1 Tamuwen 25:12 - Ala Wone Peenok Peebi Mbanak

¹² Yorage mbareegi, at Ndawut awuri nogo iniyokan at Ndawut wonage me wogo nogogwaarik, aap Naban nen wone yereegerak nogo Ndawut mbinuk-mbenak eerogo yoreegwaarak.

1 Tamuwen 25:12 Cross References

2 Tamuwen 24:13

Yoge mbareegi, ko'lu kuubondendok at Nggat nogo nen Ndawut owagam wage nagagerik, yoge logonet, “At Aliku ALA nen, O at Ndawut unde menggim mbi noogelo kagak tahun kenagan age, awim nen mugurok nugwi iinok mbaganit nege kagak, tut kenagan penengge, at unde menggim andi nggwok nappi wage, eerigin, yegerak me, kiniki pipak koombunuk, ambit mban miike keenok, wonok at nappani wagaarak yori naakit nduk, miiru o.”

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.

1 Tamuwen 25:11

An nagi inom, nambi oroti inom, nayeloman mini ndomba ineeruwak mbanggwi inake warogo pigirak inom, waganogo it aap an neenggo'lek mendek o ngga nen wogwe iinok, wogoroorak op mbakop?” yinuk, yoragagerak.

1 Tamuwen 25:13

Yogo mbareegwa, at Ndawut nen awuri yorage logonet, “Kinalitak lombok kinobaloowi awina yonggoppunuk, kinobate paga nggerenggolaanip o.” Yoragagerak nggerenggologo mbareegwa, at kunduk togop aret nggerenggolage nagagerik, awuri ineebe dua ratus yi mendek ndi mendek arum logowak nduk, piinok, ineebe empat ratus Ndawut inom aap nogo wonage me nogogwaarak.