1 Tamuwen 25:1 - Ala Wone Peenok Peebi Mbanak

¹ At Tamuwen nogo kangge mbareegi, it aakumi Iterali mendek abok aret kuwak eeppunuk, aleenggu maako nogogwaarik, eebe wonok at ame Arama time nggween taambi nogogwaarak. Ndi, at Ndawut nogo o Mawon karume time nagagerak.

1 Tamuwen 25:1 Cross References

Wakkagagerak 14:6

it aakumi Kori mendek o Teyit nggelok-nggobok me wonogwe nogo inookwi, eerit muguren wogogwa-wogogwa o En-Paran karu ambet paga nogo kuli aret piya wogogwaarak.

Wakkagagerak 21:21

Ndi, o karume Paran nogome aret wonage kagak, agalo nen kolaga awi Metit mendek ambi kwaarogo wogoreegerak.

Wakkagagerak 23:2

o Kanan yaga'lelo Kiriyat-Araba, endage ambi Keboron, nogome nen aret kambeegerak. Kangge mbareegi, at Abarakam nogo, “Nakwe kanggerak o,” yinuk, iniki puru agan ale yereegerak.

Wakkagagerak 50:11

At Yutup oreewi o Nggoren-Kaatat leenggu maakwi wonogwe nogo it aakumi Kanan mendek inigen iigo nogogwaarik, yogo logonet, “It aakumi o Metit mendek kuwak eeppunuk, iniki puru ari logonet, leenggu maakwi yi, inabuwa o,” yinuk, niyo Yoraran koorok le yogwe me taa'nogo endage Aben-Mitirayim tooneegwaarak.

1 Endagembogut 2:34

Yoge mbareegi, at Yoyara aput Mbenaya nogo, Yowap wonage me nage nagagerik, wooluwak paga polonogo wareegerak kambeegerak me, eebe at ame karume endekem time aret nggween taambi nogogwaarak.

2 Endagembogut 21:18

Ndi, at Manate nogo ombomini kambunuk nogogwam inom yonggonggola nage mbareegi, at awi o nggwok abe wurik oore'nggam aap Uta eyabume nogome eebe nggween taambogo mbareegwa, obaane'me aput Amon endagembogut agagerak.

2 Mbinineegwaarak 33:20

Ndi, aap Manate nogo, ombomini kambunuk nogogwam inom yonggonggola nage mbareegi, at awi o nggwok abe wurik me nogome eebe pi unggwogogwaarak. Pi unggwogo mbareegwa, obaane'me aput Amon endagembogut agagerak.

Ndawi 120:5

An aap o Metek wonogo menggam nugwi kwak nege, It aap o Kerat inawooliyana inom mengga kwak wonage, Eeke me, nabuwa o!

Yetaya 14:18

Aap inoweewi inendagembogut kanggwi iinok, inayuk wurogo ineebe nggween taambiigo nagaatik, Iniyanggelo wam ambik wako nogogwaarak kwe,

Takariya 1:5

It kombomini nogo, yogondak nggeeme wonogo agaarik? Ndi, it an nen yorage neegak yorogo nogogwaarak nogo, kangga'lek ineenik mondok-mondok wonogo agaarik ya?

Linggineegwaarak 10:12

it aakumi Iterali mendek nogo, inawot lombok ndegen-ndegen aago woroorak yugu nogo ndak-ndak aret mugurok wogwe me, ndugwi nogo o karume Paran time puk age mbareegi, it nogo time aret puk ogogwaarak.

Linggineegwaarak 12:16

Ndi, mambi wa'nuk, it aakumi Iterali nogo o Katerot mbo punuk, o Paran karume time nogo nogogwaarik, inawooliya wuppatinuk wonogogwaarak.

Linggineegwaarak 13:26

It aap o Kanan yombooni nogogwaarak nogo at Muta inom, Karun inom, it aakumi Iterali mendek abok aret inom, o Kareti Paran karume nogome wonogwe me, iya wogo nogogwaarik, it o inigen kogogwaarak nogo mbininogo yorogo logonet, anggen mbaneegwaarak nogo titik irogogwaarak.

Linggineegwaarak 13:3

Yoge mbareegi, at Muta nen Aliku ALA yoreegerak nogo ndak-ndak Iterali inenggela'me nen inoweewi ambitak nggigik eerogo o Paran karume nen nappiyareegerak nogo

Linggineegwaarak 20:29

Ndi, it aakumi Iterali mendek nen Karun nogo puut Kot paga kambeegerak ineenu ogo nogogwaarik, erabun ndoombunuk leenggu maakwi aret iigak, nogo 30 yereegwaarak.

Nappiigak 8:2

It aap Ala inagabiti mbaka nen Tepanut warak wonok, kanggwi iinok, piya nogo menggam pi nogo nogogwaarik, aleenggu maareegwaarak.

Pelaareegerak 34:8

Kangge mbareegi, it aakumi Iterali nogo nen Muta abuwa wakwi o Mowap kobappaga time tabun ndoombunuk le yogwe ne 30 paga aret wonogogwaarak.

1 Tamuwen 1:19

Ko'lu o weege mbareegi, Elakana nogo akuwi apurilogwe inom ineenik ogo nogogwaarik, at Aliku ALA alut eeppunuk, iname o Arama time aret nogogwaarak. Nogo nogogwaarik, wonogwe me, Elakana nogo akwe Kana imbirak nogo yege mbareegi, kwe Kana tamban eereegerak nogo Aliku ALA abereegerak.

1 Tamuwen 28:3

At Tamuwen nogo kangge mbareegi, it aakumi Iterali mendek abok aret at ame lombok o kota Arama time aret nggween taambugwi, ndi, at Tawun nen it aakumi tili pagangga inom, aakumi inogoma wiiraga inom, Iterali inenggela'me nen mugogo wumbiige, eereegwaarak kagak,

1 Tamuwen 7:17

o Arama ti, at ame aret me, iyokan wage nagaatik, time logonet, aakumi Iterali inowak loongge nagagerak. Ndi, time logonet, at Aliku ALA ake warogo kani kunggo logowam ogobakkigirogo pereegerak.