1 Tamuwen 23:4 - Ala Wone Peenok Peebi Mbanak

⁴ Yogo mbareegwa, at Ndawut nogo Aliku ALA ambinom nggino yoge mbareegi, at Aliku ALA nen onggo yoge logonet, “Aap Pilitin mendek ti, an nen waganogo kineenggime pinagagin me, o Kekila time nanip o.”

1 Tamuwen 23:4 Cross References

2 Tamuwen 2:1

Ti'nuk, ne ambi paga at Ndawut nen Aliku ALA yoge logonet, “An o Yekura inawi kota ambi time na ilik?” Yoge mbareegi, at Aliku ALA nen, “Nako.” Yoge mbareegi, at Ndawut nen yoge logonet, “Inawi kota nggeeme na o?” Ari mbareegi, at Aliku ALA nen, “O kota Keboron time aret nak o,” yoreegerak.

2 Tamuwen 5:19

at Ndawut nogo nen Aliku ALA yoge logonet, “An aap Pilitin mendek ninom wim perenggola na ilik? Ndi, perenggola nage neenok, kat nen neenggi paga panumunggun ilik, lek a?” Yoge mbareegi, Aliku ALA nen at yoge logonet, “An nen aret aakumi Pilitin mendek ti, waganogo keenggime pagagin me, kinom perenggola nak o.”

2 Endagembogut 3:18

Ti eerigin nogo ti, at Aliku ALA enegen kagak, we negen aret eerigin o. Ndi, it Mowap mendek kunduk, Iterali ineenggime piyamenggerak me,

1 Mbinineegwaarak 14:10

at Ndawut nogo nen Ala yoge logonet, “An aap Pilitin mendek ninom wim perenggola na ilik? Ndi, perenggola nage neenok, kat nen neenggi paga panumunggun ilik, lek a?” Yoge mbareegi, Aliku ALA nen at yoge logonet, “An nen aret it Pilitin mendek ti, waganogo keenggime pagagin me, kinom perenggola nak o.”

Yotuwa 8:7

kit ku taanak logomonggotak nogo pilak yogo logomonggotik, o Ayi paga kwi'nari unggwi wogwe kiinok, at Aliku kinogoba Ala nen o ti, kineenggime wokkiraagin o.

Owak Loongga 6:39

Tooppunuk, at Nggireyon nen Ala yoge logonet, “Ndomba eeruwak mbanak nogo paga ogut wakkoorak nduk, ne ambinom eeriyak yokkirigin me, keebi nombarugun o. Ne yogondak yi paga mban ndomba eeruwak mbanak nogo woloonak kagak, nggween paga mban konaananggen luurogo puwak nduk, eeru o.”

Owak Loongga 7:7

Nonggo mbareegwa, Aliku ALA nen Nggireyon yoge logonet, “It aap ineebe tiga ratus niyo ineenggi tamok nenggaarak ti paga an nen kinagap ndake logonet, aakumi Miriyan mendek kineenggime pinagagin me, it ando ti, iniyokan iname lombok nawak nduk, yoret o.”

Owak Loongga 7:9

oonikiya nogo paga Aliku ALA nen Nggireyon yoge logonet, “It aakumi Miriyan mendek inawooliya wuppunuk wonogwe ti, an nen keenggime wokkirigin me, mi'na'nuk, inoori nak o.

1 Tamuwen 10:22

Lek kenok, it aakumi nogo nen at Aliku ALA yogo logonet, “Ai, ninogoba. Aap ti nogo, yime wagaarak wonage ilik?” Yogo mbareegwa, Aliku ALA nen ari logonet, “Eebe wagaarak wonage aret kwe, yi mendek ndi mendek enggela'me kumaarak wonage o,” yoragagerak.

1 Tamuwen 23:2

Yoge mbareegi, at Ndawut nen at Aliku ALA yoge logonet, “An aap Pilitin mendek ninom wim namburi noorak op ilik, lek a?” Yoge mbareegi, at Aliku ALA nen wone onggo yoge, “E o. Aakumi Kekila mendek inagap nda'nok nduk, it Pilitin mendek ti, kinom namburi nak o,” yoreegerak.

1 Tamuwen 23:3

Yoreegerak kwe, it Ndawut awuri nen at yogo logonet, “Nit o Yekura yime logonet, ninookwi iyo, ninagabiti ambik mbakwi me, it aap wim nambuka Pilitin mendek ninom o Kekila wim namburi nogwe niinok ti, abunuk ninagabiti ambik ariyak me, noorak meek o,” yoreegwaarak.

1 Tamuwen 23:5

Yoge mbareegi, at Ndawut awuri inom o Kekila unggwi nogo nogogwaarik, inom nambuko logonet, aap Pilitin mendek mondok iya lombok inoorogo piinok, inaanggumi kugun ko'nok wogwe, ndi, aakumi o Kekila mendek nogo inagap ndake, eereegerak.

1 Tamuwen 28:6

Wake mbareegi, at Tawun nen, “At Aliku ALA ambi yo'niruwak,” mba'nuk, nggino yoreegerak kwe, at Aliku ALA nen onggo abi paga inom, yugum Urim paga inom, aap Ala nen yorage kagak yoraga paga inom, wone ambi abu yorulik.

1 Tamuwen 30:8

Ndawut nen Aliku ALA yoge, “It aap a'nggan wogonaka nen ninakuwi-ninapuri wogoren nagaarak nogo ti, muguren na ilik? Ndi, muguren nage neenok, ninom lambunugun ilik?” Yoge mbareegi, Ala nen wone onggo yoge, “Muguren nak o. Muguren nage logomenggendik, kinom abuk a'nuk, ndiniren woraamunggun me, nak o,” yoreegerak.