1 Tamuwen 25:11 - Ala Wone Peenok Peebi Mbanak

¹¹ An nagi inom, nambi oroti inom, nayeloman mini ndomba ineeruwak mbanggwi inake warogo pigirak inom, waganogo it aap an neenggo'lek mendek o ngga nen wogwe iinok, wogoroorak op mbakop?” yinuk, yoragagerak.

1 Tamuwen 25:11 Cross References

2 Korindut 6:9

it ando nen, “Aap yi, inendage lek mendek o,” yinuk, ninombakwi kwe, it ando nen perak, “Aap yi, inendage warak o,” yogwe, kambuurak kwe, nineenik wonogwe, ninookwi kwe, kangga'lek aret wonogwe,

Nggalatiya 6:10

It yi aakumi ndi aakumi abok aret obeelom eeppiyoorak, “Nanonggwan aga o,” yinuk, obeelom eeppiinet nogo logonet kwe, it ninom ndak-ndak abet mbakwi kenok perak, logorogon obeelom eeppiyoorak mondok aberak aret logonip o.

Pelaareegerak 8:17

Kit kinikime nen mbako logonet, Nit ninobaalombok nineenggi omaawi paga nen eekkologoorak paga nineenggi warak agaarak o, yinuk, yuurak kiigirak kwe,

1 Peterut 4:9

Kinoreewi ambi kiya wogwe iinok, kineebi mbaka'lek kiniki ale'nggen paga kinambi magarogo logonip o.

Owak Loongga 8:15

Mbanogo Nggireyon wogoge mbareegi, at Nggireyon nogo o Tukot unggwi wage nagagerik, it aap Tukot mendek yorage logonet, “Mbi wo'ninip o, yokkiragarak kwe, kit nen miyuk-meya eerogo panugo logonet, It aap Teba Talumuna imbirak ineenggi mbanak titik niraga'lek logonet, Nawuri inowak lobak yegerak yi, mbi wogoroorak, yagandak nogo ti, nano eekaarak paga mbi wogoroorak, yo'nogotak nogo ineebe yi kaanip o.”

Owak Loongga 8:6

Yoragagerak kwe, it aap Tukot mendek inoweewi nogo nen Nggireyon yogo logonet, “It aap Teba inom, Talumuna inom, imbirak ineenggi mbanak titik niraga'lek logonet, Nawuri yi mbi wogoroorak, yagandak nogo ti, nano eekaarak paga mbi wogoroorak ari agandik?”

Owak Loongga 8:8

Yorage nagagerik, at Nggireyon awuri nogo inom o Punuwen ari nanuk, awuri inake mbi ngginooragagerak kwe, it aakumi o Tukot mendek nen yereegwaarak togo'nogo aret yoreegwaarak.

1 Tamuwen 24:13

It aap inanggok nen wone laarogo yogo logonet, It aap maluk eeka nogo nen maluk aret eeko menggaarak o, yinuk, yogo menggaarak nogo ndak-ndak an nen neenggi teeluk a'nuk, kat maluk eeppagagin lek o.

1 Tamuwen 25:12

Yorage mbareegi, at Ndawut awuri nogo iniyokan at Ndawut wonage me wogo nogogwaarik, aap Naban nen wone yereegerak nogo Ndawut mbinuk-mbenak eerogo yoreegwaarak.

1 Tamuwen 25:7

Nit nogo kat kaanggumi ndegeninaka o Karemen time ninom wonogo logonet, kamendek ambi waganggwi, maluk ambi eeppiigwi, eerulik kat kayeloman mini ineenu me, abet aret yogwe iyaamunggun o. Yogondak kaanggumi ndomba ineeruwak mbangge konenggirak me, ndi, mbanggo logonet, kinale'nggen nen laago lakwi nogo, an nayeloman mini inom, kaput Ndawut an inom, ninabuwa nen nano mendek ambi wonage kenok, wo'niret o,” yinuk, wone eerogo nappiyareegerak.