1 Tamuwen 25:28 - Ala Wone Peenok Peebi Mbanak

²⁸ ndi, an kayeloman maluk eeppagagirak nogo mari eerogo panege, eeru o. Kat nen at Aliku ALA awim eeke menggendak me, kat nogoba kapuri ndaganabemenggaarak kinom Iterali mondok unde wogonako logomunggup nduk, Aliku ALA nen aret eeppagagin o. Togop aret me, kat kangga'lek keenik logonet, maluk eeka'lek obeelom mban aret eeke logomunggun o.

1 Tamuwen 25:28 Cross References

2 Tamuwen 5:2

O maan aa'nduk nen at Tawun nogo ninowe endagembogut logonet, wone lengganogo yo'nirage kagak, wim namburiyak nduk, wundi nage kenok, it Iterali ineegin warak nogo kat nen aret wogoren wundi nagak eeke keegak, at Aliku ALA nen kat yokkege logonet, Kat an napuri Iterali inowe kendagembogut logonet wone lengganogo yorage, ndomba ndegeninako mengga kwak ndegeninake, eeke logomunggun o, yinuk, yokkereegerak nogo o,” yinuk, yoreegwaarak.

2 Tamuwen 7:16

Obeelom eeppege logonet, apuri-ombowologwe ndaganabit nage, abu'me piige, eeke nogo ti, lek arigin lek mondok-mondok aret logogin me, at ndaremenggerak paga nen abu'me piige logowam mondok unde logowak nduk, eeppege logogin o, yinuk, at Aliku ALA nen yegerak, yori nanu o,” yinuk, yoreegerak.

2 Tamuwen 7:27

Ndi, kat Komaawi Lombok Menggendak Kaliku Iterali inogoba Ala wae. Kat nen an kayeloman yo'nege logonet, Kapuri-kombowologwe wiganak paga mban Iterali inarum logogun, yo'negendak ti paga an kayeloman nagabiti lek nogogumbuk logonet, wone yi, yokkege agarik o.

1 Endagembogut 15:3

At Abiya nogo, ombo Ndawut ogoba Aliku ALA iniki oba panggombunuk, abu liirogon eeke nagagerak ndak-ndak, at togop eeke logolik. At mi'naga'lek kagak, ogoba yi maluk ndi maluk eerit nage nagagerak kokwak, at maluk togop aret eerit nage nagagerak.

1 Endagembogut 15:5

At Ndawut nogo kangga'lek eenik wonage logonet, Aliku ALA nen, “Yogop ee'nu ndogop ee'nu,” yoge nogo, ambi taganogo pege logolik Aliku ALA enegen kagak, abok ndak-ndak aret eeke nagagerak kwe, ambiriluk maluk eereegerak ti, aap Ket mendek Uriya akwe paga maluk eereegerak.

1 Endagembogut 9:5

an nen kogoba Ndawut wone abuk nggaruk togon yoge logonet, Kat kapuri ndaganabemenggendak nen mban aakumi Iterali inoweewi inendagembogut logonet, wone lengganogo yoranet wundi wogo logogun o, yinuk, yoreegirak nogo ndak-ndak, kat mondok-mondok aakumi Iterali inowe kendagembogut logonet, yorage logonok nduk, eerogo pagagin o.

1 Mbinineegwaarak 17:25

Ndi, nogoba Ala wae. Kat nen an kayeloman yo'nege logonet, Kapuri-kombowologwe wiganak paga mban Iterali inarum logogun o, yinuk, yo'negendak ti paga an kayeloman nagabiti lek nogogumbuk logonet, wone yi, yokkege agarik o.

2 Mbinineegwaarak 20:15

“Kat nowe kendagembogut Yotapat inom, kit o Yekura monggotak inom, o Yerutalem monggotak inom, at Aliku ALA nen wone yokkiragaarak yokkirage me, kinaruk logonip o. It aap wim eeka alik negen aago yi, kit kinom wim eerumunggup lek Ala nen aret it inom wim eerigin me, ineebe paga kinagabiti mbakwi, kinomanggen tayok ari, eeriyak mage o.

Ndawi 7:3

Kaliku nogoba Ala wae. It yo'nugwi yi, Eekirak paga maluk noba wonage,

Ndawi 89:29

At obaane'me ombowologwe nda'narit nawak nduk eeppege, Mbogut lek ageelik wonage menggi kwak, At wone lengganogo yorage menggim mondok logowak nduk eerogo pege, Eerigin o.

Linggineegwaarak 23:21

At Aliku inogoba Ala nen it inenggela'me wonage, It inowe endagembogut inenggela'me wonage kenok iniki ale'nggen nen keekok yogwe, Eeko menggaarak me, At Yakup ombowologwe wiganak paga aaninggin mendek inoba age, Iterali nogo nen, Nonggop eekkolaawi, yinuk, yogwe, Eekwi iyoolik o.

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Lukat 23:41

Nit eeppinanugwi nogo ti, eekoorak onggo ndak-ndak eeppinanugwi me, op aret kwe, at yi perak, maluk abu eerulik o.”

Lukat 23:47

At yigin unde inowe nogo nen eeke kage nagagerik, at Ala endage wogoppege logonet, “Aap yi, oone lek yeendo kagak eekoorak abet aret kagi o,” yinuk, yereegerak.

1 Tamuwen 15:28

Nibik ari mbareegi, Tamuwen nen at yoge, “Eekerak ti kokwak, o yogondak yi paga aret at Aliku ALA nen kat kendagembogut logonet, aakumi Iterali kabu'me piinok wonage nogo ndinogo koreeluk aap obeelom kenok wogogerak o.

1 Tamuwen 17:47

Ndi, ineegin tiyak ari, tebek ari, eeruwak nduk, koongge menggerak nogo ti, at Aliku ALA aret me, kit kineebe apit aret nit nineenggime pinanigin ti paga it aakumi apit ya'i kuwak eeri wagaarak wonogwe yi, at Aliku ALA nen paloowi paga inom, wooluwak paga inom, inagap ndakeelik ineenu arugun o,” yinuk, yoreegerak.

1 Tamuwen 18:17

Togop eeko mbareegwa, at Tawun iniki mbake logonet, “Ndawut ti, an neenggi paga nen warigin lek o. Ata, it aap Pilitin mendek nen aret waruwak,” mbake nagagerik, ne ambi paga at Tawun nen Ndawut yoge, “An napuluk kolaga manggu ndarak Merap nogo, kat kakwe kolaanok nduk, wokkirigin me, an nake wim wakaa'ngget a'nuk Aliku ALA awim ti mban nambuke logomunggun o.”

1 Tamuwen 2:35

Aap ambi nen an eeriyak mbake inom, niniki koongge inom, neebe unde logonet, mondok liippunuk, ndak-ndak eeke logowak nduk, leenogo mippatigin o. Mippake logominggirik, at apuri wiganak wogoriminggirak mondok nu'lek logonet, at ambi leenogo amburu eerogo punuk, mippigin nogo, enggaanom mondok-mondok ake eeke logogin o.

1 Tamuwen 22:14

Yoge mbareegi, at Akimelek nen aap endagembogut nogo yoge logonet, “At Ndawut iniki kwi'ndak abu li'lak eeke menggerak togoti ambi it kinom eeke menggendak inenggela'me wonage mbaken? At nogo ti, kat karugelo aret. Ndi, it karum waka inowe at aret me, kat kame menggaarak abok aret, At iya o, yinuk, endage tiyappugwi nogo lek a?

1 Tamuwen 24:11

Kooka'lek teppagage logonet, kayum irip mban mbuuluk mbanogo waganggirak neenggime wonage yi, pekket o, nogoba. An tebenogo pagakit nduk, koone taganit nage, an maluk eeppagage, eekirak noba wonage lek yum yi paga keenu aru o. Kat perak, an nooriyak nduk, mu'neren-ma'neren nege menggendak ti,

1 Tamuwen 24:17

Le ari nagagerik, Tawun nen Ndawut yoge logonet, “Kat nen abu obeelom mban eeppangge keegak, an yi, maluk lombok aret eekkabit nege me, kat abu obeelom aret keegak, an perak, maluk aret kagi o.

1 Tamuwen 24:21

kat nen an napuri wigannaremenggaarak nogo, inenggaawak lek eerogo piige, ndi, an nowe-nawot inenggela'me nendage ki logorak nogo, lek eerogo pege, Eerigin lek o, yinuk, at Aliku ALA owak mbanogo yo'niru o.”

1 Tamuwen 24:4

at Ndawut awuri nogo nen at yogwi, “At Aliku ALA nen, Kawim eeppuurak mbakendak nogo eeppege logonok nduk, keenggime pagagin o, yereegerak nogo yogondak nanonggwan yi aret aga o.” Yogo mbareegwa, Ndawut nogo mbawok aret Tawun wonage me wage nagagerik, ayum abo irip mbanogo waganeegerak.

1 Tamuwen 25:24

Ndawut yoge logonet, “Ai, nogoba. An kayeloman wone yokkege yi, liirogon konenu o. Wone agaarak nogo ti, an noba aret aruwak o.

1 Tamuwen 29:3

Wogo logonet, aap Pilitin mendek ineegin warak inoweewi nogo nen Akit yogwi, “Aakumi Iberani mendek yi, nonggop nduk kinom wogwe?” Yogo mbareegwa, aap Akit nen it yorage logonet, “Aap Iterali inowe endagembogut Tawun imbirak eeke nagagerak aap Ndawut nogo yi lek a? Aap Ndawut aret kwe, Tawun mbo punuk, neya wagagerak nimbirak wonage kagak, tahun ambi eereegerak kwe, at Tawun mbo punuk, neya wagagerak nen yogondak kuli yi, at maluk ambi eekerak an koolik aret o.”

1 Tamuwen 30:26

At Ndawut nogo o Tikalak unggwi wage nagagerik, at oreewi aap Yekura mendek inoweewi nogo kugun wogo ando wogora nawak nduk, nappiige logonet, “At Aliku ALA awim Amalek mendek inagugun wogo yi, kit aret kolaabagip nduk, nappinagi wagi o,” yinuk,