1 Tamuwen 25:16 - Ala Wone Peenok Peebi Mbanak

¹⁶ nit ninaanggumi ndomba-kambin ndegeninakwi niigak, o liingge-kii'me it nen pak wurik negen eerogo pinaninuk wonagaarak me,

1 Tamuwen 25:16 Cross References

Ayup 1:10

Kat nen at inom, aaganapuri inom, amindik-amendek abok aret inom, mangga wagak yengget-wangget yagat wurogo piigendak nogo lek a? Wurogo piige nagandik, at eerit nage nogo abe mban arit nage logowak nduk, kale'nggen oba pege menggendak paga at wonage menggim aanggumi kambin-ndomba ambik lombok wigak yegerak nogo o.

Wundeegwaarak 14:22

Ndi, niyo mogonak nogo agi-ogu yagat wurik pogom eeppunuk wonage kagak, aakumi Iterali mendek nogo nggween woloonak paga aret wunda wogogwaarak.

Yeremiya 15:20

It aakumi yi nen kat maluk eeppagagwi iyo, pak wurik kwak eerogo pagage, Pak mbuti tembaga paga wurik kwak eerogo pagage, Eerigin me, Kooruwok nduk eeremenggaarak kwe, an nimbirak logonet, kili ari, kagap ndake, eerigin me, Kat tebenogo pagagun mondok lek o.

Takariya 2:5

We tene aret wonage me, yagat yendok-wandok wurik kani wunuk ari menggi kwak ti, an neebe aret wonage, ndi, akem time eya eerak kenok, aakumi nen, Wi! ugwi ti, an neebe aret wonage, eeke logogin, Aliku ALA nen yegerak o, yinuk, wulaga tawe ti, mbe agan yori nak o,” yinuk, at yoge kagarak.

1 Tamuwen 25:17

Nano eeruwi o? At ninogoba yi, amiya maluk ogogumbuk me, nit ninogoba ninom monggoorak nogo, ninom maluk ninoba age kero, kat ninagalo ninake ngge eeriyak kiniki koonu o,” yinuk, yoreegerak.