1 Tamuwen 25:2 - Ala Wone Peenok Peebi Mbanak

^2-3 Nage nagagerik, wonage kagak, aap ambi awi Mawon anebunu Kalep mendek endage Naban. Ndi, at akwe endage Abigayin. Akwe Abigayin nogo eebe abu kigirikwe iniki warak lombok wonagagerak kwe, at ogonggelo Naban nogo perak, ogogun ambik obaabut mondok maluk aret wonagagerak. O Karemen time anggween nggwok eenggi warak lombok me, aanggumi ndomba tiga ribu kuli, ndi, kambin seribu kuli aret wonagagerak. Ne ti eyom paga ndomba ineeruwak mbangge me,

1 Tamuwen 25:2 Cross References

Wakkagagerak 13:2

At Abaram nogo at aanggumi kambin-ndomba inom, tapi-keledai inom, mbuti emas inom, mbuti perak inom, amindik-amendek ambik aret me, at eenggi warak lombok aret wonagagerak.

Wakkagagerak 26:13

at amindik-amendek mondok iya negen wiganggo'net wundi wage logonet, aap nggwok mondok eenggi warak aret agagerak.

Wakkagagerak 32:14

kambin kooli dua ratus, ndi, ngguunok 20 inom, ndomba kooli dua ratus, ndi, ngguunok 20 inom,

Wakkagagerak 38:13

Nogwe iigak, aakumi nen kwe Tamat nogo yogo logonet, “Lek o. Kat kayinggelo Yekura nogo aanggumi ndomba ineeruwak mbaniyak o Timana noorak nduk wage o.”

2 Tamuwen 19:32

Aap Mbaritilayi nogo, abu anggok ndarak kagak tahun 80 aret eereegerak. Ndi, at eenggi warak lombok me, aap endagembogut awuri inom o Makanayim wonogwe iigak, inambi magarage nagagerak me,

Ayup 1:3

Ndi, at aanggumi kambin-ndomba tujuh ribu. Unta ti, tiga ribu. Tapi mbere'mbo lingginik lima ratus. Keledai kooli lima ratus. Ndi, ayeloman mini ti, ambik lombok aret wonogogwaarak. It aakumi oonegen wundi wage menggim pa'nggwe wonogwe ti, inenggela'me aap nggwok eenggi warak lombok at alik aret wonagagerak.

Ayup 42:12

At Aliku ALA nen Ayup aa'nduk eenik wonage kagak ale'nggen oba pege nagagerak kwak lek peebi eenik wonage kagak ale'nggen ambik oba pereegerak. Pege kagak, aanggumi kambin-ndomba empat belas ribu inom, unta enam ribu inom, lembu mbere'mbo seribu inom, keledai kooli seribu inom, unde wonagagerak.

Ndawi 17:14

Kaliku ALA wae. It aakumi nggween paga mendek nen Nggween paga mendek mban kuwak eeriyak mbakwi yi, Inenggela'me nen keenggi omaawi paga nagap ndaru o. Aaninggin inoba piyoorak koonogo piigendak nogo Ambi mbo puurak mage o. Ata, abok aret nggwik togon inoba piige, Inapuri kunduk, ineyate kwak inoba kwippiige, Ndi, ando ndiinik inombowologwe inoba kwippiige, Eeru o.

Kini Wuppiige 30:22

Aap ambi ayeloman nen endagembogut age, Aap iniki lek wi negen nen amendek ambik age,

Yotuwa 15:55

kota Mawon, Karemen, Tip, Yuta,

1 Tamuwen 15:12

Ko'lu o kuubondendok at Tamuwen nogo Tawun imbirak lambuniyak nduk, pekka nage mbareegi, aap ambi nen at yoge logonet, “At Tawun nogo o Karemen time at eekerak endage ki logowak nen yugum logonogo patiyak nduk, nage nagaarik, logonogo patinuk, yogondak o Nggilagan nagaarak o,” yoreegerak.

1 Tamuwen 23:24

Yorage mbareegi, at Tawun nogo peebi punuk, it iniyokan o Tip nogogwaarak. Ndi, at Ndawut awuri inom o karume nggwok nenaarogo pereegim o ame pa'nggwe o Mawon karume aap Yekura iname time wonogwe iigak,