1 Tamuwen 25:13 - Ala Wone Peenok Peebi Mbanak

¹³ Yogo mbareegwa, at Ndawut nen awuri yorage logonet, “Kinalitak lombok kinobaloowi awina yonggoppunuk, kinobate paga nggerenggolaanip o.” Yoragagerak nggerenggologo mbareegwa, at kunduk togop aret nggerenggolage nagagerik, awuri ineebe dua ratus yi mendek ndi mendek arum logowak nduk, piinok, ineebe empat ratus Ndawut inom aap nogo wonage me nogogwaarak.

1 Tamuwen 25:13 Cross References

2 Tamuwen 15:18

Ari nogwe me, at inom yabu eeko menggaarak inom, it aakumi o Kereti mendek inom, Peleti mendek inom, aa'nduk Ndawut o Nggat nen wage me it Nggat mendek ineegin warak enam ratus inom wogogwaarak nogo inom, nen aap endagembogut Ndawut aaganapuri inom nogwe me, peleppiigak inaa'nduk ari nogogwaarak.

Kini Wuppiige 14:29

Aap ambi anini mbet-mbet wungga'lek tebenogo punuk wonage kenok, at iniki warak aret menggerak kwe, Aap ambi mbet-mbet anini wungge kenok perak, iniki lek wi negen aret kin eerogo patit nage menggerak.

Kini Wuppiige 16:32

Aap wakaa'ngget ti iya negen kwe, aap anini mbet-mbet wunggeelik yanggo yinuk wonage ti perak, abu iya o. Ndi, aap ambi omaawi ambik nen o kota ambi tebenggola unggwage kenok ti, iya aret kwe, Aap ambi anini mi'nage kenok tebenogo pege ti perak, mondok iya lombok o!

Kini Wuppiige 19:11

It aap iniki warak nogo paga nen inanini wungge nogo tebenogo wurakwi, Maluk eeppugwi iigak, “Op aret o,” yinuk, puk wonogwe paga, “Wi,” irogwe, Eeko menggaarak.

Kini Wuppiige 19:2

Iniki liippega'lek logonet, oone aganggen kereembu agan nage, Mbet-mbet eerit nage logonet, irip paga ninggin aret ari nage, Eeke nogo ti, maluk aret o.

Kini Wuppiige 20:22

“Maluk eeppanggendak onggo eeppagagin aret o,” yinuk, yuurak ti mage o. Ata, Aliku ALA nen onggo eeppuwak nduk, tokkage logot o.

Kini Wuppiige 25:8

Aap kimbirak menggendak ambi eeke kenegen abe nen kage kenok, mbet-mbet wone owak loonggo menggam pi woramenggendak alom kwaako logomenggaarik, Wone lek ari nage kenok, kat kenggali arukwak, mbet-mbet owak loonggo menggam pi woroorak mage o.

Yotuwa 9:14

Yorogo mbareegwa, at Aliku ALA yoga'lek kagak, it iniki mba'nuk nen inambi kambu ndinik nogo ando waganogo nonggo nogogwaarik,

1 Tamuwen 22:2

Ndi, it aakumi wone ambi inoba age kenok, iniki piirik wonogwe nogo mendek inom, inanomat mbanak mendek inom, iniki ale-pale aago mendek inom, it aap togop mendek kero mban, ineebe lambunik empat ratus negen at wonage me kuwak ari nogo nogogwaarak iigak, at Ndawut nogo inowe a'nuk, wonagagerak.

1 Tamuwen 23:13

Yoge mbareegi, at Ndawut nogo awuri ineebe enam ratus negen inom o Kekila nogo mbo punuk, ambime nen ambime agak eerit nugu nogogwaarak. Ndi, Ndawut nogo o Kekila nen muk kole mbaganggerak, Tawun yogo mbareegwa, Tawun time wim eeri noolik puk agagerak.

1 Tamuwen 25:12

Yorage mbareegi, at Ndawut awuri nogo iniyokan at Ndawut wonage me wogo nogogwaarik, aap Naban nen wone yereegerak nogo Ndawut mbinuk-mbenak eerogo yoreegwaarak.

1 Tamuwen 27:2

at Ndawut nogo awuri ineebe enam ratus inom o kota Nggat mendek inowe endagembogut aap Mowak aput Akit wonage me ka nogogwaarak.