1 Tamuwen 25:33 - Ala Wone Peenok Peebi Mbanak

³³ Aakumi inamiya wumbiige, ndi, maluk eeppanegaarak onggo eeppiige, eerit nage neyo, kiniki warak lombok nen o yogondak yi paga pi'nakendak me, Aliku ALA ale'nggen koba pagage logowak o.

1 Tamuwen 25:33 Cross References

Ndawi 141:5

It aap iniki abe koonak nen nookwi iinok ti, Nabuwa nen ee'nakwi me, nookwi, It nen aret naruk wakwi iinok ti, Obeelom aruwak nduk amburu eeppiigo mengga kwak Eeppanugwi me, naruk wakwi, Eeruwak o. It eeppanugwi nogo ti, “Neebi,” yigin lek, “Op aret,” yigin kwe, It aap maluk eeka nen eeppaniyak mbakwi iinok perak, “Neebi,” lombok mbake minggirak me, Eeppanugwi iyo, tamban mban eeke minggirak o.

Wundeegwaarak 22:2

Ndi, aap ambi nen yogoot kiraarikit nduk, aap ambi ame tu paake me, aap ambi nen kwaakkage logomenggerik, waremenggerak kangge kenok, at aap waremenggerak nogo ti, amiya eenggi paga logogin lek kwe,

Kini Wuppiige 13:14

Aap iniki warak wone mamunik mugurok nogwe ti, ineenik logorak alom aret me, Kanggwi keele pugume kagak nomoninuk inili eekko'nok mbaganggo menggaarak.

Kini Wuppiige 17:10

Aap iniki warak kenok, wone ne ambit paga aruk waremenggaarak aret liippege menggerak kwe, Aap iniki lek wi kenok perak, ne 100 kuli yawi waremenggaarak kwe, liippegeelik aret o.

Kini Wuppiige 25:12

Aap iniki warak nen, “Naruk wakwi nogo liirogon konenikit,” mbake nogo ti, Mbuti emas paga inamberaarenggen yarak yiko mengga kwak, Emas at mendek paga inobaanggi-inobaangge eeko mengga kwak, Aret wonage menggerak.

Kini Wuppiige 27:21

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aakumi nen aap ambi endage tiyappugwi paga at abut mbanggwi ti aret.

Kini Wuppiige 28:23

Aap ambi nen ore aruk wake kenok, at aruk waremenggerak nogo nen aruk wakerak nogo peebi ale'nggen nggwok ombarigin kwe, Iniki laakot paga yoge kenok perak, ale'nggen mbuuluk ombake logogin o.

Kini Wuppiige 9:9

Aap iniki warak aruk wakwi kiinok, abunuk iniki warak age, Aap iniki abe koonak mamunugwi kiinok, ambinom eenu age, Eeke logogin o.

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.

1 Tamuwen 25:31

kat nogoba kiniki mbake logonet, Alom lek kagak amiya wumbege, maluk eeppanegerak nogo onggo eeppiige, eerulik me, niniki aaninggin nen puru agago wonage lek tayenak aret agarik o, yinuk, mbake logomunggun o. Ndi, at Aliku ALA nen obeelom eeppagage kenok, an kayeloman yi, noba abe'nake logomunggun o,” yinuk, yoreegerak.