1 Tamuwen 24:4 - Ala Wone Peenok Peebi Mbanak

⁴ at Ndawut awuri nogo nen at yogwi, “At Aliku ALA nen, Kawim eeppuurak mbakendak nogo eeppege logonok nduk, keenggime pagagin o, yereegerak nogo yogondak nanonggwan yi aret aga o.” Yogo mbareegwa, Ndawut nogo mbawok aret Tawun wonage me wage nagagerik, ayum abo irip mbanogo waganeegerak.

1 Tamuwen 24:4 Cross References

2 Tamuwen 4:8

at Ndawut o Keboron wonage me, wogori nogo nogogwaarik, yogo logonet, “Yogondak aret at Tawun inom, apuri inom, kat nowe kendagembogut kooriyak nduk, eerit nugu nagaarak nogo, onggo at Aliku ALA nen aap yi aret wo'niragaarak me, kimbirak wim menggendak Tawun aput Itibotet anobak mbanak yi aret wokkiri wogo o.”

Ayup 31:31

Aap ugun-ugun yowaarogo mambiige, It aap nggiru wogwe iinok, Endekem nogo yega'lek ninom nogo yuwok nduk yorage, Eeke minggirak me, It an ninom wonogwe nogo nen yogo logonet, Ayup nen mbi ma'niraga'lek we ninom nogo yogoorak o, Yinuk, taamini nen yogo menggaarak mbakop? Lek aret o, yinuk, yogo menggaarak o.

Ndawi 142:1

An noone nggwok paga Aliku ALA yoge, “Yeenggwa niru o,” yinuk, Noone tiyarogon Aliku ALA yoge,

Ndawi 57:1

Ala wae. Neebe op logokit nduk, Kabu'me unggwi wagarak wonage me, Nabuwa mbake, narigi mbake, Eeru o. O wiya nen namburogo nappiige menggi kwak, An eeppaniyak eeke yi, lek ari noorak eeke kagak, Towe a'naabit paga tebembiinok menggi kwak, An tebembaninuk logonok nduk kowagam wagi o.

Wundeegwaarak 21:13

Ndi, iniki nen, Aap ti warikit, mbaka'lek kagak, imbirak nage me, ambi oba aremenggerak paga kangge kenok, aap ti nen, Ala nen koonggerak paga aga o, yinuk, mbaganit agap ndarak logowam titik ege neenok, time aret nawak o.

1 Tamuwen 22:1

Ti'nuk, at Ndawut nogo o Nggat mbo punuk, o Arulam ndoome time aret kumaa'nari nagagerak wonage me, at owe-awot inom, agalo-ogoba inom menggaarak inom, nen at time wonage inaruk konembunuk ka nogogwaarak.

1 Tamuwen 23:17

Ka nage nagagerik, Yonatan nen at Ndawut yoge logonet, “An nogoba Tawun nen pikkabi woraagin abu lek o. Kat nimbirak Iterali inarum logonet, kat kendagembogut keegak, an kat kabu'me logorak nogo neenu aret o. Ndi, nogoba Tawun kunduk, eenu aret me, kagabiti mbarugun o,” yinuk, yoreegerak.

1 Tamuwen 23:7

Ndi, “At Ndawut nogo o Kekila wonage o,” yinuk, aap Tawun yogo mbareegwa, at Tawun nen ari logonet, “Ndawut o kota tungga pak narak me unggwi nagaarak ti, at alik en keele maarogo negen pakerak me, at Aliku ALA nen nanonggwan aret neenggime panegerak o.”

1 Tamuwen 24:10

Kat yogondak aret ndoome wonage keegak, at Aliku ALA nen kat keebe an neenggime panege mbaki, nawuri nen, Yogondak aret waru ubi! yo'nogo mbaka, an nen it yorage logonet, At Aliku ALA nen amburu eerogo mippereegerak me, neenggi teeluk a'nuk, nogoba wariyak lek o, yinuk, teppagagirak ti, keenu aru o.

1 Tamuwen 24:18

Aap inawim inom lambunggwi kenok ti, abu teppiigulik mondok aret inooko menggaarak kwe, at Aliku ALA nen neebe waganogo kat keenggime pagagerak kwe, an noorulik, Obeelom aret eeppagagirak, yogondak yo'negendak nogo ti, abet aret o. Abet aret me, kat yogondak eeppanegendak onggo at Aliku ALA nen aret wokkege logogin o.

1 Tamuwen 26:23

It aap abe koonak li'lak eeko menggaarak kero, at Aliku ALA nen onggo obeelom eeppiige menggerak me, at Aliku ALA nen oonikiya yi paga kat keebe waganogo an neenggime panegerak kwe, At Aliku ALA nen leenogo pereegerak amburu eeppugu me, yinuk, an koorulik teppagagirak o.