1 Tamuwen 25:23 - Ala Wone Peenok Peebi Mbanak

²³ kwe Abigayin nogo aap Ndawut enegen kage nagagerik, imbirak lambumbunuk, keledai amborowak paga nen mbet-mbet wangge nagagerik, Ndawut abu'me etenggen nggween paga wanduk yinuk,

1 Tamuwen 25:23 Cross References

2 Tamuwen 1:2

ko'lu nen aap ambi at Tawun awuri inom inawooliya wuppunuk wonogwe me nen ayum nibinggolage, nggween waganogo anobak paga labunggolage, eeppatinuk, Ndawut owagam ari nage nagagerik, enete nggween paga wanduk ari logonet, ayuk wureegerak.

2 Tamuwen 14:4

Li'luk eerogo yoge mbareegi, kwe o Tekowa mendek nogo aap endagembogut owagam nage nagagerik, etenggen nggween paga wanduk yinuk, ayuk wuppunuk yoge logonet, “Nogoba o. Kat kendagembogut aret me, an yeenggwa nirenok nduk wagi o.”

2 Tamuwen 18:28

Ari kagak, at Akimaat nogo nen oone nggwok paga aap endagembogut yoge logonet, “Nogoba wa!” yinuk, at owagam wage nagagerik, endobanggun yindumbunuk, ena nggween paga wuragik logonet yoge, “Kat nowe kendagembogut kooriyak koonggaarak nogo, at Aliku kogoba Ala nen waganogo keenggime pagi wagaarak me, endage tiyappege logot o!”

2 Tamuwen 9:6

Wonok wogo mbareegwa, Yonatan aput Mepibotet nogo Ndawut owagam wage nagagerik, abu'me tebe yinuk, ayuk wuke kagak, at Ndawut nen, “Mepibotet wae.” Yoge mbareegi, at Mepibotet nen, “Ai, nogoba. Kayeloman an aret o,” yoreegerak.

1 Mbinineegwaarak 21:21

Kumaarak wonogwe me, at Ndawut nogo owagam wage enegen kage nagagerik, gandum agabolo mbelangge menggim wundi nanuk, ena nggween paga wanduk ari logonet, Ndawut abu'me tebe yereegerak.

Yotuwa 15:18

Wogoge mbareegi, ogonggelo ka wagagerak nogo eyom paga kwe nogo nen ogonggelo yoge logonet, “Nogoba nen nggween mbanak ambi wo'niruwak nduk, yori nawi o,” yinuk, nogo nogogwaarik, kwe nogo keledai amborowak paga nen nggween paga wambi wage mbareegi, at ogoba Kalep nen at yoge logonet, “Kat nonggop eeppagarak, mba'nuk wagan o?”

Owak Loongga 1:14

Wogoge mbareegi, ogonggelo ka wagagerak nogo eyom paga kwe nogo nen ogonggelo yoge logonet, “Nogoba anggween mbanak ambi wo'niruwak nduk, yori nawi o,” yinuk, nogo nogogwaarik, kwe nogo keledai amborowak paga nen nggween paga wambi wage mbareegi, at ogoba Kalep nen yoge logonet, “Kat nonggop eeppagarak, mba'nuk wagan o?” Yoge mbareegi, at kolaga nen,

Urut 2:10

Yoge mbareegi, Urut nogo abu'me tebe yinuk, ena nggween paga wu'na'nuk yoge logonet, “An ti, kwe nggiru aret kwe, nonggop nduk an nabuwa mbake logonet, liippanegeno?”

1 Tamuwen 20:41

Yoreegerak wage kagak, Ndawut yugum lunik ambo'me o ame pa'nggwe nen wundi wage nagagerik, Yonatan owagam endobanggun yindumbunuk, ne kenagan paga etenggen nggween paga wanduk yagak eeke nagagerik, imbirak linggik-kambuk yogo logonet, le yereegwaarak. Le yogo logonet, at Ndawut nogo perak, iniki abu puru agan nagak mban eeke mbareegi, le nggwok yereegerak.

1 Tamuwen 24:8

Nage kagak, at Ndawut ndoome nen wundi wage nagagerik, oone nggwok paga Tawun yoge logonet, “Nogoba kendagembogut wae.” Yoge mbareegi, Tawun nen enegen ambo'me logurogon na'nari wage mbareegi, at Ndawut nen nggween paga wanduk yinuk, ayuk wureegerak.

1 Tamuwen 25:24

Ndawut yoge logonet, “Ai, nogoba. An kayeloman wone yokkege yi, liirogon konenu o. Wone agaarak nogo ti, an noba aret aruwak o.

1 Tamuwen 25:41

Yogo mbareegwa, at kwe Abigayin nogo nen mi'na'nuk, inabu'me etenggen nggween paga wanduk yinuk, yorage logonet, “An yi, nogoba Ndawut ayeloman aret me, kit at ayeloman mini kiniyok kooriyak nduk, aret agarik o.”