1 Tamuwen 24:11 - Ala Wone Peenok Peebi Mbanak

¹¹ Kooka'lek teppagage logonet, kayum irip mban mbuuluk mbanogo waganggirak neenggime wonage yi, pekket o, nogoba. An tebenogo pagakit nduk, koone taganit nage, an maluk eeppagage, eekirak noba wonage lek yum yi paga keenu aru o. Kat perak, an nooriyak nduk, mu'neren-ma'neren nege menggendak ti,

1 Tamuwen 24:11 Cross References

2 Tamuwen 1:14

Yoge mbareegi, at Ndawut nen at yoge logonet, “At Aliku ALA nen aap leenogo pereegerak, amburu eeppugu kagak, wariyak kagabiti mbarulik nonggop nduk, kiniki teeluk a'nuk wakendak?

2 Endagembogut 5:13

Nage me, ayeloman mini nen at Naman owagam ka wogo nogogwaarik, yogo logonet, “Ninogoba o. At Ala nen yoge kagak yoraga nogo nen wone iya eeriyak mendek, Eeru o, yokkege kenok, Eerikit, mbarumunggun ilik, lek a? Ndi, Ngguu'mo wari nage keenok, obeelom eekkabigin o, yokkegerak nogo ti, we negen aret eeriyak me, eeri nak, ubi.”

Ayup 10:16

Ndi, nenggaawak pila ari neenok Singa nen noorak mbaketak mugurok nage menggi kwak Kat togop aret mu'neren wage logonet, Andi kaawak o, yinuk, Komaawi mondok iya paga eerubok eeke menggendak nogo noba kwippanege,

Ndawi 119:161

Eekirak alom ambi lek kagak, It aap inendage warak nen Piyak-payak eerogo panit nugwi iigak, nagabiti mbakeelik kwe, Koone yugu ti perak, nagabiti mbake logonet, Naganak wake minggirak o.

Ndawi 140:11

Aakumi meek eerogo piiga ti, o nggween yi paga Obeelom logowak nduk, eeppiyoorak mage o. Ata, aaninggin mendek ti nen, “It aap inanini mbaka ti, Inoba kwi'narikit o,” yinuk, muguren nege logowak o.

Ndawi 35:7

Towe yiluk yuwak nduk yum tugunogo pit nogwe, Wam yobok togon wambuwak nduk labu pugwi, Eeko mengga kwak, An pi'nabuwok nduk, Alom lek kagak togop eeppanegaarak me,

Ndawi 59:3

Kaliku ALA wae. An kat koone tagangge, maluk eeke, Eeka'lek neegak, Maluk eeppanuwok nduk it aap inogogun ambik iniki ambit eeppunuk, wone kote mbanggwi, Neebe lek eerogo panuwok nduk, Ambe nggagambunuk wonogwe, Eekwi yi, iyet o.

Ndawi 7:5

It ninom wim mbanak nen mu'neren pi'nabi wogwe, Iniyok konden aan lebe eerogo noorogo panugwi, An nendage tiyanak nogo Liirubu aa'ngga pogom eerogo panugwi, Ee'netak o.

Kini Wuppiige 15:1

Wone onggo yanggorogon ari paga at anini wungge nogo tebenogo pege menggerak kwe, Oone omaawi paga wone onggo ari kenok perak, anini nogo abunuk mi'nage menggerak.

Leendawi 4:18

Tu nugwi niinok, ninom ogoorak nen inigen wo'niren nugu nogogwaarak me, Ninawoore'nggam nen wundi naga'lek puk aret wonogogurak o. Nit nda'nogogurak eyom abu aret lek arit nage, Nineenik logorak kuli abu aret ari nage, Ndi, nit kambuurak eyom panggoni wage, Eereegerak me,

Yetikiyen 13:18

yorage logonet, Aliku Itok Menggerak ALA nen yegerak nogo yi aret. It kumi aakumi yowarinako logowak nduk, inarenggen inobaak me li eerogo pakwi, inagali yikkologwe, inayumage langgunggologwe, eeko menggaarak ti, inabuwa o. It ineebe inili yikkologo logonet, an napuri yilunogo piyaawok nduk, eeko agaarik ya?

Mika 7:2

It aap Ala mugurok nogwe nogo, o yime inenggaawak lek aret iige, Aap iniki abe koonak ambiriluk ambi lek aret kage, Eeke agarik o. It abok aret aakumi inooriyak nduk, enaarak negen wonogwe, Towe yilunggagak yum yugu wonok nugu mengga kwak, it ambi nen inoreeluk ambi wariyak nduk eerit nugwi, Eeko agaarik o.

Yaya 15:25

Ineebi ninombakwi nogo ti, Ala nen ari logonet, Alom lek kagak ineebi nombakwi o, yinuk, yereegerak liiru mbanak nogo, a'me lik yuwak nduk, ineebi ninombako agaarik o.

1 Tamuwen 12:3

Ndi, yogondak at Aliku ALA inom, aap leenogo amburu kilippogotak inom, inenggaanom paga an mi'ndak wonage me, an maluk eeppinagage logonet, aap ambi aanggo lembu wagangge, aap ambi aanggo keledai wagangge, aap ambi wi-wi eeppege, aap ambi tebenogo pege logonet, noone omaawi yoge, aap ambi eekerak kagaarogo pikit nduk, wu wo'niri wage kenok wagangge, ti mendek ambi eeke neegotak nogo yo'nugwi kiinok, an nen obaane'me pikit nduk, yo'ninip o.”

1 Tamuwen 18:27

at Ndawut nogo owe endagembogut aru arikit nduk, awuri inom o Pilitin iname unggwi nogo nogogwaarik, aap Pilitin mendek ineebe dua ratus kuli inooppunuk, inayo ambiragap mbanogo aap endagembogut Tawun nggino yereegerak nogo ndak-ndak wogori wogo mbareegwa, at apuluk Mikan nogo akwe kolaawak nduk, Ndawut aret wogoreegerak.

1 Tamuwen 23:14

Ndi, at Ndawut nogo karume yugum ambe nggaganak me inom, puut nggelok-nggobok yugum pak wurogo pit nagagim o Tip karume inom, nogome kumaa'narit nege me, at Tawun nen netik-netak Ndawut kwaarit-mberaarit nege nagagerak kwe, Ala nen Ndawut eebe waganogo Tawun eenggime puulik.

1 Tamuwen 23:23

At kumaa'narit nege menggim abok aret abu liippogo logomonggotik, wone lik togon wonok an yo'niri wogwe kiinok, an kit ninom nogo logomonggoorik, eebe wonage kenok, it aakumi Yekura ineebe ambik togon wonogwe inenggela'me iyok mugurok-magarok eerit pigaakit o,” yinuk, yoragagerak.

1 Tamuwen 25:28

ndi, an kayeloman maluk eeppagagirak nogo mari eerogo panege, eeru o. Kat nen at Aliku ALA awim eeke menggendak me, kat nogoba kapuri ndaganabemenggaarak kinom Iterali mondok unde wogonako logomunggup nduk, Aliku ALA nen aret eeppagagin o. Togop aret me, kat kangga'lek keenik logonet, maluk eeka'lek obeelom mban aret eeke logomunggun o.

1 Tamuwen 26:18

Ari nagagerik, “An maluk nano eekirak. Ndi, maluk ngge eeriyak koongge me, an kayeloman mu'neren-ma'neren nege agandik?

1 Tamuwen 26:20

Togop aret me, aap ambi towe wonde wariyak nduk, eyonggaame puurom kwaarit nege menggi kwak, an nggeewo abi kwak neegak, kat aakumi Iterali inowe kendagembogut nen aret nooriyak nduk, kwaa'nabit nege me, namiya nggween paga nda wambuurak lek o. Ata, Aliku ALA awooliya wurik me enggaanom paga aret wambuwak o,” yinuk, yoreegerak.

1 Tamuwen 26:23

It aap abe koonak li'lak eeko menggaarak kero, at Aliku ALA nen onggo obeelom eeppiige menggerak me, at Aliku ALA nen oonikiya yi paga kat keebe waganogo an neenggime panegerak kwe, At Aliku ALA nen leenogo pereegerak amburu eeppugu me, yinuk, an koorulik teppagagirak o.