduk, nappi wagaarak kagi, mbakwi, ndi, nggweendo ogobakkigirik nogo nok-nok, time nage lek kenok perak, andi ee'ninakerak nogo, at nen ee'ninabulik, we alik en ee'ninakerak aret kagi, mbakwi, eeruwok o,” yinuk, yorogogwaarak.