1 Tamuwen 25:31 - Ala Wone Peenok Peebi Mbanak

³¹ kat nogoba kiniki mbake logonet, Alom lek kagak amiya wumbege, maluk eeppanegerak nogo onggo eeppiige, eerulik me, niniki aaninggin nen puru agago wonage lek tayenak aret agarik o, yinuk, mbake logomunggun o. Ndi, at Aliku ALA nen obeelom eeppagage kenok, an kayeloman yi, noba abe'nake logomunggun o,” yinuk, yoreegerak.

1 Tamuwen 25:31 Cross References

Wakkagagerak 40:14

Eeke logonet, noba abe'nage kenok, it aap inanebunu Iberani mendek iname nen keele maarogo kumaa'neren yime pani wogogwaarak o Metit yime logonet, an maluk ambi eeka'lek neegak, keele maarogo o apit me yime mambani wagaarak wonage me, keele piinogo wumbanuwak nduk, kat endekem wungge logomenggendik, op aret logonet kenok, nabuwa mba'nuk, eekirak wone nogo mbininogo aap endagembogut Pirawun nogo yo'nu o,” yinuk, yoreegerak.

2 Tamuwen 22:48

It an nookwi nogo, onggo inooke, It aakumi inanebunu lombok nabu'me piya wage, Nawim ineenggime nen wondet eerogo panege, Ineebi nombakwi nogo tebenogo piinok tiyappanege, It inogogun ambik ineenggime nen nagap ndake, Eekendak kat nogoba Ala aret o.

Ndawi 94:1

Kaliku ALA wae. Maluk eekwi onggo eeppiiga kat Ala aret o. Maluk eekwi onggo eeppiiga Ala wae. Kin paga ari mok o.

Lukat 23:42

Yoge nagagerik, Yetut yoge logonet, “Ai, nogoba Yetut. Kendagembogut a'nuk wage kenok, an noba abeke logomunggun o.”

Oroma 12:19

Noreewi o. Nit ninogoba nen ari logonet, “Aap inane'me wakwi inom, maluk onggo eeppiigwi inom, an nen aret eeppiyaagin o,” yinuk, yereegerak liiru mbanak wonage me, maluk eeppinagagwi onggo eeppiigo logogup o. Ata, Ala anini nen it onggo eeppiyaagin me, mbo piigo logonip o.

Oroma 14:21

Kinoreewi iniyogobit lik togon yigeebu wuppiyookwak, kit wam nunggwi, anggur amburu nunggwi, yi mendek ndi mendek eeko monggotak abok aret eekwi, eeka'lek puk logorak op aret o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

1 Tamuwen 24:15

At Aliku ALA nen ninowak loongge, nawone mbanogo punuk onggo ndak-ndak eeppinanege, naana'le mbangge logonet, kat keenggime nen ndinogo nagap ndake, eeke logowak o,” yinuk, yoreegerak.

1 Tamuwen 25:30

At Aliku ALA nen yi mendek ndi mendek obeelom eeppagarak yokkegerak nogo, kat nogoba abu ndak-ndak aret eeppagage, ndi, it Iterali inowe kendagembogut logonok nduk, mippagage, eeke mbaremenggi,

1 Tamuwen 25:33

Aakumi inamiya wumbiige, ndi, maluk eeppanegaarak onggo eeppiige, eerit nage neyo, kiniki warak lombok nen o yogondak yi paga pi'nakendak me, Aliku ALA ale'nggen koba pagage logowak o.

1 Tamuwen 25:40

Nappiyareegerak o Karemen unggwi nogo nogogwaarik, Abigayin yogwi, “Ninagalo wae. At Ndawut nen kat at wokkaburak nduk nappinani wagaarak me wokkabi wogo o.”

1 Tamuwen 26:23

It aap abe koonak li'lak eeko menggaarak kero, at Aliku ALA nen onggo obeelom eeppiige menggerak me, at Aliku ALA nen oonikiya yi paga kat keebe waganogo an neenggime panegerak kwe, At Aliku ALA nen leenogo pereegerak amburu eeppugu me, yinuk, an koorulik teppagagirak o.