1 Tamuwen 24:17 - Ala Wone Peenok Peebi Mbanak

¹⁷ Le ari nagagerik, Tawun nen Ndawut yoge logonet, “Kat nen abu obeelom mban eeppangge keegak, an yi, maluk lombok aret eekkabit nege me, kat abu obeelom aret keegak, an perak, maluk aret kagi o.

1 Tamuwen 24:17 Cross References

Wakkagagerak 38:26

Yoragagerak wogori nogo mbareegwa, Yekura nogo nen, “Ti an namendek nogo aret kagi,” mbake nagagerik, “Kwe yi nen maluk eekerak lek o. Napuluk Tiyela wogogibok nela nen wonagarak me, maluk eeki o.” Ari nagagerik, kwe nogo imbirak ambinom lambungga'lek aret wonagagerak.

Ndawi 37:6

O ket yanggo aago weege menggi kwak, kit abe mban eekwi kin eeppinagage, O liingge teretak eerogo pege menggi kwak, Kinawone mbanogo punuk, “Kit maluk eerulik abe o,” yinuk, yokkirage, Eeke logogin o.

Wundeegwaarak 9:27

Ti eeke mbareegi, at Pirawun nen Muta Karun imbirak wiiragagerak wogo mbareegwa, yorage logonet, “An nogo abu maluk eekirak o. At Aliku ALA nogo ti, abu obeelom mban wonage kagak, an napuri ninom perak, maluk aret eekoorak me,

Matiyut 27:4

“Ai. At maluk eerulik kagak, an nen warubagip nduk, onggo mbanggirak me, maluk aret eekirak o.” Yorage mbareegi, it nen, “Wone ti, nit ninoba agaarak mbaken? Ti kat kobaalombok aret o.”

Matiyut 5:44

kinogoba mbogut paga mendek nogo nen oonegen unde logonet, it aakumi abu maluk mendek inom, obeelom mendek inom, iniki koonak menggaarak inom, iniki koonak lek menggaarak inom, abok aret inabuwa nen obeelom eeppiige logonet, inambi op aruwak nduk, o kibi wogorage, o mayu wogorage, eeke menggerak me, kinogoba mbogut paga mendek apuri arubagip nduk, it kinom ogoorak monggotak nogo kiniki kunik eeginakwi, ndi, it piyak-payak eekkinako menggaarak nogo, inake tamban eekwi, eeko logonip o, yinuk, yokkiragi o.

1 Tamuwen 26:17

At Tawun nogo Ndawut oone ari aret konengge nagagerik, “Kat naput Ndawut koone aret a?” Yoge mbareegi, at Ndawut nen Tawun yoge logonet, “E o, nowe kendagembogut. Ti an noone aret o.”

1 Tamuwen 26:21

Yoge mbareegi, at Tawun nen ari logonet, “Ai, Ndawut naput o. An eekkabit nege nogo ti, wi negen maluk lombok eekkabit nege abet aret kagi o. Kat oonikiya yi aret nooriyak kwe, Nogoba me, wariyak meek o, nomba'nuk, teppanegendak me, an nen peebi koorigin lek aret me, niname nawok o.”